Peih bruk mbaoh harak Kong uoc LHQ pacang caga kol duas mang ( daok ieu la Kong uoc Ha Noi) peih ngak di Ha Noi, hu 72 taneh ia mbaoh harak Kong uoc. Ngan haong kadha “ Pacang caga kol duas mang – Klak rabha bruk ngak – Pamong tal harei hadei”, Bruk peih brei mbaoh harak Kong uoc piah padang sa adat hukum pandar yau gauk, njuak ba gauk tame mesruh pacang kol duas. Sahaneng lac: oh lac ta-eng taneh ia halei pacang kol pachot pagat angok mang, Viet Nam tuk halei jeng brei kuhria caga dahlau, abih hatai rik daong pambuak dom gah, gam haong dom taneh ia piah khik brei salamat angaok mang.

UB Bhap bini tinh Ca Mau peih tabiak bilan ngak bruk tabung glong pacang bruk chap mek kaya ia suan hukum, oh khan brei thau saong oh ngak tui hukum IUU. Bruk ngak hu makna praong tal harei 15/11 anak tal: Padeih abih bruk gilai ikan, urang ngak mbang di tathik ngak suan hukum adat di tathik negar langiu; Oh daok rah tabiak dom bruk suan hukum yau ye oh pambuak hu haong VMS dalam 6 tuk bo oh khan brei thau, lahik pambuak tapa 10 harei oh mboh gilac mai ar, atau lih tapa tathik negar langiu.

Jit ruak pandiak tabiak darah di Bhum taneran kraong Cuu Long daok rah tabiak sraw kadau kan thau dahlau. Di Ban Can Tho, meng akaok thun mbiah tal ini hu 3.472 mbang urang ruak pandiak tabiak darah. Dua tinh Dong Thap saong Vinh Long jeng daok hu urang ruak  tagok meng labaih 80–130% dut saong thun dahlau, rilo urang yam tapa pakat caga jit. Yau nan ye, langiu bruk klau jru caga ruak, dom gru jru saong urang ilamu kakei bhap bini pametai anek raoh lang quang, klak dom pandap padang ia, ngui cuh khan ao dhai pacang tangin takai, luh kem jru pacang jamoh kaik, ndih dalam kamo harei atau melam.

Danak dak “ Yawa alat ragam Kong cieng Dong Nam A 2025” ngan haong kadha “ Yawa Kong cieng Tay Nguyen -Kong cieng Dong Nam a 2025 pataom gauk” jaik peih tabiak di Da Lat di bilan 11 anak tal. Danak dak pataom hu 12 kapol nyaom mai meng Gia Lai, Dak Lak, Lam Dong, dom tinh gah Barak negar gam haong dom kapol nhe thuat seni Thái Lan, Lào saong Malaysia. Bruk pamong tal lac peih ngak Festival Kong cieng yaok 2 thun sa mbang, rik tame bruk khik ramik drap ar, jhul pakhang bruk main alat ragam Dong Nam A saong brei mboh labik dang di  Lam Dong – Lac bhum taneh pataom, pambak praong ilamo Tay Nguyen tabiak dunya.

Hajan praong rah tabiak di tinh Dong Thap ba tal mbuan khat lahik dalam bruk ngak mbang pala drak. Urang ngak nong glaih glar brei njuk pruh ia tabiak meng hamu, bein njam patam saong bein phun pala klak di ia dauk metai. Daok di dom xa An Thạnh Thủy, Tân Thuận Bình, Mỹ Tịnh An... hu biak ralo hamu pala njam patam “ dauk” dalam ia hajan. Tui Rayo dut iek kuhria ka Langik tathik tinh Dong Thap, urak ini daok dalam bilan hajan yau nan ye mikva brei kuhria caga dahlau ka bruk pala drak di drei.

Thu tuong dua negar Campuchia saong Thai Lan mbaoh harak Khan brei thau ka bruk ginum biai salamat, brei mboh bruk ngak anak tal padeih mesruh gauk saong pasiam veik brei salamat di labik taneh dua gah tapen negar. Campuchia panuac sanya catang ka bruk ngak tui ginup saong njauk haong sarak Tuyen bo ka bruk sron mbon salamat, patui pambuak khang kajap haong Thai Lan saong dom gah pambuak tal bruk khik brei kein lagaih di dua taneh ia.

Sa chien dich ngak samar chip hu mbaok di labaih 100 urang pasang duah hu canh sat Phap tame ngak bruk urang co klaik kaya krih di gilang khik piah danei angan Louvre di Ban ine Paris. Dua  urang hu medi lac pambuak tal bruk co klaik drap ar nan njauk chap mek di melam sanecar njauk ndem lac dius  “co klaik hu rilo urang” saong “hu mbaok tame kapol dius”.

Anh daok dang anak bruk cuang kandah khat lahik co blah angaok mang trak abih kuhria meng lavik mai. Tui Pasak An ninh mang pakat negar, kuhria meng akaok thun tal bilan 9 meng blaoh hu labaih 204 mbang “lahik biak trak di negar”, sumu 4 mbang taong co klaik yaok adit. Dom urang ilamo kakei dahlau Anh njauk brei salih karei biak ralo piah khik caga brei salamat angaok mang, pataom tame paglong jalan caga saong pasiam veik bruk ngak mbang ka doanh nghiep jeng yau kapol nyaom hadei gaok kol co blah ngaok mang ngak khat lahik.