Urak ini dalam negar hu labaih 2.500 bruk jak ba taong abih bhap bini khik palei negar salamat. Dom bruk gheih ngak brei mboh makna praong dalam bruk jak ba daong gauk, langyah ba siam veik sumu rilo mbang kamelah gauk, meblah gauk dalam bhap bini, pato pakai, daong ka urang oh hu lagaih. Tapa rilo bruk ngak di bhap bini dalam negar pambuak haong gah chuc nang cap mek labaih  6.500 urang nduac dauk, plaik kaoh tui hukum negar; jak ba urang ba mai bayar veik 9,5 triệu phao ndao, daong ka jaik 92.000 urang suan jalan yam tame bhap bini.

TPHCM padang ngak dua danak dak di danak dak ribaong Xuyen Tam atah jaik 9km, kuhria abih tih labaih 17 ribau ti dong. Danak ngak kan kandah  tal 2.200 baoh sang daok di quan Bình Thạnh dahlau diah. Yau nan ye, urang ngak praong di TPHCM caong khin pataom prein tame ngak bruk kham merat piah hu samar, ngak salah blaoh di  bilan 9 thun 2026. Danak dak caong khin takik ia dauk, khik hu siam labik daok saong hacih sa-at - jalan birau nao mai hu lagaih.

Tỉnh Cà Mau dang akok negar ka taneh raong kaya ikan dalam ia hu labaih 450.000 ha. Dalam nan, hu labaih 365.000 ha taneh raong ariang, mek hu aring  labaih 36.000 tấn sa thun. Yau nan min, Aring Cà Mau daok dang anak rilo bruk kan kandah, njauk ndem tal pajaih taha. Urak ini, bruk raong aring pajaih di Cà Mau oh ka hu lagaih, pajaih oh ka hu paglong kayua oh hu pasang iek aring maik ame. Bruk pandar aring amaik ame  oh ka tapa palih ruah  mbuan gaok pajaih jaik gauk.

Rilo jalan dalam ban Can Tho daok dang anak bruk khut tayak. Tui So Padang ngak Can Tho, kuhria rah tapa, bruk padar jien ramik pasiam jalan raya, jalan dalam tinh saong jalan ribaong kraong di ban thun 2026 labaih 700 ti dong. Likau brei hu ginup phun jien ginup, tui nan jhul pakhang dom danak dak praong, Ban Can Tho caong khin  brei ngak siam jalan mbak dalam dom thun anak tal, ngak pakajap jang  bruk patagok kinh te - xa hoi saong paglong raidiuk bhap bini. 

Parang iek kadha “ 50 thun salih birau bruk pato pakai: Caik veik dalam hatai bruk patagok harei hadei” di dalam bruk pahadar  50 thun pato megru di TPHCM, peih ngak page ini. Labaih 50 blah thaot binguk hu parang iek lac dalikan, tavak veik  dom bruk kham merat oh padeih di dom rai urang jakar ngak praong saong  gru pato bac. Tapa parang iek brei mboh bruk uan drei patagok dalam 50 thun brei mboh bruk kham merat di anek saih, gru pato di gah padang ngak TPHCM hu jeng pasak pato megru di bhum taneh.

Tong thong My Donald Trump khan brei thau negar ini brei ngak dahlau harak thi thuc ka dom urang hu harak ve iek World Cup 2026. Tong thong Trump iek  World Cup 2026 lac sa dalam dom danak dak hu makna vaktu mbang ka 2, tui nan lac bruk praong di var pahadar 250 thun Harei negar Mỹ. Tui ong, yai pakacah ba mai 30 ti USD saong ngak tabiak 200.000 bruk ngak di Mỹ lac ba World Cup jeng bruk ngak mbang kinh te praong oh karei hagait bruk padhih the thao.

Myanmar daok jhul pasamar bruk ramik caga ka bruk Tong tuyen cu kuhria di puac thun. Dahlau di nan, kapol nyaom palih ruah bang Shan peih tal pasram bruk palih ruah ka jaik 300 urang jakar, bhum palei. Gam haong nan, bhap bini ginup 18 thun lac sinh vien hu brei buh phieu aval. Dahlau di nan, Truyen thong Karja Myanmar khan lac, bruk palih ruah di taneh ia meda peih ngak tui tukvak piah khik hu salamat.

650.000 urang Philippines trun jalan cagar veik. Ralo urang angui cuh khan ao patih trun bak bein binguk Rizal saong dom jalan pho jaik nan gam haong panuac prew iew. Rilo baoh sang padang padai tuan saong ndih tapa melam cang trun jalan tal tuk padeih trun jalan, ngak ka sang bac, jabat ngak bruk saong rilo jalan di Manila kareih pabah mbang. Urang ndem puac rajakar rajaei, po pablei salih  padang ngak saong dom nghi si tathik piah jien yaok ribau ti USD ka dom danak dak pacang ia sua./.