Salam uan Nyaom roya mbang ka sa, Ndang bo Ban raya Ho Chi Minh, tukvak thun 2025-2030, klau labik parang hu ngak yau sa jalan hu mboh cambaih laih, brei mboh veik dom bruk patagok di rilo gah di Ban raya meng kinh te, xa hoi, ilamo tal khoa hoc - kong nghe. Labik parang hu peih luac klau harei Nyaom roya, meng harei 13 tal 15/10 anak tal. Tapa nan, labik parang jeng talei pambuak di meng kal - urak ini - harei hadei, gam haong nan brei mboh bruk ba drei ngak dahlau di Ban raya Ho Chi Minh dalam bruk salih lek taka so saong salih bahrau hadah krah.

Tinh Lam Dong hadei dak ramik pagam tinh, ban hu labik bhum taneh sinh thai sirah rivang ma-in ralo janih oh labik harei hu: meng bhum caik glong Da Lat, tathik Mũi Né - Phú Quý tal ceik glai Gia Nghĩa - Tà Đùng, ngak jeng labik rivang main di klau bhum pataom tame hasa labik rivang padeih padei biak gheih mekre. Ini lac bruk hu makna praonh piah bhum palei ngak brei cakrok patagok taong abih gah, pambuak pagam dom bruk rivang ma-in padeih padei, sinh thai, rivang ma-in , ilamo saong iek glang prein yawa. Dom urang ilamo mboh lac: bruk sirah yulit Lam Dong njauk brei ramik ngak tui hatai caong khin di tuai damuai, pabak hu ginup ka tuai rivang main sambai.

Tinh uy Khanh Hoa brei mboh gah pato megru lac bruk njauk caik ngak dahlau, lac bruk chinh tri hu makna di he thong chinh tri saong rahra. Khanh Hoa jhul khang bruk salih lek taka so dalam pato megru, patagok “sang bac hadah krah”, jhul tagok pato megru lek taka so, pato megru STEM saong glo akaok nhan tao. Gam haong nan lac salih bahrau asal kadha, jalan pato bac, hu sarak kein laba ka kapul urang gru pato, paglaong jien daong takik abih lac 70% ka gru pato, 100% ka gru pato di bhum biak kan kandah, tasik kaoh pulao saong bhum urang bangsa takik…

Muk Nguyễn Thị Ngọc Điệp, Pho Akok UBND Ban Cần Thơ birau jao bruk ka Sở Ilamo, Padhih saong Yulit pambuak haong dom gah, karka bhum palei daong ka UBND Ban khik iek, ngak brei patagok darak angaok kraong Cái Răng, rik tame khik ramik, yaih khan pambak praong darak pasar ini.  Tui karja pak ini, urang pablei salih di Darak pasar Cái Răng urak ini hu labaih 200 baoh sang, ralo urang pablei baoh kayau, njam patam, dom,janih mbang menyum, pandap alin saong taduan raok tuai damuai. Tukvak tapa, karja pachreih pathau khan pambak praong, jak ba bhap bini saong urang pablei salih khik brei jalan nao mai hu lagaih angaok kraong, kaya mbang huak, yaom kaom…tani tanat.

Yaok thun, tal harei Po Rami bilan 10 tui saka ia bulan, phum soc Khmer Meraong negar gilac chreih chrai raok salam harei Ooc Om Boc - Pakacah gaiy ngo. Dahlau tuk hu mbaok tame mbang pakacah, dom baoh Gaiy ngo brei hu tabiak kraong ia. Ini lac sa ilamo gheih karei di urang Khmer hu meng kal mai saong hu khik tani tanat tal harei ini. Ngan haong urang Khmer Gaiy ngo oh lac sa baoh gaiy pakacah bhian bo di dalam nan ndung bak sa ilamo siam gheih karei, daong ngak siam gheih saong ngak meda ka ilamo Viet Nam.

Vien Han lam Ilamo Thuy Dien birau khan brei thau urang taduan hu yai Nobel Văn chương 2025 lac negar Hungary angan László Krasznahorkai. Ong urang vak tapuk Vũ điệu quỷ Satan hu mbaok di Việt Nam thun 2022. Ong László Krasznahorkai, umo 71thun lac urang vak 2 baoh tapuk danei angan: Mesruh metak saong mesruh metak, Vũ điệu quỷ Satan, gheih tavak paneng kadha atah, kan. Ong bhian mek hu yai Van hoc dunya saong rilo yai meyaom akayat van hoc chau Au.

Mbang padeih padei Harei negar pagam haong Tet Trung thu dui atah 8 harei (meng harei 1-8/10) di Trung Quoc hu brei mboh sa bruk nao jirah rivang rilo yaom lac langik oh lagaih. Kuhria meng rilo gah jirah rivang hu mboh dom bruk nao tal dom ban medin hu tagok samar chip, tagok jang 20% dut hoang tukvak ini thun dahlau. Dom bruk kakei pah bilik khach san dalam negar hu tagok 65% dut haong tukvak ini thun dahlau.

Uraong naih joi dat blong caoh mbanh Cristiano Ronaldo hu abih tih drap ar 1 ty bảng Anh, tapa nan hu jeng urang caoh mbanh akaok meti dalam sajarah dakrai kaya meda. Urang kaya meda veik lac Lionel Messi ka dua hu 620 trieu bảng Anh, takik jang Ronaldo 400 trieu bảng Anh. Hadei di Messi lac Neymar lac urang negar Brazil kaya meda hu 280 trieu bang Anh…