Gam haong dom tinh, ban dalam negar, page ini, Ban raya Ho Chi Minh peih padang ngak Sang Ilamo Dam dara Ban raya Ho Chi Minh, sa dalam 234 danak dak salam uan Nyaom roya dalam negar mbang ka XIV. Danak dak padang Sang Ilamo Dam dara di ka 4 Phạm Ngọc Thạch hu brei mboh lac danak dak hu makna ka chinh tri - xa hoi, piah paglaong bruk di dam dara dalam padang saong patagok ilamo Viet Nam dalam jaman bahrau.

Jeng dalam page ini, UB Bhap bini tinh Tay Ninh peih ngak Danak dak buh tame padang saong pablei salih ha tang Labik ngak kong Hiệp Thạnh – tukvak 1, di xa Phước Thạnh saong Labik phức hợp khach san Hilton Garden INN.

Daok di tinh Dong Nai, Tong Kongti Mblang kapal ahaok Viet Nam peih pakak dom danak dak saong peih par ahaok akaok camreip tal mblang kapal ahaok Long Thành.

Tui ong Phùng Quốc Mẫn, Akok Kapol Mỹ nghệ saong Ngak kaya kayau TP.HCM, Viet Nam urak ini lac taneh ia pablei tabiak negar langiu kaya kan meng kayau dang ka dua di dunya saong TPHCM lac pasak ngak kaya kan meng kayau di dunya. Hadei pagam tame, TPHCM meblah hu jaik 50% kuhria taong abih jien pablei kayau tabiak negar langiu saong kaya ngak meng kayau dalam negar. Hu labik dang birau  nan pachreih gah kayau ngak mbang cakrok patagok glong, pambak tame bruk pambuak rilo gah, salih birau, khang kajap saong yam tame dalam haong rilo bruk di dunya. TPHCM pamong tal bruk pablei tabiak negar 15 ti USD kayau di thun 2035, dalam nan 80% lac kaya mek hu tanut chuan hijao.

Ban Can Tho bahrau peih “Mbang darakanit ranam” hu dom kaya 0 dong brei ka urang kathaot. Di danak dak dom labik hu jak ba alin 100 paok kaya lin yaok paok hu yaom 350 ribau dong ka dom baoh sang kan kandah dalam xa Lai Hòa, Ban Can Tho. Paok pandap hu dom janih kaya njauk hu yau ye: Brah, saradang, ia mesin, menyek mbang, tapung yamein, baoh ada, mi tom. Ini lac bruk hu makna, lagaih, brei kein lagaih ka urang kathaot, baoh sang kan kandah lac bangsa Khmer dalam tinh.

Piah pabak pasiam veik bruk kurang labik taneh pala phun hijao, ong Lê Ngọc Linh, Pho yam ndoc  So padang ngak  TP.HCM khan lac: Ban raya brei pabak kadung jien saong jak ba dom gah rik daong piah ngak brei cakrok patagok hijao; tui nan, TPHCM mek veik taneh padang ngak dom danak dak piah ngak bein phun kayau hijao, dalam nan hu taneh ka 1 Lý Thái Tổ, phường Vườn Lài (Quận 10 dahlau diah) hu labaih 4 hecta;  mek veik, dak ramik dom danak dak di labik Cảng Ba Son labaih 32 ha ngak bein bingu ka bhap bini…

Urak ini daok yam tame bilan thu, dom bhum palei tapen tasik bhum taneran kraong Cuu Long brei pacang caga ka njom ia mbak meda rah tabiak. Di tinh Dong Thap saong Vinh Long, ia mbak meda njom tame meng puac bilan 12. Tui Jabat Kuhria kraong ribaong tinh Dong Thap, njom ia mbak bilan thu thun ini oh trak, tok di tanut gap mbiah rilo thun. Tanut mbak 1 dalam ribau njom tame dalam abih 55 km. Dom bhum palei bhum ala kraong Tiền, ribaong Chợ Gạo jeng hu majam braong ia, bineik pacang ia mbak kandauk nan rahra biak sahnang hatai dalam bruk daok dang saong ngak mbang.

Urang lahik bruk ngak di Mỹ dalam bilan 11 tagok 4,6%, glong abih kuhria meng bilan 9 thun 2021, brei mboh bruk ngak takik veik kan kandah cambaic laic. Negar ngak mbang praong di dunya ba bruk ngak tok hu 64.000 bruk dalam bilan 11. Bruk nan ngak patagok caong khin lac Cục Dự trữ Liên bang Mỹ (Fed) meda daok cakak trun veik jien laba dalam vaktu anak tal. Gah buh jien tame ngak mbang kuhria mboh dahlau Mỹ meda hu 2 mbang cakak trun jien laba, yaok mbang 0,25 tanut kuhria tui yaok rituh, meng ini tal puac thun 2026.

Srau kadau di Japon saong Trung Quoc pambuak tal bruk ndom meyai di Thu tuong Sanae Takaichi ka asal kadha Dai Loan ngak ka tuai damuai meng Trung Quoc mai Japon hu trun cambaih laih. Tui nan, bruk cakrok di tuai damuai meng Trung Quoc mai Japon tok hu 3% dalam bilan 11, biar jang dut saong rilo tanut gap mbiah 37% kuhria meng akaok thun. Yaom lac yau nan, tuai damuai Trung Quoc jeng lac kapul tuai damuai rilo abih dalam thun 2025, meblah jaik 1/4 taong abih tuai damuai dunya di Japon./.

Canada daok kuhria mboh dom bilan yuak kuak mek tame hu rilo kaya glong abih. Rajaei  Canada khan lac padai lua mi bilan pataih saong cải ngak menyek dalam thun 2025 mek hu rilo abih meng dahlau mai tal ini. Padai brah lua mi bilan pataih kuhria rah tapa hu jaik 4 tấn hecta tagok 77% dut saong dahlau di ini 30 thun, cải ngak menyek tagok dua mbang. Bruk ngak hu yau nan di gah ngak nong Canada hu makna ka dunya, kayua ralo ngũ cốc di Canada hu pablei tabiak negar langiu saong rik tame tani tanat padai brah di dunya./.