Di Nyaom biai online ka bruk patagok kinh te bạc – brei ka urang taha di dunya saong randap lagaih haong sarak, jalan ngak di Viet Nam, Thu tuong Phạm Minh Chính je tame dom rai rah urang praong thun umo Viet Nam brei patui veik ngak kareih pasang, ba drei tame piah rik daong ka bruk patagok di taneh ia negar dalam jaman bahrau di taong abih gah ngan haong kadha: “Thun umo glaong hadah krah – Thun taha khang kadang – labik pambak ka anek taco – Patagok taneh ia – Ilamo praong dalam – Nao dahlau ka bruk daong taneh ia”.Thu tuong pandar pataom tame padang, salah blaoh thể chế patagok “kinh te bac – brei ka urang taha” ba tame jalan ngak, jalan ngak patagok di negar, di gah ngak bruk saong bhum palei.

Piah khik hu bruk ndih tapui kuman sumu urang taha, jien daong ndih tapui anek, Mentri Y te daok padang ngak Sarak hukum tui bruk cambaic laic ka dom asal kadha  saong jalan ngak, tacei pato ngak tui Hukum Bhap bini rahra. Tui nan, jien daong ka urang ndih tapui anek lac 2 trieu dong sa urang sa mbang ndih tapui ngan haong urang bangsa takik; Urang kumei ndih tapui ginup 2 urang anek dahlau 35 thun…Langiu di nan, hukum daok kuhria mboh: Urang halei ndih tapui anek ka 2, tukvak padeih ndih tapui ka urang kumei lac 7 bilan, urang likei lac 10 harei tuk diuk ndih tapui.

Ban raya Ho Chi Minh brei ba bruk pacang cakak jru phil tame sang bac tieu hoc, piah ngak cambih laih jalan pacang khik anek saih anak dom janih jru phil daok dak harei dak hu pandar di urang sit thun umo. Bruk ini oh padeih di di dom kadha langyah ly thuyet mbuan mbiah blaoh daok hu ngak cambaih laih meng bruk brei mboh tantu ngan haong asal kadha hu papar binguk mekre meta. Di ini, harak angan kaya dalam nan hu meng dom janih jru phil truyen thong tal dom janih jru phil tong hop bahrau yau ye jru phil ia taiy, ia vui, tem lưới hu brei mboh pagam haong ralaoh khau tin cambaih laih ka bruk brei thau saong kanjah jhak cambaih laih.

Urak ini, yaom baoh kruac aih di tinh Vĩnh Long tagok glong, yaom meng 45.000 - 50.000 dong sa kilo. Ngan haong kruac aih oh hu asar, kruac aih Bông Tím  tagok yaom 25.000 - 30.000 đồng sa kilo. Tui So Ngak nong saong Alam moi truong tinh Vĩnh Long, phun kruac aih hu urang pala pablak tame dalam bein la-u piah duah jien tame.

Hadei 6 harei klaih klaoh kayua bruk kan kandah sà lan ganuh tame tatua Ghềnh (tinh Dong Nai), page ini, jalan pasei Barak – Meraong hu preih peih nduac gilac. Mbang peih nduac radaih SE6 hu nduac meng ga Sai Gon hu nao tapa tatua Ghềnh Salamat, brei mboh bruk salah blaoh bruk pasiam kan kandah di mbaok tatua. Pambuak tal bruk ini, harei 10/3, Jabat Canh sat pasang duah Kong an tnh Dong Nai hu ba tabiak kaoh duas hinh su ka bruk ini “Ngak suan adat ka bruk peih nduac gilai angaok ia” ngan haong bruk sà lan Thành Đạt ganuh tame tatua Ghềnh.

Mentri Yulit saong The thao Thai Lan birau ini kuhria mboh, mblang kapal ahaok par langik di Trung Dong daok kareik pabah mbang dui atah, gah yulit taneh ia ini mbuan khat lahik labaih 1,2 ti USD. Urak ini, tuai damuai  yulit meng Trung Dong  saong chau Au daok trun samar. Tui nan, yaom harak ve kapal ahaok kuhria mboh tagok rilo kayua dom mblang kapal ahaok  meda dui atah tukvak par, gam yaom xang menyek tagok saong jien padai oh karo kajap.

Kapul Y te Dunya (WHO) kakaei caga bruk “hajan juk” rah tabiak di Iran hadei dom mbang taong tame dom labik xang menyek meda hu ngak tabiak dom bruk kan kandah tal prein yava rahra, abih di nyu nan lac dom kadha hu pambuak tal majam thuak yava. Jabat y te Iran hu ba tabiak pachreih kakei rahra brei daok dalam sang tuk hu dom mbang taong tame dom gilang padang menyek.

Pasak Khi tuong dut iek langik tathik di ASEAN kakei dahlau, di bhum Dong Nam Á meda tame akaok bilan Hè thun ini pandiak jang dom thun dahlau, ba tal pandar rilo ndien saong menyek. Tui kuhria hu meng 80 - 100% langik pandiak glong jang  bhian thun di Indonesia saong Malaysia. Rilo labik di Thai Lan saong bhum gah Brak Viet Nam meda hu rilo mbang langik pandiak catang./.