Page ini 13/2, rilo labik di Ban raya Ho Chi Minh peih ngak sumu gauk Harei jao, taduan bol lin, biak praong glaong haong hatai chreih chrai otmanot. Bi thu Ban uy Ban raya Ho Chi Minh Nguyễn Văn Nên; Thuong tuong Võ Minh Lương, Thu truong Mentri Quoc phong hu mbaok tame Harei jao bol lin di Quan 7. Thun ini, Ban raya Ho Chi Minh lac labik hu rilo urang nao ngak bol lin abih dalam grauk Negar. Hadei Harei jao bol lin, dom bol lin bahrau di Ban raya Ho Chi Minh hu rabha cambaih laih ka dom labik: Bhum 4 Bol lin tasik kaoh pulao, Bo Pato tacei Bol lin Bien phong Ban raya Ho Chi Minh, Kong an Ban raya Ho Chi Minh, Bo Tu lenh Ban raya Ho Chi Minh, Sang bac Bol lin Quan khu 7…

Mentri Jalan mbak pajeng ba birau taduan hu bruk likau brei ngak pasiam veik tatua Mã Đà di UBND tỉnh Bình Phước. Ini lac jalan jaik abih di urakni  pambuak tỉnh Bình Phước saong dom  tỉnh Tây Nguyên tal tỉnh Đồng Nai tame mblang kapal haok Long Thành saong dom labik tapen kraong praong Cái Mép - Thị Vải. Dahlau di nan, tỉnh Bình Phước hu rilo mbang likau brei ngak jalan ini nao tapa labik khik ramik alam ilamo Đồng Nai piah pambuak mblang kapa haok Long Thành, pabah cảng Cái Mép - Thị Vải. Yua nan min, bruk nan gaok rilo panuac kadha sahaneng karei di gauk huac lac ngak jhak kan kandah tal labik glai alam langik.

Tapei racam biak lapih di Kongti TNHH Tân Nhiên (xa Trường Đông, ban sit Hòa Thành) hu Mentri Ngak nong saong Patagok palei pala taong yaom 5 patuk pakat negar. Ini lac pandap kaya dahlau abih di Tay Ninh hu mbaoh tangin brei angan 5 patuk pakat negar. UB Bhap bini tinh jeng mbaoh tangin veik 6 pandap kaya OCOP 4 patuk pakat tinh. Tukvak anak tal, UB Bhap bini tinh patui veik pasang iek, brei kein lagaih ka dom gah po pandap kaya OCOP padang saong paglaong pandap kaya, piah ba tabiak kein lagaih maraik gauk, paglaong yaom kaom pandap kaya di bhum palei.

Di tỉnh Hậu Giang, danak dak patagok khang kajap sa trieu ha hamu pala sa janih padai asar siam, takik tathuak nerak gam patagok hijao di bhum taneran kraong Cuu Long tal thun 2030 peih ngak hu jaik 16.000 ha. Yaom lac tuk birau  peih ngak iek di dom HTX di dalam tinh, min dom bruk ngak nan hu daong  urang nong salih jalan pala drak, ngak tabiak pandap asar siam, pabak ka darak pasar, khik brei siam ka prein yawa urang ngak nong, urang blei mbang saong alam moi truong, hu jien tame. 

Urang ngak nong di ban sit Vĩnh Châu, tinh Soc Trang daok buac lathun, min mbang ini akaok lathun oh hu siam  nan trun yaom kaom, yaok kilo tok hu meng  10.000-20.000 ndong sa kg. Tui gah chuc nang, hajan karei bilan dui atah, rilo meng lac di tukvak puac thun 2024 lac makna ngak ka lathun buac oh hu rilo,  trun yaom kaom. Vĩnh Châu lac labik pala lathun praong abih di tinh Soc Trang, thun 2024-2025, hu labaih 5.000 ha. Urak ini mikva buac hu labaih 4.000 ha, bruk buac hu kuhria mboh labaih 12-15 tan/ha, biar rilo dut haong tanut kuhria rah tapa yaok thun.

Trung Quốc meda brei ngak siam mbuan mbiah sarak adat brei tame negar piah ayut sahabat  dunya hu thau taneh Trung Quốc njauk jia hatai tame. Tui Mentri Ngoại giao Trung Quốc, dom ban yulit praong di taneh ia ini peih ngak “ oh ghah caga” dalam bruk blei pandar, tuai damuai negar langiu meda bayar jien lagaih,samar drah. Trung Quốc hu peih ngak labaih 110 jalan ngak brei mbuan lagaih ndem meyai nao mai haong urang ngak bruk, mien thi thuc taeng ka 38 taneh ia, mien thi thuc piah nao tapa ia ka klau dalam 240 tukvak.  

Rajaei Indonesia daok peih ngak danak dak pasang iek prein yava oh mek jien dalam grauk negar, pamaong tal labaih 280 trieu rahra haong jalan ngak khik kajap bruk thei jeng hu pasang iek prein yava samu gauk. Rajaei hu dakvah jak ba jaik 1,38 trieu urang ngak di dom balai y te piah daong saong pasang iek bruk peih ngak danak dak. Rajaei Indonesia daok ba tabiak jalan langyah lagaih abih dom balai y te dalam negar piah peih Danak dak pasang iek prein yava oh mek jien piah ka rahra thei jeng hu pasang iek prein yava.

Tong Yam ndoc Gah Y te dunya (WHO) brei thau ka bruk Mỹ padeih buh jien tame daong negar langiu ngak kan kandah biak trak tal prein yawa urang di dunya, ngak jhak  tal dom danak dak pacang ruak bại liệt, HIV saong dom bruk kan kandah karei. Dahlau di nan, Tổng thống Mỹ Donald Trump hu mbaoh harak tabiak truh angan dalam Gah Y te dunya, dalam harak, ong caong khin dom jabat pambuak tal padeih payua jien tame gilang jien, daong bruk saong daong prein ka Gah Y te dunya.  Meyah oh hu hagait salih karei ye Mỹ tabiak truh WHO di harei 22/1/2026./.