Pasang iek, labik sap pagap kuhria ka ngak bruk palih ruah urang ka Quoc hoi mbang ka 16, urang ka Hoi dong Bhap bini dom pakat tukvak 2026-2031 di tinh Dong Nai, Chu tich Quoc hoi Trần Thanh Mẫn, Chu tich Hoi dong palih ruah pakat Negar caong khin tinh Dong Nai oh palih ruah veik di pakat xa, oh palih ruah veik di pakat tinh, oh palih ruah veik dom lambaok vakil Quoc hoi; urang lambaok vakil ba drei tame palih ruah brei taom gaok tantu piah urang buh harak phieu thau ka urang ba drei tame palih ruah klau pakat. Ngan haong bhum urang bangsa takik, Chu tich Quoc hoi ndom khang lac, ndom meyai sap bangsa piah khan brei thau, pathau khan, daong urang buh phieu thau tani tanat di Harei raya di taneh ia.

Piah harei palih ruah peih ngak hu jak jeng, Akok Uy ban palih ruah TPHCM Võ Văn Minh caong khin, dom labik buh phieu brei padang ngak lagaih tani tanat, tauk sarak angan urang mbuan iek hu cambaic. Caong khin Lien doan Lao dong ban raya  ngak bruk tani tanat haong doanh nghiep, ramik ka nyu lagaih, ba  mbuan lagaih hu tukvak ka urang ngak nao buh phieu.

Ba drei tame bruk chreih sambai di harei nao ngak bol lin dalam negar, tinh Ca Mau hu peih ngak praong prang Harei jao, taduan bol lin. Dalam mbang ini, dalam tinh Ca Mau hu 2.348 rahra ngak bruk pacang khik Negar, mek hu 100% tanut jao bruk. Bruk palih ruah thun ini hu taong yaom lac peih ngak tani tanat, njauk adat, khik kajap bruk tantu cambaih laih saong mek hu asar siam ka prein yava saong ilamo chinh tri.

UB bhap bini tinh Ca Mau padang ngak Kalan pahadar Anh hung liet si saong urang hu buh prein ngak bruk di labik Kaoh pulao, phuong An Xuyen. Danak dak padang ngak di taneh praong 2,7 ha, kuhria abih tih jien buh tame labaih 323 ti dong. Ini lac danak dak ilamo – yang mebang  hu makna dalam brei mboh bruk pahadar  dom rairah dahlau soang dom urang var klak rup drei daong khin Taneh ia palei negar.

Dom tinh bhum Pei negar daok yam tame tabung glaong bilan thu, ia mbak njom tame dalam kraong, ribaong. Dom labik rah tabiak khat lahik, jalan mbak glut jaleih, halau ia kurang rilo. Di tinh Dong Thap, di angaok kraong Tiền, ia mbak njom tame tal labik tatua Trường Chính trị di tanut 0,45g/l. Kongti TNHH Pabak ia Tien Giang hu pandar 10 bingun caga piah khik kajap ia pabak duh ka bruk daok dang ka rahra.

Tong thong Hàn Quốc Lee Jae Myung tacei ba rajaei taneh ia ini samar peih ngak paok jien daong yaom 100.000 ti uon (sumu labaih 68 ti dola) piah tani tanat darak pasar dalam tuk bruk mesruh metak di Trung Dong dak harei dak catang. Tui nan, iew dom jabat kuhria ka bruk pamduan ba samar chip bhap bini Han Quoc  daok diukrai di Trung Dong.  

Rajaei Trung Quoc brei pachreih labaih 300 ty nhan dan te (samu jaik 44 ty dolla) tame dom gilang pariak karja dalam thun ini tapa trái phiếu gilang pariak karei. Bruk ini piah pasiam majam jien padai tuk negar ini gaok srau kadau dui atah dalam gah taneh riya sang danaok, hatai je blei pandar oh glaong saong kateik geik yaom kaom patrun.

Ralo bhum taneh Cuba, nan lac ban ine La Habana, birau lahik ndien di ralo labik hadei sa sang mac ngak ndien praong khut patuh, dalam tuk  taneh ia ini daok dang anak bruk dak harei dak khik ngak tabiak rilo menyek. Tui kuhria mboh dahlau, bruk ramik pasiam mac peih ndien  lahik abih meng 3 tal 4 harei./.