Dom harei tapa, rilo jabat, kapul, gah ngak mbang pablei salih saong ta-eng menuac urang hu mai tal Uy mban Trung uong Mat tran Negar Viet Nam daong mikva dom tinh gah Barak pasiam kanjah jhak kayua ribuk ia sua. Tal tukvak ini, daok jien tut angan rik daong lac hu labaih 1.000 ty dong. Akaok Uy mban Trung uong Mat tran Negar Viet Nam Đỗ Văn Chiến caong khin tukvak anak tal, urang Viet yaom lac daok dalam negar atau langiu negar jeng patui veik patagok hatai anit ranam, yaok urang sa hatai rik daong piah mikva bhum ia sua hu truh tapa khan kandah, samar drah tani tanat raidiuk.

Anak bruk Campuchia tame sa labik ngak bruk pachot pagat online saong chap mek 8 bhap bini Viet Nam, urang Ba panuac di Mentri Ngoai giao Phạm Thu Hằng khan brei thau samar ba 33 bhap bini Viet Nam mai veik palei negar. Mentri Ngoai giao kham merat ndem biai haong dom taneh ia karei piah padang dom bruk pambuak piah paglong kein lagaih dalam bruk khik iek bhap bini saong merat pacang lagaih jang haong kol dius. Mentri Ngoai giao pachreih dom bhap bini Viet Nam juai nao tui dom panuac da-a lac bruk mbuan mbiah, jien bilan glong, plaik njiak bruk khat lahik.

So Pato Megru Ban raya Ho Chi Minh bahrau ba tabiak pato tacei pambuak tal bruk kak kajap bruk peih pato megru langiu tukvak bac. Tui nan, bruk peih dom bruk langiu tukvak di nyu brei ka hu bruk njauk hatai di amaik ame anek saih, gam haong nan anek saih brei hu halan tian nao bac. Daok gah asal kadha, bruk pato brei khik kajap hu lagaih, pagam haong dom jalan ngak, asal kadha pato megru cambaih laih saong njauk haong danak dak pato megru pho thong.

Tinh Doan Dong Thap birau peih bruk “Bhap bini bac pandar taka so” thun 2025. Tui nan, dom kapol “ Bhap bini bac pandar taka so” peih ngak rilo bruk siam gheih yau: Pasram pandar ung dung Tri tue nhan tao AI ka dom urang jakar, urang doan, kapol urang ranaih umo pandar ung dung AI dalam bruk bac da-a, ngak mbang. Gilang peih tai khoan piah bayar jien ka dom baoh sang pablei salih, pachreih bruk meyao meyit online, jhul pakhang bruk pandar taka so palei pala. Ngak taka “Leik so baoh sang” daong bhap bini thau labik, brei pasang ma QR saong taka so phone kong an Labik ini.

Pasak Kuhria pathau khan ka kraong ribaong pakat Negar: Tanut ia di akaok halau ia kraong Cuu Long brei salih suai saong tagok trun tui bruk ia ndik. Tal harei 20/10, tanut ia glaong abih dalam harei di angaok kraong Tiền di balai Tân Châu trun tanut 3,75m, angaok tanut njauk kakei dahlau ka 1 lac 0,25m; di dom balai ala halau ia kraong Cuu Long di tanut njauk kakei dahlau ka 1 - kakei dahlau ka 2. Mbuan rah tabiak bruk glut jaleih di dom labik dhaong biar, bhum tapen kraong di tinh An Giang, caga bruk glut jaleih ar kraong, ar pacang laman lamuac di bhum dauk ia.

AkAok Thuong vien Campuchia Samdech Techo Hun Sen harei 16/10 iew daong meng dom urang ayut sahabat pacang caga bruk kandah catang haong Thai Lan. Ong jeng brei mboh bruk ngak di Campuchia lac langyah bruk meriak gauk dalAm siam mekre salamat tui njauk hukum dunya, brei mboh bruk kham  merat saong tui ngak di Phnom Penh. Gam samar brei padeih cuh ba siam veik gilac di dua negar Campuchia saong Thái Lan.

Kongti Ndien luc Tokyo (TEPCO) hu pathau khan brei maong iek bruk padeih patruh Lò phản ứng ka 1 saong ka 2 di sang mac ndien hat nhan Kashiwazaki - Kariwa. Urak ini, 7 lò phan ung di sang mac jeng daok hu brei padeih ngak. TEPCO ndom lac, rahra bhum palei huac kanda ka bruk mbuan rah tabiak kan kandah hat nhan di sang mac hu tal 7 lò phan ung ini.

Dom urang di Nghi vien chau Au (EP) eiw da-a ngak catang dom asar kadha piah khik caga uranaih haong internet, dalam nan hu brei uranaih umo 16 thun brei pandar mang xa hoi saong dom ung dung tri tue nhan tao AI. Urak ini, chau Au  daok  padang ngak dom bruk piah khik caga hu siam jang ka dom uranaih oh ka jeng dam dara dalam tuk dak harei dak hu rilo haduh hatai di kong nghe online oh siam ka prein yawa uranaih.