5 thun tapa, dom gah chuc nang Ban raya Ho Chi Minh hu duah mboh, taong bhat jaik 10.000 mbang pablei me-in jru phil ngan haong labaih 25.000 urang; pataom khik biak rilo jru phil, heroin, phao karaong saong radaih piah duh bruk ngak suan hukum. Piah mek hu jalan ngak Ban raya Ho Chi Minh oh hu jru phil di thun 2030, Trung tuong Mai Hoàng, Yam ndok Kong an Ban raya Ho Chi Minh ndom khang lac biak khin tame ngak saong bruk sa hatai di sa majam chinh tri. Ngan haong bruk ngak rilo di taong abih xa, phuong, dac khu Con Dao, yaok kapul ngak bruk haong gauk, yaok bhum palei, yaok puk palei, khu pho pakacah haong gauk ngak tabiak bruk pakacah, padang tabiak bruk ngak jeng dalam ban medin.

UBND tinh Ca Mau khan brei thau Sarak padang Pasak Padang bruk ngak mbang saong Salih birau hadah krah. Pasak Padang bruk ngak mbang saong Salih birau hadah krah oh lac daong bruk ngak mbang bo jeng labik “ pabam pajaih cakrok patagok” ka tinh;  labik iek prang bruk sahaneng hadah krah, raong ba saong cakrok patagok. Tui nan, ini lac labik labik bo urang umo dam dara duah jalan ngak mbang; doanh nghiep pambuak bruk; urang roh duah hu labik ngak iek saong raidiuk di bhap bini dak harei dak salih birau.

Piah uan raok thun bahrau 2026 saong pachreih jirah rivang bingun Tet Duong lich, tinh Dak Lak brei peih ngak rilo danak dak ilamo seni nghe thuat siam gheih karei. Malam ini 31/12, di phuong Buon Ma Thuot rah tabiak danak dak seni nghe thuat “Hadah hadai Dak Lak – Salam uan thun bahrau 2026”. Page harei 1/1/2026, di Mũi Đại Lãnh (Mũi Điện), xa Hòa Xuân, brei rah tabiak Adat slaam hala dok akaok thun bahrau, pagam haong danak dak raok dom tuai damuai akaok meti mai jirah rivang labik hu maong yau lac labik raok subuh page samar drah abih di Viet Nam. Labik gheih Bãi Môn – Mũi Đại Lãnh jeng oh mek jien harak ve rivang me-in di harei 1/1/2026.

Dom harei ini di mblang hamu To hop tac 30/4, xa Hồ Đắc Kiện, ban Cần Thơ, yawa mac yuak padai chreih chrai gam cambuai klao uan tabuan di mikva ngak hamu. Bilan padai Dong Xuan mai aval thun ini oh lac yuak hu padai bo daok hu tani tanat tapa bruk pambuak blei abih padai. Ong Lê Minh Chí - Akok To hop tac 30/4 khan lac padai ST25 thun  ini yuak hu labaih 900 kg sa kong taneh. Njauk ndem tal, padai hu urang blei abih ngan haong yaom 9.100 dong sa kilo. Bruk  ba mac jamraih tame yuak  hu drah samar, asar padai brah khik hu siam abih. Tui kuhria di mikva, hadei kaoh abih jien buh tame ngak, yaok kong taneh ngak padai ST25 mek tame laba labaih 5,2 trieu dong.

UB Bhap bini xa Tân Hào, tinh Vinh Long brei padeih anak meta di kuan karaoke di baoh sang saong labik adaoh saong gauk dalam xa meng ini tal abih harei 9/1/2026. Bruk brei padeih anak meta ka karaoke piah brei kein lagaih ka dom adei aneh saih bac megru caga ka mbang pakacah tukvak bac ka 1 dalam thun bac. Min hu rilo panuac ndom likau karja brei ka bruk me-in bui sambai ini dalam malam raok thun bahrau (31/12/2025) saong harei akaok thun bahrau (1/1/2026) piah brei bruk bui sambai, chreih chrai, hatai jie yam tame thun bahrau.

Tong thong Donald Trump khan lac bollin Mỹ tame ngak bruk di sa labik tapen tathik Venezuela lac labik ba matuy tagok kapal gilai pajeng nao. Bruk nan brei mboh mbang akaok Washington ngak bruk chap mek di labik Caracas. Bruk taong tame sa tapen gilai  atah bayah bo My jia lac hu sa kapol kol nyu khik piah matuy pajeng nao labik karei. Dahlau di nan, tong thong My khan lac ong brei adat CIA ngak dom bruk kadauk di Venezuela.

Tong thong Han Quoc Lee Jae Myung hu tame harei ngak bruk akaok meti di Sang Tong thong Cheong Wa Dae (lac Nhà Xanh). Di Nhà Xanh, ong Lee Jae Myung hu taom mbaok dom urang daong bruk saong urang ngak bruk. Hadei nan, ong mai rivang Pasak Pasang iek Srau kadau pakat negar dalam labik phức hợp piah maong iek bruk srap gap ngak bruk di bol lin. Dahlau nan, sa hala dok tong thong hu thaik dua drei anek phượng hoàng hu katung tagok di Sang Tong thong, brei pasiam veik angan ieu Cheong Wa Dae (Nhà Xanh).

Sa adat likau patuah jamo akaok thun birau di Nhat Ban lac salih talei gireih Shimenawa di ia jadrai Nachi - labik bik kakuh ngak Yang diukrai. Talei atah 26 met hu dom urang agama galam di bara, nao tapa ceik atah abih jaik 30 minit tagok tal tabung Nachi. Di labik, urang brei tuan talei kak dom phun di duah gah ia jadrai, tuan dom tanjiak mbong saong katung catang talei, piah ngak adat taco hacih. Talei Shimenawa hu ngak meng pong, lac paga pacang anek manuac a lot ini sang po yang, brei mboh dom labik hu po yang daok./.