Page ini, TPHCM brei padang ngak haong gauk 4 danak dak praong ha tang, jalan mbak  praong dalam nan hu: Danak dak Khu lien hop padhih the thao pakat negar Rạch Chiếc, Metro ka 2 Bến Thành - Tham Lương, tatua Cần Giờ saong Tatua Phú Mỹ 2, piah salam uan Nyaom roya Dang pakat negat mbang XIV. Dalam 4 danak dak peih ngak harei ini ye hu danak dak Rạch Chiếc praong abih, jeng lac danak dak akaok meti peih ngak tui Sarak 80 di Mentri Chinh tri  ka bruk patagok ilamo Viet Nam, pambuak tal bruk patagok dom gah kong nghiep ilamo TPHCM.

Urang ngak praong di Bhum 5 Hai quan hu mai rivang, ayuh Tet urang jakar, urang lin di kaoh pulao Nam Du, tinh An Giang. Dom thun tapa, hu bruk sangka di Dang, Karja, dom ndap nda di kaoh pulao hu padang ngak dom tatua, jalan mbak nao mai di kaoh pulao, sang bac, balai y te saong dom danak dak an sinh xa hoi duh ka raidiuk, jalan sahaneng di urang jakar, urang lin saong bhap bini.  Kapol urang jakar hu ba tui mai kaoh pulao Nam Du rilo pandap Tet alin ka urang jakar, urang lin saong dom adei anek saih. 

Ban Can Tho jhul pakhang bruk roh duah, pandar ilamo kong nghe pambuak pagam haong bruk rah tabiak; dak harei dak salih birau hadah krah, daong doanh nghiep paglong bruk ngak tabiak rilo kaya kan saong asar siam. Bruk salih pandar taka so dalam jabat karja patui khang kajap, rilo bruk ngak hu salih tui taka so saong Danak dak 06. Njauk ndem tal, bruk salih taka so meng bhum palei hu rilo salih birau siam mekre haong 100% xa, phuong padang saong ngak bruk tui Kapol kong nghe taka so bhap bini.

Tỉnh Cà Mau birau paglong saong padang ngak 29 labik ba ia hacih, buh jien tame 462 km jalan brong ba ia, kuhria jien tagok tal 450 ti dong, rik tame ia hacih ka 40.000 baoh sang bhap bini di dom bhum bhian kurang ia pandar di bilan pandiak, bilan thu. Ngan haong dom bhum gaok kan kandah njom ia mbak, mbuan kurang ia, tinh Ca Mau jeng padang dom balai ba ia, daong brei kwuang padang ia hacih ka mikva.

Chi cuc Khik iek glai tinh Lam Dong birau palao jaik 200 drei cim di glai khik caga Đắk Glong - Gia Nghĩa. Ini lac dom drei cim bhian hu dalam glai, yau:  Chào mào, Cim mbat, Chích choè, trau glai, Sáo đen, Yến phụng, Hắc xoan, Sáo mỏ đỏ, Sáo kim đỏ, Sáo kim vàng, Le le… urang jakar khik iek glai  duah mboh, chap mek meng dom urang mek cim glai pablei, athur glai suan hukum. Dahlau tuk palao tame glai, urang jakar khik iek glai dut iek prein yawa dom taphon cim saong palih ruah labik hu lagaih.

Rajakar Tong thong Donald Trump meda brei padeih taong bruk pasang iek thi thuc ngan haong bhap bini mai meng 75 taneh ia, meng harei 21/1 anak tal. Dalam tuk dom taneh ia gaok kan kandah hu Somalia, Nga, Iran, Afghanistan, Brazil, Nigeria saong Thái Lan, gam dom taneh ia karei. Harak kadha hu payua tal dom dai su quan saong lãnh sự quán  Mỹ  di negar langiu, caong khin padeih brei harak thi tuc tui bruk ba tabiak  ngak tui yau urak ini di Mentri Ngoai giao brei pasang iek veik abih harak gal pambak tal bruk nan.

Malaysia mboh lac thun ka dua gam gam yam tapa Thai Lan ka tuai dumuai sirah rivang negar langiu, hu jeng taneh ia Dong Nam A hu rilo tuai mai rivang dunya glong abih thun 2025 di labik ini, meng sarak lagaih saong ha tang hu siam tagok. Malaysia taduan raok 38 trieu tuai damuai negar langiu tame mai sirah, rilo jang Thai Lan ngan haong jaik 33 trieu mbang. Dalam “ Thun Yulit Malaysia 2026”, Rajaei taneh ia ini ba tabiak dom bruk glong jang gah yulit.

Sa kapol roh duah Trung Quoc birau khan brei thau bruk ngak pin ia harei laman, piah pabak dien tani tanat saong biak lagaih ka dom mac jamrah angaok langik saong pandar di taneh dalam harei hadei. Bruk siam lagaih di kong nghe ini langyah hu dom bruk kan kandah meng lavik mai salih ka nang luong saong khik pin ia harei hu siam. Jamraih ngak mac taduan pandiak ia harei hu dải quang phổ praong jang, meng nan salih nang luong ia harei jeng dien nang hu prein khang./.