Tui kuhria mboh dahlau ka Tet Ula Anaih thun 2025, TPHCM hu pei ngak dom bruk pataom mbaok urang jakar taha dahlau diah hu ngak bruk cach mang, urang ilamo; padang dom kapol nyaom nao ravang tadhau ayuh tet baoh sang urang ngak bruk daong taneh ia, hu mbang tui sarak karja; alin hadiah pandap ka baoh sang sarak karja; kuhria sangka tet ka urang ngak kong, urang ngak…kuhria jien abih tih labaih 975 ty ndong. Langiu di nan, dom pakat kong ndoan kuhria daong ka 500.000 urang ngak bruk haong yaom jien labaih 500 ty ndong. Tui nan pajum prein pasang iek  kuhria Tet, bilan jien bilan, jien thuong di dom doanh nghiep dalam  Ban raya.

Dalam thun ni, bruk ngak mbang kinh te di tinh Hau Giang patagok dang dhi ka 2 di bhum Taneran kraong Cuu Long saong dang ka 15 di nagar. GRDP rah tapa kuhria tui yaok akaok manuac hu labaih 90 trieu ndong sa urang sa thun; Urang ngak, bruk ngak, tani tanat raidiuk, y te, ilamo, pato megru, khik caga alama moi truong abih di nyu lac sangka  saong hu jak jeng siam mekre; Bruk khik brei salamat chinh tri, sron mbon xa hoi, padang ngak karja hu siam mekre.

Tinh Bac Lieu bahrau ngak blaoh jaik 800 baoh sang piah urang kathaot hu sang bahrau, khang kajap sumu raok Xuan thun nasak Ula Naih 2025. Taeng pak ban sit Giá Rai, daok labaih 300 baoh sang khin caong hu padang sang daok meng Danak dak sang taik tahak. Anak mata, meng ni tal tet nguyen dan, bhum palei marat jao brei labaih 80 baoh sang. Urak ni karja bhum palei hu jak ba mikva gauk gar urang  kathaot brei, alin atau daong jien blei taneih. Dom baoh sang jang hu daong, daong bruk ngak tui yaok urang piah hu jien mek tame, tani tanat rai diuk.

Lam Dong hu taneih glai praong labaih 538 rabau hec ta, glai hijao pacang mbon ceik kalu 54%. Dalam nan, hu jaik 400 rabau hecta glai hu biyar ka jien yitvu khik iek glai. Bruk khik iek glai saong hu mbang tui sarak biyar jien khik iek glai nan daong ralo ka rai diuk mikva. Urakni yaok sa hecta glai bo mikva khik iek nan hu Karja biyar takik abih nan 445.000 ndong/thun, glaong abih nan jaik 2.720.000 ndong/thun. Tapa nan bruk ngak mbang di ralo baoh sang mikva bangsa takik hu patagok.

Dom harei puac thun ni, dom urang ikak kaiy blei ikan that lat piah pablei mbang tet nan ye yaom tagok glaong jang dahlau, meng 72.000 - 75.000 ndong/kg. Tui yaom pablei ni, hadei kuhria bayar abih jien buh tabiak, manuac raong ikan daok laba labaih 10.000 ndong sa kilo ikan that lat. Ni lac 1 dalam 5 kaya nong hu ngak tabiak ralo di tinh Hau Giang, hu ba nao pablei dalam nagar. Hau Giang marat thun anak patagok taneh raong ikan that lat 150 hecta, saong ikan that lat mek hu 13.500 tấn.

Sa pabung ceih apui di bhum kreh nagar Philippines bahrau pruh tabiak. Bruk ceik apui pruh ngak ka thak glaong labaih 3.000 met dut haong pabah ceik apui saong ia nham thach nduac trun vil taom dal ceik. Mikva daok jaik ceik atah 6km, kuhria meng pabung ceik apui nan hu pandar tabiak truh di labik mbuan gaok bala. Dom urang jakar pacang caga bala hu khan lac, ceik apui pruh tabiak ngak kan kandah tal 87.000 bhap bini daok di dom jaik nan. Adat pakauk  hu ba tabiak dalam chip samar malam di dom bhum taphia ceik apui mbon gaok bala. 

Dom urang ilimo khoa hoc di Lien Minh Chau Au (EU) khan lac, thun ni thun lingik pandiak glaong abih di dunya dut mboh glong jang pandiak bhian 1.5 do C. Kuhria mboh bruk lingik pandiak dui atah tal akaok thun 2025. Dom urang ilimo khoa hoc khan bruk lingik alam salih kanjah jhak yau ni kayua manuac sia ngak tabiak. Bruk cakak patrun takik thak nerak hu jaik abih yau ralo rajaei dom nagar hu sanya ngak piah daong pacang caga bruk baoh taneh pandiak tagok. Min, thak carbon dioxide CO2 ngaok baoh taneh dalam thun ni kuhria mboh daok tagok glaong veik.

Labaih 40 sang bac pak ban ine New Delhi, An Do hu taduan dom panuac gham patuh bom tapa harak thư online gam haong panuac ndok jien 30.000 do la My. Canh sat New Delhi daok duah iek angan di urang mayai gham patuh bom, saong dom sang bac jang brei ka anek saih padeih bac piah khik rup. Tukvak tapa, An Do hu gaok ralo mbang bruk patuh bom di dom labik pato magru saong gah ahaok apar di nagar ni./.