Bhum Taneran kraong Cuu Long peih bruk pato akhar sap bangsa takik aval abih dalam negar drei. Danak dak sap Khmer hu ba tame pato meng thun bac 2006 - 2007 di  sang Tiểu học, THCS saong hu pato di 10 tỉnh (An Giang, Bạc liêu, Cà Mau, Hậu Giang, Kiên Giang, Sóc Trăng, Tây Ninh, Trà Vinh, Vĩnh Long, TP Cần Thơ). Bruk pato akhan sap bangsa takik hu daong praong  ka bruk khik brei anek saih tarieng bac saong  peih ngak hu siam danak dak pato pho thong. Anek saih hu bac sap bangsa khang hatai tuk ndem meyai, tame dom bruk pasram, dom adei takre bac saong mboh hadah mbaok meta ka sap bangsa.

 Mbang pakacah tame tal 10 thun ini, amaik ame saong anek saih di TPHCM meda peih bruk tut angan hatai caong saong pasang iek khau tin pilih ruah online meng ứng dụng TS10 HCM.Anek saih tok tải ứng dụng TS10 HCM dalam kadung ứng dụng di phone par tangin saong ngak tui tacei pato. Yaok adei meda hu sang bac pabak brei tài khoản piah peih dom bruk tut angan hatai caong. Meng harei 10/4 tal 8/5, Sở pato magru meda peih bruk tut angan hatai caong tame tal 10 thun bac 2023-2024.  Mbang pakacah tal 10 thun ini meda hu peih tabiak meng harei 6-7/6 ngan haong 3 mon pakacah lac Toán, Ngữ Văn saong sap negar langiu.

Hadei di sa tukvak suai lavik kurang pandap y te, jru tavao piah taong ruak, mbiah tal ini sang iek ruak Mata Tiền Giang hu pabak ka bruk nan. Bruk kurang nan kayua  sang iek ruak Mata Tiền Giang kurang prein ngak bruk dalam đấu thầu yau nan  ye brei pah đơn vị karei ngak. Ngan haong bruk ginup pandap, meng harei 3-4,  sang iek ruak Mata Tiền Giang brei blaic raic  đục thủy tinh thể veik. Bhap bini biak uan tabuan mai sang iek ruak Mata Tiền Giang tut angan piah hu dom bac si iek ruak tui jalan ngak saong blaic raic caik camin.

 Pambuak tal bruk glut jaleih rahtabiak di harei 1/4 di ban Sa Đéc, tỉnh Đồng Tháp, urak ini jabat chức năng njauk gauk brei ngak ar pacang biak khang  di labik glut jaleih saong ngak jeng jalan nao ka 12 baoh sang di labik glut jaleih atah labaih 60m. Gam haong nan jeng hu panuac likau tỉnh pasang iek rami ramik phun jien padang ngak pasiam veik jalan ini dalam tukvak anak tal. Tui yaok pataom, labik jalan ribaong daok njauk glut jaleih atah labaih 500m, dalam nan, hu 440m tui kuhria daok mbuan glut jaleih saong glut jaleih biak trak. Di labik ini hu 46 baoh sang gam haong 213 urang.

Harei pataom nho saong alak vang Ninh Thuan thun 2023 saong taduan harak di UNESCO brei angan “Ilmau ngak lan di urang Cam tame angan inem krung ilamu phi vat the njauk brei khik caga samar peih tabiak meng 13/6 mbiah tal harei 18/6. Dalam dom harei ini, meda hu rilo bruk hu peih ngak, yau ye: Nyaom darak pasar Công Thương Bhum Nam Trung Bộ - Ninh Thuận 2023; rivang iek bein nho, palei Bàu Trúc saong nao rivang iek Khu dự trữ sinh quyển dunya Núi Chúa… Dom ginum biai lac: Ginum biai patagok yaom glong di phun nyo saong pandap ngak meng nyo, gam haong nan lac Ginum biai khik ramik saong patagok “ Ilamu ngak lan di urang Cam” jeng hu peih ngak di tukvak ini.

Tổng thống Indonesia Joko Widodo brei thau, taneh ia ini meda blei tame 2 triệu tấn brah di puac thun piah pacang caga haong pandiak bhang rahtabiak kayua El Nino. Tổng thống Widodo brei thau lac, bruk blei brah tame piah khik kajap bruk khik piah di Jabat Hậu cần Kanja saong khik tani tanat yaom brah dalam taneh ia di tanut mbaih kayua El Nino meda ngak pandiak bhang dui atah saong njauk kan kandah tal bruk pala drak padai. Indonesia hu blei tame labaih 400.000 tấn brah dalam thun 2021 saong 320.000 tấn dalam thun 2022.

 Gah Y te dunya (WHO) khan lac ruak pandiak tabiak darah (SXH) saong dom ruak karei kayua arbovirus njom mbak ruak di jamoh, daok njom mbak samar jang saong prong jang dalam tuk BĐKH, tui nan kakei lac mbuan tamuh dom jit ruak di dunya. Urak ini, taong abih 129 taneh ia mbuan dang anak bruk tamuh jit ruak SXH, dalam nan hu 100 taneh hu jit ruak nan. Dom urang njom ruak tagok samar glong rilo mbang, meng labaih meteh trieu di thun 2000 tagok labaih 5,2 trieu di thun 2019.

Tui Jabat tui iek biến đổi khí hậu di Liên minh châu Âu (EU), bilan 3 meng blaoh lac bilan pandiak ka 2 di baoh taneh, dalam tuk ia patau di Nam Cực trun khang. Nhiệt độ dalam bilan 3 glaong jang tanut kuhria di Nam saong Trung Âu. Di rilo labik dalam bhum meng Bắc Phi, Tây Nam negar Nga, châu Á tal bhum Đông Bắc di Bắc Mỹ, Nam Mỹ, Australia saong bhum tapen tasik Nam Cực,langik tasik jeng pandiak jang rilo ngan haong tanut kuhria. Tapa pasang iek jeng mboh lac, mblang taneh hu ia patau di Nam Cực dalam bilan 3 bahrau blaoh di tanut biar ka 2 dalam 45 thun tapa, bier jang tanut kuhria rah tapa lac 28%.