Harei ini 30/6, Harei ba tabiak brei thau dom sarak di Trung uong saong bhum palei ka bruk pagam jabat karja; padang kapul Ndang; brei bruk ka pakat uy, HĐ Bhap bini, UB Mat tran Negar dom pakat tinh, ban, xa, phuong, dac khu rah tabiak di 34 bhum palei dalam negar. Dalam page ini, Tong Bi thu Tô Lâm saong kapul ngak bruk di Trung uong hu mbaok di harei ba tabiak brei thau Sarak di Trung uong saong bhum palei ka bruk pagam jabat karja pakat huyen, padang dom kapul Ndang, brei bruk ka pakat uy, HĐ Bhap bini, UB Bhap bini – UB Mat tran Negar Viet Nam Ban raya Ho Chi Minh, phuong, xa, dac khu. Bruk karja palei 2 pakat hu Ban raya Ho Chi Minh caong takre hu peih tabiak sa mbaok meta bahrau dalam bruk pasang iek ban, njuel njac, siam lagaih saong jaik rahra jang.

Thu tuong Rajaei bahrau mbaoh tangin brei angan ka tinh Dong Thap salah blaoh bruk padang palei pala bahrau thun 2024. Tal ini, dalam tinh hu abih tih 100% xa mek hu tanut palei pala bahrau, dalam nan hu 58 xa mek hu palei pala bahrau paglaong saong 6 xa mek hu palei pala bahrau paglaong kieu mau. Phaok Akaok Quoc hoi Lê Minh Hoan pandar tinh Dong Thap patui veik pataom danak dak padang palei pala bahrau saong patrun kathaot karo kajap, sangka iek praong “ha tang ka anek menuac”, jhul tagok ilamo ka urang ngak nong, patagok bruk ngak mbang taong abih di bhum palei, ba ilamo kong nghe mai bhum palei.

Dalam negar hu ngak saong daok peih ngak bruk taong yaom kadha pakacah di mbang pakacah tamat THPT thun ini. Bruk taong yaom hu peih ngak dahlau saong hadei tukvak ngak karja bhum palei 2 pakat, pagam jabat karja (harei 1/7 anak tal), min dom bhum palei khik kajap bruk taong yaom kadha pakacah njauk tukvak. Mentri Pato megru brei padang dom kapul pasang iek bruk taong yaom kadah pakacah di dom bhum palei. Tui kuhria, harei 16/7 anak tal, Mentri Pato megru brei ba tabiak brei thau tanut pakacah tamat THPT.

Tukvak jaik ini, hu rah tabiak bruk hu dom kol bleik mek khau tin di bruk dom bhum palei brei pagam jeng sa, pasiam salih jabat karja piah ngak bruk chot pagat, ngak ja angan urang ngak bruk Ndien luc pandar tuai damuai pabak khau tin di drei piah chot pagat, blah mek drap ar jien padai di tuai damuai. Kapul Ndien luc Viet Nam brei thau lac oh pandar tuai damuai pandar ndien pabak khau tin di drei atau tame jalan link oh krein tapa phone atau tin nhan.

Dalam 6 bilan akaok thun tinh Tien Giang daok 42 labik glut jaleih atah 3.150m. Piah langyah bruk glut jaleih, So Ngak nong saong Alam langik tinh Tien Giang hu likau UB Bhap bini tinh brei sarak langyah pasiam dom labik glut jaleih labaih 60 ty dong. Bruk rah tabiak glut jaleih kayua hu rilo kraong, ribaong ngan haong rilo kraong vaiy, rilo canah klau, canah pak lac dom labik mbuan rah tabiak glut jaleih kayua ia nduac ngak paraoh ar pagam haong dom mbang hajan praong akaok bilan saong gilai gaiy nduac angaok kraong ngak tabiak riyak jeng ngak mbuan glut jaleih.

Dom urang jakar An Do brei thau hu takaik abih 34 urang metai, 4 urang lahik oh ka duah mboh saong 74 urang njauk rambuas dalam mbang hajan ia sua dui atah 9 harei tapa, di bang Himachal Pradesh, gah Barak An Do. Langiu di khat lahik ka urang menuac, taong abih khat lahik ka jalan mbak, gom truac, balai, sang bac tukvak ini kuhria tagok tal 8 trieu USD tuk labik dom jabat karja, jalan mbak, gah pabak ia saong jalan talei ndien khut tayah.

Pandiak khang daok rah tabiak di jaik abih dom negar gah Meraong chau Au, ngan haong pandiak di rilo labik, dalam nan hu Italia, Tay Ban Nha saong Hy Lap tapa tanut 40 do C. Bruk ini ngak tagok bruk mbuan apui khuah glai saong ngak kanjah jhak tal prein yava di rahra. Dom urang ilamo kakei caga, pandiak khang dak harei dak rah tabiak rilo kayua mai meng bruk langik salih karei. Sa roh duah hu ba tagok di angaok harak The Lancet brei mboh, meyah oh hu bruk ngak catang ka langik, dom urang metai kayua langik pandiak meda tagok 4 mbang di kreh abap ini.

Hu takik abih 38 urang metai saong 28 urang njauk rambuas tuk 2 radaih bus danuh tapak saong apui khuah di huyen Moshi, gah Barak Tanzania. Dom urang jhak vak lac urang dalam sa baoh sang nao hu mbaok di sa ndam lakhah. 22 dalam 28 tuai damuai njauk rabuas hu pasiam rambuas saong hu tabiak sang iek ruak. Urak ini 6 urang jeng daok hu sangka y te.