Ban raya Ho Chi Minh brei patagok saong ngak majam y te tui jalan rilo tal – rilo gah – rilo pasak. Tui nan, yaok tal sangka hu brei mboh tantu ka bruk saong hu brei giới hạn ka ilamo ky thuat tui Hukum Pasang iek ruak, taong ruak, dalam nan hu: tal pasang iek saong taong ruak meng camreip; saong tal taong ruak dalam. Dalam nan dom labik pasang iek saong taong ruak camreip di 168 balai y te pasang iek prein yava meng akaok. Thun 2026 lac tukvak hu makna piah panduan dom jalan kuhria ndap nda kaya, jalan langyah tantu cambaih laih, pamaong tal sa majam y te hu ngak siam lagaih, karo kajap saong mek rahra ngak pasak.

Tỉnh Dong Thap birau mbaoh harak ngak Danak Pachreih ngak kong vaktu 2026 -2030, kuhria abih tih hu labaih 116 ti dong. Tui nan, tinh padang ngak 5 bruk parang iek ky thuat piah pato ngak tui kong nghe birau atau ngak tabiak kaya birau di tinh; daong pandar mac jamraih birau saong ba ilamo kong nghe birau tame ngak kaya kong nghiep - tieu thu cong nghiep ka 169 kong nghiep palei pala; padang bruk bruk ngak iek, daong pasiam veik mac ngak hacih alam moi truong ka 5 labik ngak kong palei pala.

Gilang pariak tui sarak rahra tinh Ca Mau hu pandar jaik 2.300 ty dong ka jaik 45.000 mbang baoh snag kathaot saong urang dalam sarak hu mesraiy jien. Dom danak dak brei mesraiy jien hu daong ka jaik 5.600 mbang baoh sang kathaot, jaik kathaot, baoh sang bahrau patruh kathaot brei mesraiy jien piah ngak mbang, pablei salih; langyah bruk ngak ka labaih 15.000 mbang urang ngak bruk. Ong Ngô Vũ Thăng, Phaok Akaok UB Bhap bini tinh Ca Mau jao brei dom labik, dom gah hu pambuak biai ka cơ chế, sarak njauk piah taoh talaih kan kandah ka urang ngak bruk, rilo meng lac nao ngak bruk di negar langiu.

Meng harei 19/1 anak tal, kapal gilai peih drah samar Phú Quốc - Thổ Châu, tỉnh An Giang ba tame ngak bruk 1 mbang dalam sa harei, meng harei Som tal harei Sanecar yaok adit. Kapal galai peih drah samar  Superdong V hu pagam jamraih birau, khik hu salamat nao ngaok ia, padang hu 275 tuai damuai. Sở Padang ngak An Giang khan lac, bruk adat ka gilai Supperdong peih nao Phú Quốc - Thổ Châu saong gilac veik, pabak bruk nao mai saong pablei salih di kaoh pulao Phu Quoc saong Tho Chau.

Gah Pasang iek glai pacang khik Tây Hòa, tinh Dak Lak brei thau, dalam luac jalan roh duah jaik haong bruk daok rah tabiak di Nduk hộp dhei kanyik gah Meraong, angan khoa hoc lac Cuora picturata lac janih njauk pacang khik dalam dunya, di dom glai kayua labik pasang iek. Ini lac janih ndih dalam kapul 40 janih nduk njauk pacang khik chip dalam dunya, daok takik, dom drei nduk di langiu langik kurang trak. Langiu Nduk hộp dhei kanyik gah Meraong, kapul pasang iek daok taduan rilo janih athur kan si mboh karei brei mboh ka he sinh thai glai di labik ini jeng hu pacang khik biak siam.

Trung Quốc daok dang anak bruk pamong tal thun 2035, taong abih dom ban dalam negar ngak bruk oh hu hareik, khik pacang hareik khang taong abih gah saong kajap. Labaih 3.000 danak danak  khik pacang hareik khang hu peih ngak kuhria tui phun jien buh tame 560 ti dong nhan dan te (labaih 80 ti dola My). Trung Quoc sahaneng lac “ban raya oh hu hareik nerak” oh lac ban raya ngak tabiak hareik, bo lac do thi takik lam hareik tapa bruk diu rai pandar pandap hijao, trun takik hareik jeng yau khik veik drap ar dunya.

Quoc hoi Campuchia brei nyaom biai taong abih piah ndom meyai saong maong iek dự thảo hukum ka bruk mbaoh tangin Công ước Lien hop quoc ka Hukum Tasik 1982 (UNCLOS). Công ước ini hu maong yau lac “Hukum ka tasik”, ngan haong bruk pasiam grauk bruk rah tabiak di angaok tasik saong daok dalam hukum ka bruk langyah bruk meraik meblah gauk angaok tasik, pasiam bruk khik iek tasik di dunya. UNCLOS hu brei tapa di harei 10/12/1982 saong hu brei pandar meng 16/11/1994. Urak ini hu labaih 170 negar daok dalam Lien hop quoc hu mbaok tame Công ước ini.

Gah ngak kong iek glang prein yawa di Malaysia hu jaik 32 ti USD thun 2025, ba taneh ia ini jeng sa taneh ia dalam dom iek sangka prein yawa patagok samar di chau A. Bruk ini hu gah taneh riya pamong tal prein yawa, pasram rup pabhap, jalan sahaneng, iek glang prein yawa, ngak mekre, ma-in yulit sirah. Langiu, kaya mbang Malaysia danei angan pandar dom kaya gah langiu saong dom janih jru phun kayau karei di gauk meng nan hu jeng bruk khang karei di he sinh thai iek glang prein yawa./.