Piah khik kajap ka abih rahra thei thei jeng hu kein lagaih raok tet sron mbon salamat, trei sir, UB Bhap bini Ban raya Ho Chi Minh srap gap peih danak dak Tet anit ranam – nethak Asaih Waw thun 2026. Bruk lagaih di danak dak ini lac Adit Tet anit ranam hu peih ngak rilo di pakat xa, phuong meng harei 2 tal 9-2-2026, pagam haong kein lagaih di yaok bhum palei. Ban raya pandar dom bhum palei pasang duah tani tanat, urang metui mejua jeng hu mesraiy jien saong taduan hu kaya alin njauk tukvak. Langiu di nan, ban raya daok brei pok meyaom bruk ngak gheih, bruk ngak siam lagaih dalam bruk sangka tet ka rahra.

Pasak pachreih urang buh jien tame ngak mbang pablei salih saong yulit tinh An Giang pambuak haong dom don vi pambuak tal ba jiak 200 tấn kaya ndap nda pablei khik yaom, kuhria tui jien jaik 5 ti dong pablei tuk Tet ka yaok ribau baoh sang daok di dom kaoh pulao di An Giang. Ini lac dom janih kaya kan pandar yaok harei yau brah, dom janih ratak, dom janih ia tasau, menyek mbang, ahar keo, mứt Tet, kaya mbang, ia yamen, baoh manuk ada soang rilo janih karei…Bingun ini, dom don vi pambuak bruk alin dom kaya ka urang kathaot di dom mbang Tet hu bui mbai haong baoh sang di drei.

Ban raya Can Tho daok samar chip salah blaoh Jalan bangu seni “Uan Ndang – Uan ban Paataih nethak Asaih Waw 2026” piah duh rahra me-in bal pataih, raok Tet. Jalan bangu hu peih ngak di jalan Võ Văn Tần - Nguyễn Thái Học, phuong Ninh Kiều, hu atah 310m. Labik jalan bangu hu ngak hlai meng ilamo bhap bini, ilamo kraong ia gah Pei negar saong thaik thaot ban raya Can Tho gheih ghang, siam mekre dalam tukvak patagok bahrau. Kuhria jalan bangu peih bambang duh tuai rivang me-in meng harei 14/2 tal abih harei 21/2/2026.

Dong Thap hu taphon manuk ada ralo abih di bhum taneran kraong Cuu Long. Tuk ini, yaom manuk ada jeng yau dom rilo nyu trun biar, gaok mai trun biar jang jien buh tame ngak, ba tal urang raong glang khat lahik. Urak ini, yaom rilo manuk patih meng 30.000 tal 32.000 dong sa kilo, yaom rilo ada labaih 35.000 dong sa kilo, trun 10% dut saong bilan dahlau. Tui dom doanh nghiep, raong glang urak ini rilo manuk daok trun “ bruk raong rilo jang urang caong blei”, dom labik raong parilo taphon manuk ada ba tal yaom trun biar. 

Jit aih caraoh pabui chau Phi daok rah tabiak srau kadau di rilo bhum palei bhum taneran kraong Cuu Long. Di tinh Ca Mau, meng harei 12-1 tal ini, jit rah tabiak di tapol pabui di 11 baoh sang di dua xa Đá Bạc saong Trần Văn Thời, hu taong abih 211 drei pabui njauk ruak. Piah pacang jit pambak tabiak, urak ini jabat anek athur hu palih ruah, roh duah, am cuh klak dom pabui njauk ruak hu taong abih 6,4 tan. Daok di Vinh Long, brei thau 2 labik jit aih caraoh pabui chau Phi. Piah pacang njom mbak, khik kajap pabak ka darak pasar Tet, gah anek athur bhum palei daok pataom tame pambak, pruh jru pametai ruak, pametai patruh takai ruak di dom labik tamuh jit ruak.

Rajaei Indonesia mboh lac, dalam adit tapa hu daong, ba jaik 1.500 urang di Campuchia mai veik taneh ia. Jaik abih dom urang nan lac nao ngak mbang hu harak gal njauk tui hukum, gaok dom kol pachot pagat saong pasak ma-in mbia online khik veik ho chieu. Tui sa harak di Lien Hiep Quoc, kuhria hu labaih 100.000 tal 150.000 urang daok khik veik di Campuchia, ralo lac urang ngak mbang gaok pagat saong pablei manuac.

Anak bruk rah tabiak srau kadau di mbang tamuh ruak virus Nipah di An Do, dom pabah mbang jirah rivang hu makna di Thai Lan yau Phuket saong Phuket saong Pattaya yhu peih ngak dom jalan ngak pasang iek y te Thai Lan brei mboh virus Nipah lac ruak njom mbak meng athur tapa menuac urang, pambak tapa bruk gaok tapak haong ia darah di anek athur rilo meng lac ciim dhur  atau tapa darah saong ia pabah di urang ruak, lac oh pambak tapa tanjaoh ia tuk thuak yava yau virus Covid-19.

Labaih 670.000 tuai damuai di Mỹ daok kurang ndien pandar; jaik 10.000 mbang ahaok par  brei padeih tuk ribuk bilan la-ar “ biak khang” tuh tame saong ngak klaik klaoh ndien di dom bang gah Pur gam tuyet laik ralo. Tui jabat kuhria mboh dahlau, hajan ia patau saong langik biak la-ar me-om tagok gah pur di Mỹ dui atah luac adit. 17 tieu bang saong Dac khu  Columbia ba tabiak bruk caga samar ka langik, gam kakei bhap bini Mỹ brei ngak tui dom jalan pacang caga./.