UBND TPHCM birau caong khin dom so, dom gah, UBND xa, phuong, dac khu pakhang bruk khik iek, ba ngak saong tani tanat yaom kaom darak pasar dalam tuk Tet Nguyen dan nethak athaik Waw - Binh Ngo 2026, gam haong bruk pathau ka yaom kaom yaok harei  dalam tukvak tabung glong Tet. Meyah hu bruk karei rah tabiak, brei khan ka UBND TPHCM hu jalan ngak bruk ka lagaih. Langiu di nan, dom bhum palei brei thau ka bruk pasang iek yaom kaom, khik yaom tani tanat saong pablei yaom ba tabiak di darak, sieu thi, labik pablei salih.

Piah khik hu ginup kaya duh ka harei Tet, oh luai kurang pandap, tagok yaom, So Kong thuong Ban Can Tho caong khin dom sieu thi, parabha ka dom darak pasar praong ngak bruk hu ralo abih, dui atah tukvak pablei salih, piah khik kaya kan hu rilo, yaom kaom tani tanat dahlau, dalam saong hadei Tet. Danak dak khik piah kaya pablei khik yaom tuk Tet hu 16 doanh nghiep tut angan tame, kuhria abih tih tui jien labaih 4.100 ti dong.

Dom harei jaik Tet thun birau, yaom rilo pabui, pajaih pabui di tinh Dong Thap tagok gam gam labaih 1,5 trieu dong sa ta saong tagok labaih 3 trieu dong sa ta dut saong 2 bilan dahlau. Yaom pabui tagok glong kayua jaik Tet rilo urang blei, abih di nyu lac darak pasar dom tinh bhum Kreh  negar kurang hadei dom mbang ribuk ia sua. Dalam tuk nan,  jit ruak ta pabui chau Phi njom mbak veik ba tal urang raong huac raong gilac pabui. Urak ini, taphon pabui dalam tinh hu labaih 440.000 drei, pataom tame rilo di tinh Tien Giang dahlau diah.

Rilo bein pala bingu cuc mam xoi di xa Chợ Lách, tỉnh Vĩnh Long  chroh nerang dahlau Tet  labaih sa bilan. Piah daong ka urang pala takik khat lahik, UBND xã Chợ Lách pambuak haong Viettel Post Vĩnh Long saong TikTok Shop Việt Nam peih ngak Danak dak “ Bruk di kaya nong Vĩnh Long - Pajeng bilan pataih mai sang”. Hadei 2 harei peih ngak  hu yaok ribau mbang urang pambuak blei bingu cuc mam xoi di urang ngak nong. Langiu di nan, biak rilo urang blei saong bhap bini di dom bhum palei jaik taphia mai tal labik pala bingu piah blei.

Kong an tinh An Giang pambuak haong don vi taduan 78 bhap bini Viet Nam kayua Campuhia bayar mai. Dahlau di nan, dom bhap bini tame negar, daok veik saong ngak bruk  suan hukum di Campuchia. Hadei tuk taduan harak, don vi peih bruk pasang iek, parabha urang, duah thau, ngak harak gal camereip, langyah tui hukum. Tukvak anak tal, Kong an tinh An Giang pambuak haong dom gah, pambuak haong dunya, brei pasang iek saong pacang caga bruk tabiak truh negar suan hukum.

Tuk pahadar 1 thun ngak Tong thong di ong Donald Trump, dom mbang trun jalan caga veik sarak tame negar rah tabiak di grauk labik dalam negar My. Bruk duah patrauk urang tame negar biak catang di ong Donald Trump ngak ka urang cagar veik hadei tuk dom urang jakar dui bhap bini My tabiak truh radaih saong cuh metai amaik umo 37 thun Renee Good di ban Minneapolis dalam dom adit tapa. Dom bruk trun jalan meda rah tapa  gah Pei, tal dom ban yau San Francisco saong Seattle, labik hu dom mbang rah tabiak bruk trun jalan di biar harei saong melam hu kuhria dahlau di nan.

Jabat Canh sat Chau Au taong chap mek hu kapol ngak matuy tong hop tapa rilo taneh ia  di chau Au. Dom rajakar tame hu  24 bilik ngak iek praong di rilo negar saong mek hu labaih 1.000 tan jru cavao hu pandar  piah ngak tabiak rilo janih matuy. Canh sat Ba Lan  ba tabiak sa paneng flim mboh yaok pluh thung phi saong kuang  padang dom jru  dalam rilo gilang karei di gauk, jeng yau dom bilik ngak iek.

Rajaei Mexico hu jao 37 urang duis di kapol nyaom di Hoa Ky. Ini lac mbang bayar manuac praong ka 3 dalam 1 thun tapa, kuhria abih tih urang dius mek hu bayar ka Mỹ tagok tal 92 urang kuhria meng karja ini tagok rai. Dom urang nan hu gah My duah mek kayua pambuak tal bruk suan hukum saong taong yaom lac mbuan ba tal bruk sraw kadau biak trak tal bhap bini./.