Quan chung Phong khong – Khong quan pambuak haong Quan khu 9, UB Bhap bini dom tinh, ban: Can Tho, Dong Thap, An Giang, Vinh Long, Ca Mau bahrau pajeng atau talang bol lin meng ahaok bol lin pajeng tabiak Ha Noi jao pajeng ka Jabat Phap y Bol lin duh bruk pasang iek ngak tantu ADN piah brei mboh angan je bol lin. Jabat Phap y Bol lin brei ngak taka so, pabak ma ngak tantu angan, mẫu hu ngak hacih, rao dom bamao mok saong khik piah di tanut tathah ala 50%, nhiet ndo 15 do C piah khik kajap ADN daok veik. Ngak taka so daong pasang iek njauk dom mẫu, pambuak du lieu ADN, patakik bruk ngak suan angan saong jhul samar bruk ngak tantu angan je.

Yaom lac langik hu hajan, ngak kan kandah tal bruk kuac duah saong kuac haluk taneh nao labik karei, min Kapol K74 di Mentri Tư lệnh TPHCM daok tui ngak bruk, ba 3 mac kuac hluk, sa radaih ben saong 2 radaih tải 3,5 tấn pajeng labaih 500 met khoi taneh di Bein bingu Lê Thị Riêng. Tapa nan, Kapol K74 duah mboh, pataom  13 atau talang liet si, dalam nan hu sa atau nao gam, kuhria abih tih duah hu 731 atau talang.

Anak tukvak peih bruk pablei salih, mblang kapal ahaok par Long Thành daok yam tame tukvak ngak iek taong abih, ngan haong mbang rah tabiak meng bilan 9 tal bilan 12 piah pasang iek tanut srap gap di sa majam, ha tang saong urang ngak bruk. Dalam tukvak akaok meti, meng bilan 12/2026 tal bilan 3/2027, mblang kapal ahaok par peih ngak labaih 20-30 mbang par/harei, duh ka labaih 2,5 trieu tuai damuai. Kuk mblang kapal ahaok par Long Thành, gam haong nan padang dom kadha saong pasang iek ginup kein lagaih tui adat hukum Viet Nam, jeng yau tanut chuan di Kapuk Mblang kapal ahaok par pakat dunya.

Meng bilan 10 ini, tinh Gia Lai brei ngak tui sarak birau ngan haong urang ngak bruk di palei, kapol nyaom dan pho. Urang ngak taduan mbang tui jien daong phu cap birau, tui bhum palei. Di dom palei, jum ma-ah hu ralo bhap bini saong dom labik kan kandah, jien daong phu ap meng 5 trieu 850 ribau dong tal labaih 6 trieu 550 ribau đồng sa urang sa bilan; di dom labik daok veik, ye meng 4 trieu 680 ribau dong tal jaik 5 trieu 400 ribau dong. Tinh Gia Lai buh tabiak labaih 50 ti dong daong labaih 1.820 urang brei padeih hadei ramik min oh mbang tui sarak Nghi dinh 154 di Rajaei.

Kong an Ban raya HCM bahrau taong tayah jalan talei pandar janih pakauk Salbutamol piah “palamek” pabui biak praong, ba tabiak darak pasar labaih 10.000 tan ralaow, yaom labaih 600 ty dong. Peih praong bruk pasang duah, Kong an Ban raya HCM hu gam gam pasang iek samar chip 14 labik lac dom var ro, labik daok di dom urang di Ban raya Dong Nai. Di ini, kapul chuc nang duah mboh 7 labik, var ro daok raong kareik 3.900 drei pabui (trak labaih 500 tan) jeng dương tính haong Salbutamol. Dom urang khan lac hu srau 100g Salbutamol ka 300kg kaya mbang brei ka 100 drei pabui. Kuhria rah tapa yaok rai pabui raong hu palamek meng 100kg tagok tal 140kg dalam 30 harei.

Yai Nobel Y Sinh học thun 2026 birau alin ka 3 urang roh duah hu rilo kenh ion ngak bruk meng ia harei pasang saong bruk patagok di kong  nghe  di truyen hoc, bruk ini brei ka dom urang ilamo pandar ia harei  piah tui iek bruk te bao than kinh. Bruk nan peih tabiak kaya pandar birau piah duah thau glo kaok tavak tame kanal hadar, sahaneng bui atau drut druai saong ngak tui. Yai Nobel Y Sinh hoc lac yai akaok meti  hu ba tabiak di bilan Nobel thun 2026.

Malaysia srap gap ka tukvak jeng sa “negar taha” di thun 2048. Taha rahra hu kuhria pathau khan lac ngak kurang urang ngak bruk, patagok kateik geik ngan haong kadung jien padeih ngak bruk, an sinh xa hoi saong jien pandar ka y te. Anak bruk ini, Rajaei Malaysia daok salah blaoh Jalan kuhria Taong abih di Negar ka taha rahra tukvak thun 2025-2045 saong kuhria ba tagok harak Patih ka asal kadha ini tagok Quoc hoi.

Pahadar 3 harei rah tabiak mesruh metak di Gaza, Jabat Yaok kuhria Trung uong Palestine khan brei thau hu labaih 200.000 baoh sang, sumu labaih 80% danak dak di Gaza, ngak tayak atau khut khat kayua dom mbang taong tame di bol lin Israel. Dahlau di nan, dom mbang y te Palestine brei thau bruk mesruh metak bo bol lin Israel di Gaza, ba tal labaih 74.000 urang metai, labaih 175.000 urang njauk rambuac. Jaik abih lac rahra./.