Dom harei ini, di dom xa, phuong hu rilo urang bangsa Khmer daok di ban raya Can Tho daok chreih chrai peih bruk palih ruah. Di xa Lai Hòa, Uy mban palih ruah xa hu srap gap papar sap, peih radaih nduac pathau khan, tuel mbang ron, pathau khan di angaok bambang khau tin ndien tu saong dom nen tang mang xa hoi di bhum palei, pagam haong asal kadha palih ruah dalam dom var taom mbaok bhap bini…Tapa nan daong rahra thau cambaih laih jang makna di mbang palih ruah.

Tỉnh Vĩnh Long hu 6 don vi buh phieu palih rah urang lambaok vakil ka Quoc hoi, 23 don vi palih ruah urang lambaok valik ka Hoi dong bhap bini tinh saong 817 don vi palih ruah urang lambaik vakil Hoi dong bhap bini xa, phuong hu 2.908 labik buh phieu. Mbiah tal ini, bruk kuhria caga ka harei palih ruah daok peih ngak samar drah. Yaom lac hu ginup kaya ndap nda min dom bhum palei hu rilo urang bangsa Khmer  daok diuk rai di Labik buh phieu dalam mblang baha, piah ba mbuan lagaih haong bruk bhian randap di urang Khmer.

Xa Hải Ninh, tinh Lam Dong hu pagam meng 3 xa di tinh Binh Thuan klak, rilo meng lac urang bangsa Lo. Kuhria tal tukvak ini, Uy mban Palih ruah xa Hải Ninh hu peih ngak dom banah bruk pambuk tal bruk palih ruah tui njauk adat. Xa daok patagok khau tin angaok majam loa papar sap, pathau khan; bhian pasang iek bruk peih ngak bruk ngak di dom kapul palih ruah. Dalam xa Hải Ninh hu labaih 14.200 urang buh phieu, gu 13 kapul palih ruah.

Dom harei ini, di dom jalan nao mai dalam xã bhum atah bayah dalam tinh Binh Phuoc dahlau diah (urak ini lac tinh Dong Nai), bruk cara caga ka harei palih ruah buh phieu daok hu peih ngak samar drah. Dom puk palei urang bangsa takik, langiu bruk pandar loa papar sap saong tauk sarak angan urang tame palih ruah, danak dak bruk ngak di jabat palei, karja  pak ini daok ba dom urang taha akaok palei tame daong ngak bruk. Bruk nan daong bhap bini, rahra hu thau cambaic laic ka kein laba di drei, meng nan brei ngak njauk bruk di sa rahra.

UB Bhap bini ban raya Ho Chi Minh ba tabiak jalan ngak peih tabiak Jalan kuhria pakat negar ka bruk pacang caga bala langik tal thun 2030, pamaong tal thun 2050. Jalan ngak tal thun 2030 patrun labaih 50% khat lahik kayua bala ngak tabiak dut haong tukvak 2015-2025; 100% jabat karja dom pakat, kapul saong baoh sang hu thau ginup khau tin saong caga ilamo pacang caga bala langik. Gam haong nan paglaong prein pasang iek, kuhria dahlau, kakei caga saong kathau khan khau tin bala langik di dalam bhum.

Karja Tong thong My Donald Trump daok pasang iek tukvak cadu hukum pajeng ba di tahik piah caga bruk yaom xang menyek tagok khang saong mbuan ba tal kurang. Dom urang ilamo mboh lac, jalan ngak nan meda khan tabiak aval dahlau piah trun yaom xang menyek, tapa nan daong trun jien pajeng ba saong samar hu jao pandap. 

Jabat Hang khong Vu tru (NASA) brei thau bruk nhauk ngak di Artemis II meda hu par tagok aval abih di harei 1/4 anak tal, brei mboh bruk patagok hu makna dalam jalan ngak ba anek menuac tagok Ia Bilan. Tui jalan kuhria, brei par vil taom dar Ia Bilan saong par atah di Baoh Taneh jang dut haong menuac urang hu ngak meng dahlau. Ini lac mbang akaok meti ten lua saong ahaok vu tru di NASA ba anek menuac nao tal jaik Ia Bilan dalam labaih 50 thun tapa.

Bruk roh duah brei mboh 1 dalam 3 taong abih bhap bini rahra daok diukrai di dom bhum palei langik padiak catang, pandiak glong ngak jhak tal rilo bruk karei.  Yaok kuhria rah tapa, dom urang umo labaih 65 thun yam tapa labaih 900 mon sa thun tuk langik pandiak glong, takik ngak bruk di langiu langik piah khik brei salamat. Bhap bini di dom taneh ia atau di bhum kan kathaot jang gaok rilo kan kandah kayua langik pandiak./.