Peih “Danak dak Quang Trung” samar drah padang veik, ramik pasiam sang daok ka dom ndap nda kaya khat lahik tapa dom mbang ribuk, ia sua di bhum Kreh negar, Mentri Quoc phong hu jak ba jaik 250.000 mbang urang jakar, bol lin, bol lin rahra ta-eng pacang khik saong jaik 9.000 mbang radaih rilo janih; Mentri Kong an hu jak ba labaih 11.000 mbang urang jakar, bol lin; rilo mentri, rilo gah, kapul dunya, dai su quan, gah ngak mbang pablei salih. Thu tuong Rajaei ndom khang lac, “Danak dak Quang Trung” lac jalan ngak hu makna siam mekre glaong, ieu da-a dom pakat, dom gah, dom bhum palei, kapul, menuac urang, gah ngak mbang pablei salih patui veuk ngak tui, jhul samar tukvak ngak samar jang veik, kham merat salah blaoh anak harei 15/1 anak tal.  

Tinh Tay Ninh patui veik bruk pachreih urang buh jien tame ngak mbang di thun 2025 kinh te tinh patagok  GRDP mek hu 9,25%, dang dhi 8 dalam 34 tinh, ban; bruk ngak kinh te dang dhi 9 dalam negar saong dang Top 10 di bhum palei rik tame ngak brei patagok kinh te taneh ia. Bruk nan brei mboh Tay Ninh daok brei mboh labik dang birau di bhum gah meraong Negar. Tapa thun 2026, hu lagaih ka bruk ngak mbang patagok kinh te bhum taneh Dong - Tay, pambuak bruk pablei salih Viet Nam - Campuchia, gam salih bruk ngak sinh thai nang luong pandar veik, Tay Ninh paglong prein khang pachreih urang buh jien tame  ngak mbang di negar.

Urak ini dom gah ngak mbang pablei salih, hop tac xa saong rahra dalam tinh Dong Thap hu cih tabiak jalan khik piah ndap nda kaya njauk hu pabak hatai caong pandar di rahra dalam tukvak tabung glaong Tet nethak Asaih Waw 2026. Tui nan, hu 26 darak pasar praong, 4 pasak pablei salih, 138 majam tadai kuan lagaih, 20 gah ngak mbang pablei salih, hop tac xa saong 2 darak ngak mbang, pablei salih dom ndap nda kaya njauk hu tut angan khi piah, sanya, pabak kaya haong yaom lagaih haong taong abih yaom kaom labaih 600 ty dong. Gah karja tinh Dong Thap pachreih dom gah ngak mbang pablei salih pablei kaya biar jang takik abih 5% dut saong yaom kaom darak pasar di tukvak tut angan.

UB Mat tran negar Viet Nam TPHCM peih bruk pakacah pala phun kayau hijao  di bhum palei vaktu thun 2025-2030 saong dalam thun 2026. Tui nan, 168 xã, phuong, dac khu saong dom urang di UB Mat tran negar Viet Nam ban raya tut angan pala 1,8 trieu phun kayau dalam vaktu saong 384.000 phun kayau hijao dalam thun 2026.

Kapul pambuak Ngak bruk tinh Dong Nai kuhria alin hidiah labaih 74.000 paok pandap ka urang ngak bruk gaok kan kandah, gaok bala atau njauk ruak kan si taong ruak dalam bingun Tet Nguyen dan. Dalam nan pataom tame dom asal kadha yau ye “Mbang radaih Tet”, “Tet jum pataom” saong “Var huak Tet jum pataom” piah sangka ka urang ngak bruk. Danak dak “Mbang radaih bal Pataih” thun ini, Dong Nai brei daong labaih 2.000 harak ve radaih oh mek jien nao bhum Barak, bhum Kreh, Tay Nguyen, gam haong labaih 600 harak ve radaih apui saong ahaok par. Ini hu maong yau lac jalan “khik apui” hu makna, daong urang ngak bruk sahnang hatai pagam haong bruk saong ngak hu rilo bruk lagaih dalam thun bahrau 2026.

BCH Trung uong Dang Bhap bini cach mang Lào mbang XII palih ruah ong Thongloun Sisoulith ngak Tong Bi thu BCH Trung uong Dang Bhap bini cach mang Lào vaktu ka 2. Tong Bi thu, Po negar Lào  Thongloun Sisoulith brei mboh BCH Trung uong kham merat peih ngak sarak Nyaom roya XII, ong iew taong abih urang Ndang, bhap bini saong taong abih bol lin saong taong abih bhap bini jum pataom gam BCH Trung uong  peih ngak hu jak jeng bruk padang ngak saong khik caga Taneh ia Lào.

Quoc hoi My daok jhul tagok sa hukum taong bhat bahrau, brei taong jien je tagok tal 500% ngan haong dom negar patui veik blei menyek, thak cuh apui atau uranium di Nga, dalam nan danei abih lac hu An Do. Urak ini, menyek di Nga meblah labaih 30% taong abih menyek blei tame negar di An Do, hu makna daong kinh te khik tani tanat kein lagaih patagok dalam bruk kinh te dalam dunya hu rilo bruk trun tagok. Min, meyah tanut jien je 500% hu brei pandar, ngak pambuak tal taong abih dom gah di An Do.

Meng harei 8 bilan 1, dom mang xa hoi di negar Anh brei pacang hu payua thaot binguk kanjak meyah oh hu urang brei adat. Hukum An toan Online birau ba tabiak caong khin mek Internet jeng labik salamat saong iek praong jang, abih di nyu lac urang kumei saong uranaih kumei. Hukum nan piah langyah bruk haduh hatai dalam 3 urang kumei di Anh ye hu 1 urang hu thaok binguk ba tagok mang. Ini lac kadha ka bruk ngak di dom nen tang kong nghe piah khik ka urang pandar./.