Harei ini, yaok rituh urang buh phieu di dua kaoh pulao  lac Hòn Khoai saong Hòn Chuối labik ngak bruk di bol lin dalam  tinh Ca Mau hu salah blaoh bruk palih ruah aval dalam bruk bui sambai, tani tanat. Kayua bhum taneh daok atah, Hoi dong Palih ruah pakat negar hu brei ka labik ini peih harei palih ruah aval 2 harei dut haong harei palih ruah dalam negar. Kapul bol lin, kong an saong dom gah chuc nang hu kak kajap pasang iek bruk daok pandaok, tapen gilai meng rilo harei dahlau piah harak angan urang buh phieu oh luai lahik atau dreih gauk. Dom thung harak phieu di dua kaoh pulao hu piah kandauk kajap saong pajeng mai taneh riya dil samu dahlau harei 15-3 anak tal.

Sang iek ruak Da khoa bhum Tay Nguyen, labik y te praong abih di bhum daok ngak salah dom bruk sap pagap  piah ka harei palih ruah 15/3 hu siam gheih. Kuhria hu labaih 1.250 cu tri lac urang jakar, urang ngak bruk  gam yaok ribau urang ruak saong urang raong manuac ruak di sang iek ruak brei buh phieu di labik ini. Ngan haong dom urang ruak ka nao mai, Kapol urang ngak bruk palih ruah brei ba thung phieu  mai tal ghe laneng ndik iek ruak, piah thei jeng hu adat ngak po saong bruk di sa rahra.

Ban raya Ho Chi Minh peih bruk pakacah 150 harei malam salah blaoh 1.000 bilik bac, duh thun bac 2026 - 2027, gam haong nan pandar dui katut harak gal, jak ba rilo gah piah jhul samar br7uk padang sang bac. Chu tich UB Bhap bini Ban raya Ho Chi Minh Nguyễn Văn Được pandar jak ba rilo gah ka bruk padang sang bac. Ban raya brei pandar dom taneh hu ginup kein lagaih piah padang sang bac.

Pasak Roh duah Nong nghiep dunya Australia patui bruk pambuak bruk roh duah piah ngak tabiak padai brah lagaih haong langik tathik Bhum taneran kraong Cuu Long. Tui nan, kuhria bih phun jien buh tame ngak lac 1 trieu AUD, labaih 18 ti dong, danak dak nan  paglong prein ngak  bruk ka dom HTX, daong ka urang ngak padai khik  hu siam hadei yuak kuak. Danak dak jhul pakhang bruk roh duah ngak pajaih  ngak tabiak padai asar siam.

Mbang padai Dong Xuan thun ini di xa Cờ Đỏ, Ban raya Can Tho hu kein lagaih tuk langik tani tanat, takik halak haling, ngak hu rilo, min yaom padai daok trun. Ngan haong bruk patagok bruk ngak nong karo kajap, xa Cờ Đỏ, daok pataom tame padang saong patagok dom HTX ngak nong pagam haong pambuak gah ngak padai saong pablei padai. Ini hu maong yau lac jalan nao hu makna paglaong siam lagaih bruk ngak padai dalam tukvak anak tal.

Quoc hoi Trung Quoc khan tapa hukum birau ka bruk jum pataom bangsa, kham khik pakajap ilamo siam gheih di taneh ia di dom bangsa takik saong yasa taneh ia. Tui hukum, sap bangsa lac bahasa hu ba tame harak gal, bruk karja. Dalam dom labik duh ka bhap bini brei pandar dua panuac sap pho thong soang sap bangsa takik. Dom asar kadha  nan piah pachreih urang bac megru di gauk, tok diuk tok pasang di dom nyaom urang bangsa takik hu ba tame hukum karja.

Piah tani tanat darak pasar xang menyek dalam dunya, Rajaei My hu ba tabiak bruk oh taong bhat dalam 30 harei ngan haong menyek tamo saong dom ndap nda di menyek di Nga daok gar tavak angaok tasik. Akaok mentri Jien padai My brei thau bruk ini brei patakik saong anak meta oh ba mai kein lagaih jien padai rilo ka rajaei Nga. Dahlau nan, My jeng brei thau lac brei tabiak gilang 172 trieu thung menyek meng gilang khik piah menyek tui jalan kuhria.

Rajaei Peru khan brei thau ka bruk ngak samar drah di 283 quan/ huyen piah trun takik khat lahik saong pacang caga bruk hajan praong dui atah bruk khik salamat bhap bini. Rajaei Peru brei rilo urang rilo urang jakar akaok mentri mai dom labik gaok bala  piah daong samar, jak ba dom kapol y te nao ngak bruk daong iek ruak, daong kaya mbang ka bhap bini./.