Patui mbang nyaom ka 6, Uy Ban Thuong vu Quoc hoi brei panuac ka danak dak Hukum ramik pasiam, pabak dom asar kadha di Hukum BHXH. Dom panuac njauk hatai  ka bruk ngak di jabat pasang iek saong caong khin Rajaei ngak brei cambaic laic “ urang ngak bruk ta-eng drei, urang ngak bruk online” brei ble BHXH. Kayua bruk duah njauk manuac saong jalan mek kak jien je daok kan, dom lambaok vakil caong khin jabat karja cih vak pasang iek veik, Mentri Noi vu mek panuac dom urang dalam bruk ini saong padang ngak hukum njauk lagaih.

Di tinh Tay Ninh daok peih ngak Roya kaya nong barik saong kaya OCOP mbang ka I thun 2026. Roya peih ngak pambuak bruk ngak nong haong yulit, kaya haong bruk rivang iek, kaya kan haong ilimo bhum palei. Tapa nan, kaya OCOP hu jeng sa bruk yaih khan thaot binguk bhum palei. Mbiah tal ini, tinh hu 417 kaya OCOP meng 3 tal 5 patuk, gam rilo kaya nong…Kaya nong, kaya ia di tỉnh Tay Ninh hu mbaok di 40 taneh ia, bhum taneh, jien pablei tabiak negar langiu yaok thun labaih 1,5 ti USD.

Sở Y te Can Tho pambuak haong Thanh doan Can Tho gam xa Hoa An peih ngak Danak dak Melam ia bulan pumi ngan haong kadha “ Gom truac hadah  hatai caong takre”  ka dom adei raidiuk kan kandah di xã. Bingun ini,  Mban peih bruk  hu alin 550 paok kaya ka uranaih kathaot, jaik kathaot, raidiuk kan kandah. Yaok paok alin hu ahar Trung thu, gom menyek saong jien, kuhria abih tih labaih 170 trieu dong.

Tui Rayo Khi tuong thuy van Nam Bo, meng harei ini tal harei 25/9, di Ban raya HCM saong bhum Meraong negar daok hu hajan veik kayua hangin meng tathik tame baoh taneh. Ini lac dom bruk ngak hajan di ralo labik. Njauk ndem lac harei ini di bhum meraong negar hu hajan praong, meng biar harei, hu labik hajan tal melam. Hajan praong, rilo labik mbuan ia dauk, njauk ndem tal di TPHCM saong dom bhum dhong biar.

Ia ndik aval di bilan 8 saka ia bulan, di dom bhum palei di Bhum taneran kraong Cuu Long  brei ngak kajap ar binek, ribaong kraong piah caga dahlau. Jaik abih dom balai di dom kraong praong di bhum taneran raong Cuu Long ia tagok tal pakat III. Tui kuhria mboh dahlau hajan ia ndik daok sraw kadau kan thau dahlau saong ia ribuk gah angaok tuh mai. Di kaoh pulao Thanh Long, xã  Quới Thiện, tỉnh Vĩnh Long, ia ndik nduac khang ngak ar pacang talah, ngak kan kandah tal raidiuk bhap bini saong taneh pala drak di bhap bini.

Rajaei Thai Lan brei khan tapa hukum pacang iek cần sa, peih tabiak piah hukum hu pok tagok Ha vien pasang iek. Asar kadha praong lac brei takik pandar cần sa dalam gah y te saong roh duah, blaoh tal padeih klaoh bruk pandar ma-in sambai. Bruk ini brei mboh kham merat di Rajaei piah ngak salah hukum, pacang bruk pandar cần sa ma-in ma-iec. 

Gah Y te Dunya saong Gah Khi tuong Dunya payua harak kakei dahlau ka langik El Nino daok tagok samar, ngak kan kandah tal an ninh y te dunya haong dom bruk dui atah saong meda  dui atah tal thun 2027. LHQ iew rajaei dom taneh ia brei tui iek gah ye te soang khik piah kaya y te di dom bhum labik mbuan gaok kan kandah.

Ngoai truong 8 taneh ia Arab saong Islam iew jhul pasamar ngak ginup Bruk taong abih gah di Gaza, khik bruk padeih cuh, khik siam bruk ngfak pahala saong jhul pakhang bruk padang ngak veik, tui nan cagar veik dom bruk kareik gheik patrauk urang Palestine. Panuac nan brei mboh bruk ngak di Mỹ ngak njauk tui hukum ba tabiak, iew Mỹ daong pambuak dom gah brei sanya  saong langyah dom kan kandah ka bruk sron mbon salamat./.