Ban raya Dong Nai taduan Paok harak bac megru duh ka danak dak “Binh dan hoc vu taka so” kayua Uy mban Khoa hoc, Kong nghe saong Alam langik di Quoc hoi alin brei. Ban raya Dong Nai brei mboh “Binh dan hoc vu taka so” lac bruk chinh tri hu makna pagam haong salih bahrau bruk dang akaok dui ba, paglaong siam lagaih bruk pasang iek, asar siam ngak bruk karja saong duh rahra. Kayua nan Dong nai hu peih mbang tabung glaong 100 harei pambak bruk binh dan hoc vu taka so dalam taong abih majam chinh tri. Jalan ngak lac 100% urang jakar hu mbaok tame brei ba ilamo taka so tame bruk ngak lagaih.

So Jien padai tinh Gia Lai hu pathau khan ka bruk khik iek, pandar sang ngak  bruk daok labaih hadei pagam. Dalam nan, njauk caik hatai tal labaih 1.000 labik ngak bruk daok labaih  oh ka ba tame pandar, brei langah dalam tukvak anak tal. UBND tinh Gia Lai caong khin karja dom bhum palei, don vi ngak salah harak gal ho so saong jalan langyah cambaic laic dahlau harei 31/12/2026. Bruk peih ngak lac sa dalam dom tanut taong yaom ka bruk ngak di urang jakar ngak praong di dom xã, phuong.

Sang iek ruak Từ Dũ saong Sang iek ruak Uranaih 1(Ban raya HCM) bahrau pabuak palagaih baoh hatai ka anek dalam tian umo 26 adit, ini lac mbang palagaih baoh hatai ka anek dalam tian mbang ka 16 hu ngak di Ban raya HCM. Urang metian umo 29 thun, daok di Nghe An, metian mbang akaok meti. Tal adit mbang ka 25. Sieu am mboh ruak baoh hatai trak dalam tian, baoh sang hu njauk hatai piah ka dua sang iek ruak phau thuat. Page harei 16/9, urang metian hu brei ndih. Meng di bruk tacei ba sieu am, bac si ba girum tapa tung amaik tame tu cung, palagaih baoh hatai anek dalam tian. Hadei 4 tuk phau thuat, prein yava urang metian hu pasiam.

Roya Nghinh Ông Cần Giờ hu salih jeng Roya Nghinh Ong TP.HCM. Roya Nghinh Ông TPHCM thun ini peih ngak meng harei 23 -27/9, di xã Cần Giờ saong phuong Vung Tau, xã Bình Khánh, xã An Thới Đông… Roya thun ini pataom tame yaih khan dom thaik binguk  ka Can Gio saong Vung Tau, padang ngak veik, padang thaik binguk, bruk ngak di bhap bini; dom ilimo siam gheih karei di Roya Nghinh Ông. Thun 2013, roya Nghinh Ông Cần Giờ hu Mentri  Ilimo, The thao saong Yulit taduan brei angan ilamo drap ar oh mboh di meta pakat negar.

Balai kuhria langik tasik kraong ribaong tinh Vinh Long kakei caga, meng ini tal puac bilan 10, dom mbang ia ndik pambuak ia sua di halau angaok meda ngak ia dauk di rilo labik dalam tinh. Kakei caga dom mbang ia dauk dalam meda rah tabiak dalam dom mbang ia ndik di puac bilan 9 saong bilan 10. Bilan 11 hu dua mbang ia ndik di akaok bilan saong puac bilan; bilan 12 hu 1 mbang ia ndik glaong dalam puac bilan. Dom bhum palei saong rahra dalam bhum hu pachreih kakei srap gap pakajap ar pacang, caik glaong drap ar kaya kan, pacang khik bruk ngak tabiak saong raidiuk.

Tui pathau khan birau abih di Rajaei CHDC Congo kuhria tal harei 15/9, taneh ia  ini hu labaih 7.400 urang njom ruak Ebola, dalam nan urang metai labaih 48%. Kuhria abih tih labaih 1.700 urang dhit ruak. Tong Yam ndoc Gah Y te Dunya (WHO) khan brei thau, bruk pacang caga camereip brei mboh dom kadha biak lagaih  di dom labik gaok kan kandah khat lahik biak trak, njauk ndem tal Ituri. Yau nan min, ong kakei jit ruak daok pambak paraong saong ngak metai.

Uy mban chau Au hu pathau khan sa jalan ngak taong abih piah pacang khik uranaih patruh dom bruk kan kandah di angaok mang xa hoi. Tui nan, akaok Uy mban chau Au ba tabiak bruk pakauk uranaih umo ala 13 thun pandar mang xa hoi saong caong khin dom jitvu online brei padang dom tai khoan salamat brei ka uranaih. Bruk nan patui dom hadah krah di Australia, Anh, Trung Quoc, An Do, Tho Nhi Ky saong dom negar EU. Bruk ini brei mboh bruk duh hatai dak harei dak tagok ka bruk pambuak di dom nen tang mang xa hoi ngan haong prein yava hatai glo akaok di uranaih.

Dom kapol nhan quyen Israel khan lac taneh ia brei pabak paok jien padang ngak labaih 2.160 baoh sang tame bruk kuhria peih praong labik sang daok E1. Ini lac sa dalam dom danak dak  bo bhap bini dunya lac mbuan ba tal bala kan kandah ka Palestine harei hadei kayua danak dak cakak Bờ Tây (bhum taneh kayua Isarael meblah) saong cakak labik ini tabiak truh Đông Jerusalem. Bruk nan hu karja Palestine ndem puac, lac ngak suan hukum dunya.