Mentri Kong an bahrau peih padang 16 baoh sang daok ka dom baoh sang rahra njauk jaleih kayua ribuk ka 13 saong njauk ia dauk di xa Xuân Lãnh, tinh Dak Lak, daok di xa Xuân Lãnh, huyen Đồng Xuân, tinh Phu Yen klak. Yaok labik hu yaom 110 trieu dong. Bingun ini, Mentri Kong an jeng alin hidiah 80 tan brah saong rilo ndap nda kaya daong rahra pasiam kan kandah hadei bala. Dom ndap nda alin lac di bruk klah rabha meng hatai anit ranam di kapul Kong an rahra brei ka rahra bhum ia sua, daong pasiam hatai di bol lin rahra saong daong mikva samar tani tanat raidiuk, sahnang hatai ngak mbang.

Mentri Y te peih bruk taduan 20 tấn jru ngak pahacih dalam nan hu 10 tan Vi Chlorine saong 10 tấn Chloramin B kayua Kapol Hoa chat Việt Nam alin, piah daong ka dom bhum kreh Negar saong Tay Nguyen pasiam bruk hadei hajan ribuk, ngak hacih moi truong, pacang caga jit ruak. Lambaok vakil Kapol Hoa chat Viet Nam khan lac, daong ka bhap bini tuk halei jeng lac sa dalam bruk cakrok patagok khang kajap di doanh nghiep.

Bao hiem rahra tinh Gia Lai bahrau jao alin 1.000 kat bao hiem y te ka urang baoh sang kan kandah oh ka blei bao hiem y te di dom phuong dalam tinh Binh Dinh klak. Dahlau nan, Bao hiem rahra Gia Lai jeng pambuak haong dom urang ngak pahla jao alin 1.000 kat bao hiem y te ka rahra kan kandah xa Ia Krái saong alin hadiah 30 kat bao hiem y te gam haong 30 paok kaya alin ka dom baoh sang xa Tuy Phước. Bruk ini piah sangka prein yava ka mikva siam jang tuk Tet Nguyen dan daok mai jaik.

Urak ini, yaom durien di dom tinh ĐBSCL daok tagok. Dut haong puac bilan 10, yaom durian Dona tagok tal 25.000 dong kilo. Yam ndoc sa HTX gah durian di tinh Vinh Long khan lac yaom durian Ri6 blei baoh di bein yaom meng 58.000 -62.000 dong sa kilo; dirian Monthong 80.000 dong sa kilo. Yaom lac yaom tagok min jien buh tame ngaK brei tabiak baoh karei bilan glong meng 2 tal 3 mbang  yau nan ye urang pala oh bui hatai. Ong Nguyễn Văn Mười, Pho Tong thư ký Kapol nyaom Njam patam baoh kayau Việt Nam khan lac, hu biak takik durian yau nan ye yaom pablei glong.

# Tinh Ca Mau ba tabiak jalan ngak salih khang tapa pablei tabiak negar langiu saong patagok majam yaom kaom karo kajap piah patagok gah aring. Dalam nan pataom tame daong, pachreih dom bruk pambuak ngak bruk – pablei tabiak, hop tac xa bahrau saong pambuak 4 sang; pambuak haong dom jabat lambaok gah pablei salih Viet Nam di negar langiu peih dom danak dak pambuak pablei salih, pablei tabiak kaya dalam ia, dalam nan aring Ca Mau lac kaya pasak…Ca Mau hu labaih 360.000ha danao raong aring pablak haong hadang, mek hu kuhria rah tapa lhu labaih 360.000 tan/thun, rik daong bruk daok dang mbang ngui tani tanat ka yaok pluh ribau baoh sang tapen tasik.

Rajaei Myanmar brei an xa ka labaih 8.600 urang dahlau tukvak jaik Peih bruk palih ruah rajaei. Dom sang guk brei peih palao ka dom urang. Tui Cục Khik iek Sang guk bhum Mandalay, bruk an xa hu ngak njauk tui sarak piah khik ka dom cu tri hu ginup kadha ba tabiak nao buh phieu palih ruah, piah ngak hu siam tapak hatai, rilo gah. Gah chuc nang jeng hu daong kaya mbang saong jien nao mai ka dom urang guk birau hu brei tabiak.

Jit kum di Trung Quoc daok yam tame tukvak pambak khang. Njauk caik hatai sangka, dom uranaih ala 14 thun njauk ruak kum glaong jang rilo dut haong dom kapul thun umo karei. Piah patakik jit kum pambak, rilo labik pato megru brei ka anek saih padeih bac. Dom urang ilamo gah y te pachreih kakei rahra brei klauk jru caga kum samar drah, kayua vaccine jeng ba mai siam lagaih tuk bilan kum daok di tukvak tabung glaong. Dom urang mboh ruak yau kum atau urang siam ruak kayua njauk ruak kum dahlau nan jeng meda hu klauk vaccine caga ruak.

Du lieu di labaih 2 trieu urang di Kapol nyaom kaya mbang menyum Asahi di Nhat Ban meda mblo tabiak dalam mbang ngak lahik mang di bilan 9 meng blaoh. Akok chu tich gam Yam ndoc dieu hanh Kapol nyaom kaya mbang menyum Asahi Group Holdings Ltd. di Nhật Bản ba tabiak likau duis ka bruk ngak mblo tabiak du lieu nan. Gam haong nan bruk ngak lahik mang ba tal klaih klaoh trak, Kapol ini brei padeih rilo ribuk hu makna praong yau langyah harak pambuak bruk, taduan saong bayar kaya kan saong jitvu daong ka tuai damuai./.