Mentri LĐ – TB saong XH khan lac, kuhria tal abih bilan 11 meng blaoh dalam negar hu jaik 2,1 trieu urang hu blei BHXH tui hatai caong khin, tagok jiak 46% dut tukvak ini thun dahlau. Piah pachreih urang blei BHXH nan, Mentri LĐTB-XH daok padang ngak dự thảo sarak cambaic laic ka Hukum BHXH. Dự thảo hu ba tabiak 2 jalan daong daong BHXH ka dom urang hu blei BHXH tui hatai caong, piah pachreih urang ngak tui sarak ini. Dalam nan Du thao hu pabak urang bangsa takik tame sarak brei daong 30%, dalam tuk nan dom nyaom karei hu daong meng 10 tagok 20%.

Meng bruk jak ba hu ralo gah, yau nan ye dalam thun ni, dalam tinh Soc Trang hu patrun labaih 4.000 baoh sang kathaot saong labaih baong sang jaik kathaot. Dom pakat dom gah dalam tinh hu daong padak padang 1.200 baoh sang ka manuac kathaot, kan kandah kuhria abih tih jien labaih 60 ty dong. Tui nan daong sang daok ka ngaok 1.000 baoh sang ka mikva bangsa takik. Dalam thun, tinh hu duah bruk ngak ka labaih 32 rabau urang ngak bruk. Tinh Soc Trang caong khin dalam thun 2025, patrun takik baoh sang kuhria rah tapa 0,1% sa thun. Ngak pabak 100% tunut brei oh daok baoh sang taik tahak ngaok bhum palei.

Bilan Thu Đông 2024, dalam bhum ĐBSCL trun pajaih labaih 700.000 hecta saong daok tame tuk yuak padai. Urak ini  urang ngak hamu di bhum ĐBSCL biak chreih  chrai yuak hu padai pablei hu jien. Abih di nyu lac, angaok mblang hamu  ngak padai tui jalan asar brak bingi siam hacih, takik tathuak nerak, mikva daok hu urang blei veik padai ngan haong yaom glong. Yaom padai  di bhum ĐBSCL meng 8.500 – 12.500 đồng sa kilo, tagok meng 200 -300 đồng dut haong  adit dahlau di nan. Asar padai brah hu siam tagok veik saong pablei tabiak darak pasar hu lagaih lac dom bruk patagok yaom pablei glong.

Mikva urang raong hadang dalam tinh Tien Giang biak chreih bui sambai tuk yaom hadang thẻ glaong abih di ralo thun tapa. Yaom hadang pablei meng 170 – 225 rabau ndong/sa kik tui pajaih. Tui yaom pablei ni yaok sa kik hadang thẻ mikva mek jien laba tal 50%. Abih tỉnh Tiền Giang hu yaom 4.800 ha labiak ia raong hadang. Caik dalam hatai abih nan mikva hu raong parang praong labaih 300 ha raong hadaang tui thaik ngak cong nghe glaong, mablah 15% kuhria abih taneh raong hadang dalam tỉnh.

Meng akaok bilan 12 mbiah tal ini, dom urang njauk ruak tagok baoh sởi di dom tỉnh, ban gah Meraong negar tagok khang saong oh ka mboh padeih. Tui yaok kuhria di  Viện Pasteur Ban raya Ho Chi Minh, meng akok thun mbiah tal ini, 20 tỉnh, ban gah Meraong negar hu 19.000 mbang urang ruak. Urang ruak sởi ralo abih lac nyaom uranaih umo meng 1 tal 10 thun. Urak ini, ruak sởi daok tagok samar di rilo bhum palei ngan haong 46 sruh jit ruak. Dalam nan, Dong Nai, Binh Duong saong Ban raya Ho Chi Minh lac 3 tinh, ban hu urang njom ruak sởi glong abih.

Rajaei Nhat Ban bahrau  pok harak tagok Quốc hội sa danak dak hukum pariak pabak ka thun jien padai urak ni tagok jaik 14 rabau tỷ yen (pagap labaih 92,6 ty USD), piah daong dom jalan ngak kinh te bahrau. Rajaei Nhat Ban ba tabiak jalan khin ngak nan brei tapa danak dak hukum pariak pabak tame puac thun ni. Min, dalam tuk kapul pambuak pajum daok khik nagar đảng Dân chủ Tự do saong đảng Công Minh ye lihik ralo blah phieu di Quoc hoi, jang hu iek tapa dom taka pariak pabak ni biak kan kandah.

Thái Lan pacang labaih 4,8 trieu mbang pachot pagat online meng bruk pambuak haong dom kong ty kong nghe dunya saong dom jalan pacang caga an ninh  taka so birau. Tui Mentri  Kinh te saong Xa hoi taka So Thai Lan, meng bilan 4 mbiah tal ini, taneh ia ini pambuak haong Google peih ngak Google Play Protect, daong pacang hu bruk  pagam  dom ung dung  jhak atau mbuan gaok pachot pagat di mac pandar Android. Dom harak pathau khan ralo pambuak tal dom bruk yau : pablei pandap atau  jitvu pachot pagat; pagat duah  bruk ngak; buh jien tame atau  duah jien tame; payua jien piah taduan yai thuong; brei mesre pagat …

Tong thong My bahrau Donald Trump hu tacei tabiak dom tanut praong tui sarak bo ong khin ngak hadei di tuk tagok pan nagar di harei 20/1 anak tal. Tui nan, ong Donald Trump caik hatai dahlau abih nan urang tame nagar, kareik bambang tapen nagar My - Mexico saong tiak ralo triệu urang daok dalam nagar My suan hukum. Tui nan jang cati catang bruk oh cakak patrun dom danak pasiam gheih rah ra yau Mediacare saong bao hiem xa hoi.