Bo Tu lenh Bhum canh sat tathik bhum 3 pambuak haong TPHCM, Đồng Tháp, Vĩnh Long peih bruk pasang iek, duah thau dom bhum tathik, kaoh pulao jaik taneh thun 2025. Mbang pasang duah piah hu thau ka dom bhum tathik, kaoh pulao; gam haong pasang iek, duah thau dom kapal gilai ngak mbang di tathik ka bruk ngak tui hukum tathik; pathau khan pasang iek meng kapal gilai ngak tui hukum pacang caga, taong chap njauk tui hukum IUU; alin brei hala dok negar, pandap mbang ka urang nao tathik. Gam haong nan, alin pandap pakat uy, karja, dom baoh sang dalam sarak karja, anek saih kan kandah saong bhap bini di Côn Đảo.

Tỉnh Đồng Tháp hu 7 kaya pandap hu pok meyaom kaya kong nghiep palei pala siam abih pakat Negar. Piah danak dak mek hu siam lagaih, tukvak tapa, So Ngak nong saong Moi truong Dong Thap tacei ba UBND pakat xa peih bruk taong yaom, parabha kaya OCOP di tinh.  Njauk ndem tal, tinh hu yaih khan pambak praong, pambuak darak pasar pablei kaya OCOP tinh, daong bhum palei yaih khan, pablei salih, patagok darak pasar saong  pablei kaya nong di tinh.

Padai hacih pablei yaom 11.000 dong sa kilo, glong dua mbang dut saong padai karei. Yaom ini, mbang akaok meti urang hamu padai di Ca Mau hu laba glong dua mbang duk haong phun jien buh tame ngak. Ong Trần Văn Trung (phường Láng Tròn) hu jiak 2 hecta padai brah hacih khan lac ngak padai hacih oh kan, laba glong. Hu urang ngak mbang pablei salih blei yaom 11.000 dong sa kilo, min brei ngak njauk bruk ba tabiak, ong Trung gam rilo urang ngak nong di labik ini chreih chrai tame ngak. Ong khan lac: “Brei ngak taneh, tram pajaih, buh khan, pruh jru, yuak padai…min salih ka bruk bu khah hoa hoc ye brei buh khak huu co…taong abih hu urang ky su tacei pato.

Page harei 7 bilan 10, di mblang tathik  bãi Trước, Vũng Tàu, TPHCM, yaok rituh urang taha, rahra bhap bini peih gilai tabiak tathik ngak dom adat taduan raok Ong (Adat ngak yang Ong Nam Hải). Bruk nan oh lac piah bhap bini ngak mbang di tathik hadar bayar dhar phok Ong - po yang tathik chrong daong, bo daok lac bei mboh bruk daok miat miat ilamo bhap bini, bruk anit ranam jum pataom saong cakrok patagok bruk ngak mbang angaok tathik di bhap bini Vung Tau tapa dom rairah.

Pambak tal bruk 314 urang dauk tabiak truh Labik cakak matuy ka 2 di xã Mỹ Thuận, tỉnh An Giang di harei 5 bilan 10, mbiah tal ini daok 22 urang oh ka gilac mai veik Labik cakak matuy. Tui nan chap mek 9 urang pan akaok, ngak sraw labik daok bhap bini tuk duah thau, piah langyah njauk tui hukum. Urak ini, Kong an tinh patui bruk pasang iek, ngak brei cambaic laic, pacang khik urang saong radaih.

Rajaei Thai Lan brei peih phun jien bayar ka jaik 150.000 baoh sang gaok kan kandah kayua bruk mesruh gauk di labik tapen negar Campuchia. Dom baoh sang brei panduan ba nao labik karei meng 8 harei tagok hu bayar 5.000 Baht sa baoh sang, sumu labaih 150 USD. Dom baoh sang brei panduan ba takik abih labaih 7 harei, taduan hu jien bayar 2.000 Baht sa baoh sang, sumu labaih 60 USD.

Dalam tuk padeih Quoc khanh saong Trung thu dui atah 8 harei, meng harei 1-8/10, urang cai pandar dalam negar Trung Quoc blei biak rilo, ba tal Adit padeih Ameh hu pandar ralo abih dalam thun. Jien pablei le saong jien mbang menyum dalam 4 harei akok adit padeih  3,3% dut saong tukvak 2024. Dom urang ilamo mboh lac prein blei pandar bingun ini brei mboh hatai jia di bhap bini Trung Quoc, dalam tuk Bac Kinh daok jhul pakhang sarak pachreih urang blei, daong yaom saong peih praong danak dak salih pandap pandar yaom 300 ti jien Nhan dan te dalam thun ini.

Australia oh hu sa hukum halei ka umo thun padeih huu di urang ngak min kayua daka harei dak kan kandah di raidiuk, bhap bini taneh ia ini khin suai padeih hưu. Tui Jabat yaok kuhria Australia birau khan tabiak, umo thun padeih huu di urang likei di taneh ia ini lac umo 67 thun song urang kumei lac 65 thun. Urak ini urang ngak bruk hadei umo 70 thun dak harei dak rilo, njauk ndem tal dom bruk yau ke toan, ky su, luat su./.