Jabat jien je Ban raya Ho Chi Minh bahrau peih bilan tabung glaong daong labaih 364.000 baoh sang ngak mbang pablei salih. Jalan kuhria ba tabiak lac taong abih 100% baoh sang pablei salih hu takik abih sa bruk daong, khik tani tanat kadha “pan tangin pato bruk” piah daong urang kak jien je mbuan salih lek taka so saong ngak tui hukum. Thun ini, Jien je Ban raya Ho Chi Minh hu Quoc hoi jao tanut mek tame kadung jien 627.000 ty dong. Bruk daong, taoh talaih kan kandah ka baoh sang pablei salih saong doanh nghiep hu maong yau lac jalan langyah hu makna piah gah jien je salah blaoh jalan ngak ini.

Ngan haong bruk pala pa-ok blait praong abih dalam negar, tinh Dong Nai daok ngak salah blaoh ka harei roya “Baoh pa-ok blait kanyik” di bilan 4 anak tal. Mai haong harei roya, tuai UB Bhap bini tinh Ca Mau hu ba tabiak jalan peih bruk karja palei dua pakat hu ngak siam lagaih. Jalan pamaong tal, padang karja palei lagaih, brei mboh tantu bruk ngak piah oh klak tapa atau kandaong bruk ngak. Ca Mau brei sangka iek praong padang kapul urang jakar, kong chuc hu ginup hatai saong prein ngak, ramik dak dom labik ngak bruk pakat karja, labik y te, pato megru. Dalam nan, sarak jhul tagok bruk ta-eng ngak po jien padai saong caik dahlau jien padai daong ka dom bhum kan kandah, bhum atah bayah hu maong yau lac dom jalan langyah hu makna piah paglaong bruk duh daong.

UB Bhap bini tinh Ca Mau hu ba tabiak jalan peih bruk karja palei dua pakat hu ngak siam lagaih. Jalan pamaong tal, padang karja palei lagaih, brei mboh tantu bruk ngak piah oh klak tapa atau kandaong bruk ngak. Ca Mau brei sangka iek praong padang kapul urang jakar, kong chuc hu ginup hatai saong prein ngak, ramik dak dom labik ngak bruk pakat karja, labik y te, pato megru. Dalam nan, sarak jhul tagok bruk ta-eng ngak po jien padai saong caik dahlau jien padai daong ka dom bhum kan kandah, bhum atah bayah hu maong yau lac dom jalan langyah hu makna piah paglaong bruk duh daong.

Anak bruk pandiak bhang tua riya saong njom ia mbak rah tabiak sraw kadau, tinh Tay Ninh daok peih ngak rilo jalan langyah piah ginup ia ka bruk pala drak saong ia ndar. Binek ia Dau Tieng urak ini khik hu ia pruh ginup ka bilan pandiak thun ini. Dalam tinh urak ini hu labaih 115.000 hecta ba ia pruh. Gam haong nan, Tay Ninh daok buh jien tame ngak salah dom ribaong kraong tui rilo bruk, paglong ilamo ngak bruk pacang caga langik salih karei oh lagaih.

Sa bruk apui khuah rah tabiak di harei 16/3 bahrau blaoh di tadai pasiam radaih patuh di rahra di xa Mỏ Cày, tinh Vinh Long ngak ka dua adei sit metai, makna hu brei thau lac kayua chập ndien dalam luac bruk sạc bình radaih juak ndien. Kayua nan, Kong an tinh Vinh Long pachreih kakei, tuk sạc pin radaih juak ndien, radaih ndien, mikva juai klauk sạc tapa melam, luac bruk sạc brei bhian pasang iek pin tuk mboh pin pandiak, mbau karei, baong, chập ndien ye brei padeih sạc samar chip. Abih di nyu nan lac, rahra oh pandar akaok sạc oh thau meng halei mai…

Thái Lan peih ngak rilo bruk hadah krah “Hala dok Hijao” - dom cua hang pablei khik yaom kayua rajaei daong, piah daong bhap bini taduan kaya kan yaom lap jang darak pasar  tal 40%. Tui nan, rilo janih kaya hu makna  praong yau mi mbang, ikan pa-op, tapung ia tasau, khak drak saong kaya mbang ka athur raong hu ba tame pasang iek, oh brei tagok yaom tui hatai. Rajaei Thai Lan brei thau meda tui iek darak pasar yaoam kaom, piah khik caga kein laba di urang blei pandar saong khik tani tanat bruk xa hoi.  

Mentri Pambuak langiu negar Mỹ brei peih praong danak dak “blei jien takai ka visa” ngan haong rahra meng 50 negar, pandar urang likau thi thuc jirah rivang lac bruk brei buh paok jien bao lanh tagok tal 15 ribau USD dahlau tuk hu pabak brei visa. Paok jien takai hu bayar gilac meyah urang hu pabak brei visa ngak tui ginup dom adat ba tabiak, dalam nan hu tabiak truh negar My njauk tukvak. Dahlau nan, hu tal 44.000 urang meng dom negar daok dalam adat pandar visa hu daok tapa tukvak hu brei di visa.

Piah trun takik kurang xang menyek saong ngak suai veik bruk tagok yaom, Australia birau ba tabiak meng gilang khik piah labaih 500 trieu lit xang saong menyek diesel. Dut saong bruk kuhria dahlau di nan, Australia brei buh tabiak labaih 200 trieu lit menyek xang dalam tukvak anak tal. Yau nan min, jabat chuc nang khan lac, urak ini taneh ia ini meda pabak ginup xang menyek dalam bilan 3 saong bian 4. Daok meng bilan 4 tal anak daok ngak bruk haong gah pablei./.