Uan raok Giang sinh, Akok Uy ban Trung uong MTTQ Viet Nam Bùi Thị Minh Hoài payua harak thư ayuh tal taong abih dom urang ngak praong halau janeng, tu si gam taong abih bhap bini Kitô Kong giao, Tin Lành Viet Nam. Harak thư: MTTQ Viet Nam meyaom saong taong yaom glong bruk diuk rai “Iek praong Chúa - anit palei negar”, “Diukrai dalam hatung hatian bangsa di bhap bini Kong giao saong Tin Lành. Dom urang halau janeng kham merat jak ba dom urang hu mbaok tame bruk pakacah gauk anit ranam taneh ia, dom bruk jak ba kayua MTTQ Viet Nam peih ngak; ba gauk daong ka urang kathaot, urang mbuan gaok kan kandah; hu mbaok tame khik iek alam moi truong, caga bruk langik salih oh lagaih; padang ngak palei pala birau, do thi ilamo hadah krah, rik daong ka bruk pato megru, y te, ngak pahala, halan hatian saong jum pataom bangsa…  

          Ngan haong urang ngak gaok kan kandah nao palei mbang Tet, danak dak “Radaih bilan Xuan” Tet nasak Athaik Wao - Bình Ngọ 2026 patui bruk peih ngak pandar kong nghe so. Biar harei kabroi 17/12, Lien doan Lao dong TPHCM pambuak bruk haong Harak Bao Lao Dong saong Kong ty Co phan Zion peih bruk mbaoh harak ngak danak dak “Radaih bilan Xuan” Tet Athaik Wao 2026, ngan haong kadha “Viet Nam pasang mã - Daong ka gauk padang sang daok”. Mban peih bruk jak ba labaih 1,2 ti dong piah dang ka labaih 800 harak ve radaih ka urang kong ndoan, urang ngak nao pablei mbang Tet.

So Ngak nong saong Moi truong TPHCM khan lac, mbiah tal ini, ban raya  ngak hu taong abih 19 dalam 19 bruk pacang caga taong chap kaya ikan suan hukum IUU tui tacei ba di Rajaei; taong abih gilai ikan hu tut angan, pabak tame ginup taka du lieu; taong abih gilai ikan atah meng 15 met tagok hu pagam mac jamraih. Dom sruh gilai oh hu ginup mac jmaraih ngak bruk brei pataom sa labik, brei pataok di tambok saong pasang iek kajap, oh brei tabiak nao ngak mbang di tathik.

Tui Kapol Urang sup meta tinh Dong Thap, hadei pagam tame, dalam tinh hu labaih 2.300 urang hoi lac urang sup meta, dalam nan hu 19% urang hoi sang kathaot, hu raidiuk kan kandah. Piah patui daong radiuk urang hoi, menh harei 1 bilan 7 mbiah tal ini,  Kapol Urang sup meta tinh  jak ba dom urang ngak pahala, urang  ngak mbang pablei salih, agama atah jaik rik daong jien hu labaih 5 ti dong. Thun dahlau, Kapol Urang sup meta tinh Tien Giang dahlau diah jak ba rik tame 32 ti dong.

Peih ngak “ Danak dak Quang Trung”, tinh Lam Dong peih ngak hu dua mbang padang ngak sang daok daong ka 40 po sang bhap bini bhum ribuk ia sua, jaleih brei padang veik. Gam haong 120 trieu dong tinh Lam Dong daong yaok baoh sang, karja saong dom kapol bhum palei daong harei ngak bruk, drap ar piah ngak sang hu khang kajap. Ta-eng Bollin Quan khu 7 jak ba hu labaih 300 urang jakar, urang lin daong bhap bini xã D’Ran, tỉnh Lâm Đồng padang ngak birau 12 baoh sang saong ramik pasiam 29 baoh sang ka mikva.

Dalam tuk chreih  chrai uan raok Giang sinh, dom harei tapa, rilo urang bhap bini New York, Mỹ hu mong iek palei ahar nongya Gingerbread Lane ngak meng ahar bánh quy, keo saong tuh kem tagok angaok lac praong abih di dunya. Palei hu 755 padang ahar nongya, taong abih hu am cuh saong hu urang gheih tangin ngak mekre ahar angan Jon Lovitch nan lac urang mek hu angan Guinness dunya ka ahar nongya praong abih di dunya.

Daok di Indonesia, Mentri Jalan mbak Pajeng ba taneh ia ini daok peih ngak Danak nao mai oh abih jien tuk padeih Giang sinh 2025 saong Thun birau 2026. Thun ini, rajaei Indonesia parabha pakat ka labaih 33.000 tuai damuai hu pandar jitvu dalam nan hu radaih pajeng ba, jalan pasei saong jalan tathik. Tui kuhria tuai damuai nao mai meng ahaok dalam tuk padeih puac thun hu labaih 5 trieu urang di dom jalan dalam saong langiu negar…

Dom urang ilamo di Đại học Surrey di negar Anh, daok roh duah  dalam bilik ngak iek piah duah thau mbaok ala sang sumu haong bruk khik hu rup pabhap saong bruk mbuan labuh di urang taha. Roh duah pataom tame dom urang umo meng 65 thun tagok, piah ba tame ngak dalam mac tinh piah hu thau tuk labuh. Kong nghe nan meda hu ba tame pandar di rilo sang iek ruak, sang raong ba urang taha jeng yau dalam sang daok./.