Kuhria tal harei ini hu labaih 1.900 baoh sang di Khánh Hòa, Lâm Đồng, Gia Lai, Đắk Lắk jaleih kayua ribuk ia sua. Piah caga patui bruk pacang caga bala meng langik tasik Thu tuong Rajaei iew dahlau Tet thun birau brei ngak salah bruk padang sang daok ka bhap bini. Rajaei jeng kham merat daong 1.100 ti dong ka 4 bhum palei  piah pasiam bruk khat lahik. Dalam nan Khanh Hoa 150 ti dong, Lam Dong 300 ti dong, Gia Lai 150 ti dong, Dak Lak 500 ti dong.

TPHCM jak ba taong abih gah daong ka Khanh Hoa hadei ribuk. Dalam nan, sa kapol gru jru nan lac 50 urang di Kapol Gru jru ranaih umo TPHCM hu tame dom labik dauk dalam ia di Nha Trang, Diên Khánh, Khánh Vĩnh; mbiah tal ini jaik 800 urang  hu iek ruak, tacei pato khik prein yawa, brei jru oh abih jien. Gam haong nan, gah chuc nang daok peih dom ging tahaneh mbang , pabak 10.000- 12.000  paok lisei dalam sa harei piah duh ka bhap bini dom xã phuong gaok kan kandah saong bol lin daong.

Urak ini, bein thanh long di tinh Dong Thap tame ngak brei baoh karei bilan.  Tukwak ini, thanh lonh janih ka 1 labaih 30 ribau dong sa kilo, tagok dua mbang dut saong  bilan dahlau. Po bein thanh long daok kham merat tui iek bein yau: buh khak, pruh jru caga halak pambak ruak; gam kuhria brei pagam dien tame piah ngak brei tabiak baoh njauk tuk Tet. Tui dom po bein pala thanh long karei bilan, brei rilo baoh saong yaom glong jang bilan lagaih; abih di nyu dahlau saong hadei tet thun birau, baoh thanh long pablei hu ralo.

Hadei sa thun kuhria meng harei jabat chuc nang khan brei thau, po kapal gilai oh ngak tui harak tut ngan gilai ikan saong harak adat brei nao tathik ngak mbang brei lahik angan, urak ini tinh An Giang hu 188 gilai atah abih meng 12 m tagok brei lahik angan. Piah ngak siam bruk khik ramik gilai ikan, jalan langyah  pasiam dom bruk kakei “ pakat the kanyik katam”, So Ngak nong saong Moi truong tinh An Giang iew dom po gilai pambuak haong dom jabat chuc nang piah pamong tal bruk tacei pato ngak harak gal tut angan gilac.

Rija roya  Kong chieng Đông Nam Á thun 2025 kayua tinh Lam Dong peih ngak rah tabiak meng harei 18/12/2025. Ngan haong kadha “ Yawa pling Drap ar – Pambuak pagam harei anak tal”, brei mboh bruk siam abih di Harei roya lac melam  “ Alat ragam kong chieng Dong Nam A”, pataom dom uerang nghe nhan mai meng tinh: Gia Lai, Đắk Lắk, Quảng Ngãi, Phú Thọ, Lâm Đồng gam 5 kapol dunya mai meng negar Campuchia, Lào, Malaysia, Indonesia saong Thái Lan. Rija roya pataom labaih 200 urang nghe nhan, urang daok tamia, sanya ngak brei melam alat ragam biak gheih mekre hu angan je dalam dom taneh ia jaik taphia.

Bol lin Thai Lan birau ini khan lac, mesruh metak di bol lin Myanmar saong dom kapol bol lin jiak bhum taphia negar haong Thai Lan cuh siu phao tapa bhum taneh di Thai Lan. Rilo sang danaok saong radaih drap ar di rahra Thai Lan daok jaik labik taphia negar khut tayak. Anak bruk oh njauk hatai, bol lin Thai Lan ba tal bruk cuh phao brei caga dahlau. Bol lin Thái Lan brei caga meyah hu tame taneh di Thai Lan saong mbuan rah tabiak bala ka bhap bini.

Akaok COP30 Brazil birau jhul pakhang bruk brei tapa sarak ginum biai, dalam nan pakhang bruk daong jien padai ka dom taneh ia kathaot gaok kan knadah kayua langik salih karei. Uy vien langik tathik EU, ong Wopke Hoekstra khan lac ngak njauk meng nan hu daong ka dom taneh ia kathaot samar. Dom bruk hagait khol dahlak daok ngak  biak njauk piah daong ka urang, pabak jien padai. EU caong khin ngak hu rilo bruk praong jang.

Harak pathau khan di LHQ ka adat anek manuac Mỹ klak dom adat pakauk bruk  ngak mbang haong Cuba, kayua kan kandah dalam bruk ngak mbang pablei salih saong jien padai suai lavik ba tal kan kandah rilo gah, meng bruk pato pakai tal khik ginup kaya mbang, iek glang prein yawa di kaoh pulao Ca-ri-bê. Bruk sraw kadau gah kinh te ba tal gah dulich Cuba palai pajua  saong kurang kaya mbang, menyek xang saong jru taong ruak./.