Mentri Ngak nong saong Alam moi truong birau pasang iek baoh sang kathaot, jaik kathaot thun 2025 tui tanut kathaot ralo gah meng thun 2022-2025. Dalam negar urak ini daok 2,95% baoh sang kathaot rilo gah. Dong Nam bo lac bhum taneh daok biak takik baoh sang kathaot lac 0,29%, dalam tuk bhum taneran saong bhum ceik gah Barak hu rilo baoh sang kathaot di abih, hu 13,27%. Angka so kuhria mboh nan lac piah dom mentri, dom gah, bhum palei padang ngak saong peih ngak sarak trun kathaot, khik brei tani tanat radiuk manuac sia jeng yau dom sarak kinh te -xa hoi karei.

Urang ngak praong di UBND TPHCM caong khin dom bhum palei brei ngak salah mblang taneh padang ngak sang bac Dai hoc Quoc gia TPHCM hahlau harei 15/4/2026. Ini lac danak dak hu makna praong pakat negar, praong labaih 643 ha, di Ban Thu Duc, TPHCM dahlau saong TP Dĩ An, tinh Binh Duong dahlau dui atah luac 40 thun. Urang ngak praong di ban raya mboh lac, ĐHQG TP.HCM jeng sa ban do thi ilamo birau saong lac labik rivang sirah yulit.

Pasak Salih birau hadah krah tinh Tay Ninh ba tame ngak bruk, pambuak ilamo, kong nghe saong doanh nghiep. Pasak ini brei ngak jeng he sinh thai salih birau, jak ba phun jien buh tame ngak mbang, jhul pakhang dom gah lagaih yau ngak nong kong nghe glong, kong nghiep che bien, logistics saong jitvu kong nghe so. Bruk ini caong khin pachreih samar salih pandar taka so, jhul pakhang bruk cak rok patagok saong padang he sinh thai salih birau di bhum palei.

Urak ini, rilo tinh, ban di bhum taneran kraong Cuu Long yam tame tabung glong yuak kuak padai Dong Xuan. Yau nan min, yaom padai di darak pasar daok trun. Tui dom urang ngak hamu kuhria mboh, taong abih jien buh tame ngak ka yaok hecta padai Dong Xuan meda tagok tal yaok pluh trieu dong. Dalam tuk nan, yaom padai meng 5.500 -5.600 dong sa kilo. Bruk blei padai tame di doanh nghiep daok cang kuhria, ba tal darak pasar padai brah kandang jua. Meng nan, rilo urang ilamo caong khin peih ngak samar dom jalan lagaih piah tani tanat bruk pablei tabiak ka urang ngak padai dalam tuk yuak kuak praong yau urak ini.

Bhum taneran kraong Cuu Long daok tame bilan ia ndik gam hangin yau nan ye ia mbak di kraong Tiền tagok samar. Piah khik bruk pacang, caga ia ndik tagok glong, njom ia mbak, khik caga bruk pala drak, Kong ty TNHH MTV Khai thac kong trinh thuy loi Tiền Giang brei ngak bruk dom binek ribaong ia dalam tuk ia ndik piah pacang ia mbak, khik ia taba, pacang ia dauk. Urak ini, halau ia taba piah pandar saong pala drak di bhap bini brei hu ginup.

Tui kuhria birau ini, bruk kan kandah jien padai daok ngak jhak tal rilo urang bhap bini Canada, tuk jiak hu meteh dom urang hu tangi sua khan lac raidiuk pambak tame jien bilan  saong oh hu labaih si pataom. Tui nan, labaih 49% urang hu tangi sua khan lac raidiuk tal tuk tadaun jien bilan nan abih, brei thau jien padai dak harei dak tagok. Bruk nan kayua jien cai pandar dak harei dak glong ralo. 

Rajaei New Zealand brei ngak catang dom asar kadha patrauk, urang tị nạn saong ngak tui hukum nhap cu yau sa jalan njauk ngak piah langyah dom bruk ngak suan  biak trak, kateik greik urang di cư saong dom bruk oh njauk. Tui nan hukum ramik pasiam meda hu Quoc hoi brei tapa, tukvak sa rahra patrauk kayua duis trak tagok tal 20 thun, duis kateik greik urang di cư tagok tal 10 thun.

Sa nyaom urang roh duah robot meng Bắc Kinh (Trung Quốc) ngak tabiak robot  thaik manuac ma-in taong vợt akaok meti di dunya. Robot glong labaih 1,75 mét, hu pagam thuat toan LATENT. Oh cang hu lap trinh dahlau, robot thau ma-in tennis tapa bac megru dalam. Ini lac bruk ngak tabiak birau di manuac mac meda pakacah the thao./.