Page ini 29/9, Nyaom biai urang Quoc hoi ngak bruk chuyen trach mbang ka 1, mbang 16 ginum biai ka dom danak dak harak gal karja, hukum, hu dom danak dak  hukum: Mejam hukum Hinh su (pasiam); Hukum Jabat pasang iek hinh su (pasiam veik); Mejam hukum Tố tụng hình sự (pasiam); Hukum Langyah bruk ngak suan harak gal (pasiam). Dahlau di nan, harei kabroi, njauk brei hu sa bruk ngak cambaic laic ka yaom jien ndien, dalam nan hu urang buh jien tame ngak brei njauk mek jien, don vi ndien brei paglong bruk ngak, daok bhap bini khik iek anak dom bruk abih jien oh njauk.  

Du thao di Mentri Pato megru ka bruk pakacah dua mon Toan saong Ngu van tame tal bac 10, ralo anek saih, amaik ame di TP.HCM haduh hatai. Dalam tuk TP.HCM daok peih ngak danak dak ba sap Anh tame bahasa ka dua dalam sang bac. Tui ong  Nguyễn Long Giao, Akaok Sang  THCS Bình An (phường Bình Đông, quận 8 dahlau), meyah oh pakacah, bruk caik tukvak bac sap Anh gaok kan kandah. Brei pasang iek bruk karei di dom ban praong yau Ban raya HCM, kayua meyah oh pakacah  meda ngak kan kandah tal bruk bac meng akaok pakat bac, njauk ndem tak mon Anh.

Kong an ban Can Tho birau padang Kalup Hatai jia taka so Can Tho. Kong nan ban raya caong takre yaok urang lac “ sa mbaih truai”, pasang hadah hatai hatian salut mbut saong jalan diuk rai iek praong hukum angaok mang. Urang ngak praong di Can Tho caong khin Kalup kapol pataom tame dom asar kadha yau bruk samar thau, pacang caga bruk pachot pagat online; khik khaw tin di drei; thau ka khaw tin ja, khaw tin suan; khik caga uranaih angaok mang; pandar mang xa hoi siam mekre salamat, ilimo saong pandar tri tue nhan tao njauk bruk.

Meng akaok thun tal ini, TPHCM hu labaih 101.000 urang brei taong ruak dahlau kayua hu meyao, athau kaik, hu 6 urang ruak meruai blaoh metai. Tapa pasang iek, taong abih dom urang metai nan oh hu klauk jru vaccine atau jru ruak tui bhap bini. Ruak meruai mbuan metai ralo tuk mboh jaik yau rauk, min meda caga dahlau hu meyah bhap bini  ngak njauk saong hu klauk jru vaccine dil sumu.

Jabat Kong an birau kakei bruk pachot pagat lac hu alin iPhone 18 Pro Max. Sa dalam dom bruk njauk caik hatai  lac brei payua jien dahlau. Dom urang nan khan lac jien pajeng ba, jien ngak harak gal, jien je atau jien mbaoh tangin. Hadei tuk payua jien akaok meti, kol nyu ba tabiak dom bruk  karei  piah urang payua jien tame. Kong an kakei bhap bini  juai samar jia panuac di urang oh bhian randap, juai tame link karei saong oh mbat trun ung dung oh thau tantu; oh payua jien piah taduan pandap oh ka thau danak dak hu atau oh.

Tong thong My Donald Trump kuhria caga taom mbaok urang ngak praong di dom doanh nghiep kong nghe piah duah labik ngak brei sumu  bruk salih birau hadah krah saong tui iek gah tri tue nhan tao (AI). Bruk ndem meyai nao mai dalam tuk Tong thong Mỹ trun takik huac kanda AI pandar ralo ngak kan kandah anek menuac. Dom doanh nghiep AI hu panuac da-a brei ngak tabiak takik AI dalam tuk daok huac kadah ka dom gah dak harei dak naih joi.

Lien minh chau Au (EU) daok pakauk uranaih umo ala 13 thun pandar mang XH. Daok dom uranaih umo meng 13 tal ala 15 thun, dom adei brei pandar dom “tai khoan sit” kayua amaik ame atau urang raong ba peih brei saong tui iek, ngan haong bruk khik caga nan sang tuk vak pandar takik jang sa mon dalam sa harei. Dom uranaih umo 15 tal 18 thun, dom kong nghe ngak brei ka urang pandar hu siam lagaih.

Dom urang njom ruak Ebola di Congo tapa 8.000 mbang, dalam nan hu jaik 50% urang metai. Gah Y te Dunya (WHO) kakei dahlau urang metai, njauk ndem tal dom urang metai dalam bhap bini, brei mbih jit ruak biak trak saong dom bruk duah mboh aval, jeng yau hu jru ruak samar dahlau. Tui WHO, Congo daok dang anak bruk kurang jakar y te. Bruk suai atau oh hu bayar jien bilan gam mbuan njom ruak ba tal urang y te padeih oh ngak bruk./.