Ban raya HCM panduan salih bac si mai dom phuong, xa kan kandah palih ruah, dui pachreih saong khik takai bac si. Tui nan, yaok thun brei hu 1.300 y bac si, dalam nan hu 1.000 bac si, hu ilamo giao su, tien si, bac si chuyen khoa salih gauk trun balai y te. Urak ini hu 81 bac si di 41 sang iek ruak srap gap hu mbaok tame, ngan haong tanut daong meng 8 – 20 trieu dong/urang/bilan patui ilamo. Daok bac si panduan salih mai tal Con Dao hu daong 30 trieu dong/bilan. Tukvak panduan salih takik abih lac 2 bilan, mbang ka 1 kuhria hu tame ngak meng harei 1.10.

Ban raya Can Tho birau peih bruk padang ngak Danak dak Sang daok ka raha phường Ninh Kiều. Danak dak hu peih ngak di labik 21B jalan Mậu Thân, di taneh  praong labaih 2.500 m2, kuhria abih tih jien tame ngak labaih 568 ti dong. Tui bruk ba tabiak, danak dak ngak salah blaoh, ba tame pandar, pandar dalam quy III thun 2029. Danak dak sang daok ka rahra  ngak salah ba mbuan lagaih  ka dom urang mbang tui sarak, gam pandar siam taneh do ban do thi hu blaoh.

UB Bhap bini tinh Dong Thap brei padang Labik kinh te pabah bambang negar saong labik kinh te tapen tasik Gò Công tukvak 2026 – 2030. Tinh kuhria patagok jitvu lamnge tasik, logistics, roh duah padang pasak logistics, pandar dom kein lagaih kapal gilai praong tame labik tasik saong kraong Soài Rạp. Bruk patagok 2 labik kinh te meng pabah bambang tal tapen tasik hu caong khin peih praong labik patagok, paglaong bruk pablei salih, dui pachreih buh jien tame saong daong prein patagok kinh te Dong Thap.

Cà Mau urak ini hu jaik 1.380 baoh sang ilimo, labik nyaom pataom bhap bini di dom puk palei. Pasang iek hu mboh, 830 labik nyaom pataom ralo bhap bini, daok 549 labik labaih atau brei ba tame pandar ka bruk karei. Ini lac labik praong njauk brei langyah samar  hadei dak ramik  don vi hanh chinh plaik njiak palai pajua. So Ilimo, padhih saong Yulit Cà Mau  caong khin meng ini tal thun 2030 pataom tam sa pasak praong di yaok xã, phuong, pabak jamraih, urang ngak bruk, patagok bruk ngak yaok bilan, jhul pakhang bruk pandar taka so, xa hoi hoa.4/ Cà Mau urak ini hu jaik 1.380 baoh sang ilimo, labik nyaom pataom bhap bini di dom puk palei. Pasang iek hu mboh, 830 labik nyaom pataom ralo bhap bini, daok 549 labik labaih atau brei ba tame pandar ka bruk karei. Ini lac labik praong njauk brei langyah samar  hadei dak ramik  don vi hanh chinh plaik njiak palai pajua. So Ilimo, padhih saong Yulit Cà Mau  caong khin meng ini tal thun 2030 pataom tam sa pasak praong di yaok xã, phuong, pabak jamraih, urang ngak bruk, patagok bruk ngak yaok bilan, jhul pakhang bruk pandar taka so, xa hoi hoa.

Tinh Vinh Long brei peih ngak “Adit Ilamo, Padhih saong Jirah rivang” saong Raya adat Ok Om Bok thun 2026 di bangsa Khmer dalam puac bilan 11. Ok Om Bok, atau daok hu ieu lac Adat paling Ia Bulan, lac sa dalam dom adat bhap bini hu makna dalam thun di bangsa Khmer. Raya adat brei mboh bruk pambuak pagam di menuac urang haong alam langik, bilan pala drak saong bhap bini; gam haong nan payua caong takre ka raidiuk trei sir, haniem phol.

Nhat Ban ba tabiak bruk brei tagok jien laba 0,25 tanut angak sa rituh saong tagok 1,25% - tanut glong abih dalam labaih 30 thun. Bruk nan ba tabiak piah pacang bruk khat lahik lam phat tagok samar tui yaom menyek hadei bruk cuang kandah di Trung Dong saong jien yen trun biar abih dalam 40 thun tapa. Dalam bilan 8 tapa, lam phat di Nhat Ban tagok 1,7 % dut saong tukvak ini thun dahlau.

Urang pandar Australia brei thau hu ginup umo 18 thun piah pandar dom bruk atau mek trun dom ung dung hu nhãn 18+ di dom kaya di Apple. Bruk ini piah paglaong pacang uranaih di angaok mang. Tui nan urang pandar praong meda thau thun umo di angaok kaya meng bruk pasang harak gal menuac urang. Langiu di nan, urang jeng meda pandar kat tin dung njauk lagaih thei oh brei thau thun umo ye oh meda mek trun ung dung dak dalam kapul 18+.

Dua kuman ndih tapui tabiak akaok pagam gauk hu bac si di Mỹ blaic raih hu jak jeng siam mekre. Dua kuman kumei ini hu ba mai meng Ethiopia mai Mỹ iek ruak thun 2025. Dua kuman ini akaok pagam gauk  biak kan kandah tok hu sa luoi tinh mach praong me-om hop so. Dom bac si brei ngak 6 blaic raic dalam rilo bilan, dahlau tuk raih neh tabiak hu dui atah 24 mon di bilan 2 thun ini./.