Uy mban palih ruah lambaok vakil Quoc hoi mbang ka XVI saong lambaok vakil Hoi dong Ban raya Ho Chi Minh tukvak thun 2026 -2031 bahrau ba tabiak pathau khan ka tukvak, labik saong janih harak gal taduan ka urang tut angan palih ruah Lambaok vakil Quoc hoi saong lambaok vakil Hoi dong Bhap bini dom pakat dalam Ban raya. Tui nan, So Noi vu Ban raya Ho Chi Minh tukvak thun 2026 – 2031 meng harei 15/12/2025 tal mon 17 tuk harei 1/2/2026, dalam tukvak ngak bruk di dom harei ngak bruk dalam adit. Ban raya Ho Chi Minh hu palih ruah 38 lambaok vakil Quoc hoi mbang ka XVI saong 125 lambaok vakil Hoi dong Bhap bini Ban raya.

Tinh Lam Dong jeng daok pasang iek samu gauk dom jalan srap gap tui njauk adat di hukum, khik kajap piah mbang palih ruah rah tabiak dan chu, salamat saong jak jeng. Tal ini, Uy mban Mat tran Negar Viet Nam tinh Lam Dong hu peih harei Nyaom biai mbang ka sa, yasa ka dom urang tut angan palih ruah. Tui bruk rabha, Lam Dong hu palih ruah 17 lambaok vakil Quoc hoi mbang ka XVI saong 85 lambaok vakil Hoi dong Bhap bini tinh. Dom xa, phuong, dac khu hu salah blaoh Nyaom biai mbang ka sa yaih khan urang tut angan palih ruah Hoi dong Bhap bini pakat xa.

Ngak bruk pato tacei di Thu tuong Rajaei, tukvak tapa dom tinh bhum Taneran kraong Cuu Long hu brei adat peih rilo labik cuah duh ka dom danak dak hu makna dalam nan hu dom dnaak dak jalan peih samar. Daok tinh Dong Thap hu brei kuac labaih 32 labik cuah di angaok kraong Tien hu taong abih cuah hu jao brei lac labaih 26 trieu m³. Tinh Dong Thap jeng brei kuac dom labik cuah tui bruk “karei” piah duh dom banah jalan peih samar Cao Lãnh – An Hữu. Tal ini, dom labik cuah di Dong Thap hu pabak hu labaih 12 trieu m³.

Page ini 16/12, di Dai hoc Can Tho hu peih pakak Labik parang ilamo Khoa hoc, Kong nghe, Salih bahrau saong Salih lek taka so ban Can Tho thun 2025. Labik parang pataom labaih 50 tadai kuan, parang yaih khan labaih 500 ndap nda, kong nghe dalam rilo gah yau ye: An ninh mang, ban medin hadah krah, kong nghe jien padai, jalan langyah peih mbang ngui saong salih bruk hadah krah dalam dom gah y te, pato megru, ngak nong, jirah rivang, ilamo kong nghe kaya mbang, logistics… di dalam ban Can Tho saong bhum taneran kraong Cuu Long.

       Tinh Dong Nai daok ramik gah y te saong 95 balai y te gam haong 176 labik balai hu jao meng Pasak Y te dalam bhum ka UB Bhap bini xa, phuong tapak pasang iek dahlau harei 31/12 anak tal. Bruk Balai Y te bahrau hu bruk jaik yau sa Pasak Y te sit. Tinh Dong Nai brei nyaom biai online haong dom xa, phuong piah pang dom panuac ndom meyai saong taoh talaih dom gar tavak, abih di nyu nan lac pandar gah y te brei sangka, kuhria tal bruk palih ruah saong panduan urang ngak bruk kuhria khik jien padai, khik kajap dom balai y te bahrau meda hu ngak bruk samar tuk hu jao bruk.  

Tong thong My Donald Trump harei kabroi hu yak Rayo BBC ka duas jheik pambuak tal dom thaot binguk thaot video hu Rayo ini cakak pagam meng kadha ndom meyai di ong, ngak ka urang pang nda lac ong pandar dom urang blak tame Sang Quoc hoi My di harei 6/1/2021. Ong Donald Trump daok pandar bayar 5 ty dolla ka yaok banah dalam mbang yak. Rayo BBC di Anh hu likau ampun Tong thong My, thau ka bruk ngak oh njauk tuk pasiam kadha. <im BBC brei thau, oh hu njauk hukum halei piah yak.

Mbang pakacah nduac di Ong taha Noel The Santa Run hu labaih 3.000 urang hu mbaok tame di Mexico City bahrau ini hu ngak jalan ban ine negar Mexico ini jeng sa tapol rilo urang nyaom 2 sambo bar bhong meraih – patih saong ndung bak arthak harei raya. Hu ngak tabiak meng 2018, mbang pakacah nduac di Ong taha Noel hu patagok jeng sa bruk di bhap bini dalam dom harei Yang Sinh hu biak rilo urang dalam ban ine Mexico caong maong. Mbang pakacah oh lac ba mai arthak Yang Sinh bui sambai bo daok lac labik ka dom urang nan pasram prein yava yaom lac thun umo halei.

Dom harei tapa, gah Barak An Do, abih di nyu nan lac ban ine New Delhi gam gam rah tabiak ia kakuan kapal, ngak ka oh mboh jalan nao. Bruk ia kakuan ngak klaih klaoh trak dom bruk rh tabiak angaok jalan, abih di nyu nan lac ngan haong gah ahaok par. Dalam tuk nan, gah jalan pasei An Do brei panduan tukvak peih nduac di 60 mbang radaih apui ka yua oh maong mboh jalan. Rilo mbang gaok bala trak di jalan mbak oh ka hu taduan di dom bang gah Barak An Do.