Peih ngak tui jalan sahaneng “ Hadar bayar dhar phol”, pahadar 76 thun Harei Thuong binh - Liet si (27-7-1947 – 27-7-2023), tỉnh Bến Tre brei padang ralo kapol urang jakar mai rivang saong alin hadiah pandap ka dom baoh sang dalam sarak karja, urang naih gheih hu buh prein tame ngak bruk daong ka taneh ia dalam tỉnh. Di yaok baoh sang sarak, kapol urang jakar hu alin hadiah sa paok pandap dalam nan hu 1,5 trieu đồng jien mbaok saong 1 paok pandap yaom 500 ribau đồng. Urak ini, dalam tỉnh hu 73 baoh sang hu buh prein yawa tame daong ka taneh ia daok kathaot hu bhum palei patui daong , piah samar tani tanat raidiuk.

Di tỉnh Ninh Thuận dalam thun bac meng blaoh, bahrau hu 22% dom uranaih mầm non tame bac, biar jang duk haong kuhria rah tapa dalam taneh ia lac 30%; bruk anek saih bangsa takik, anek saih bhum biak kan kandah klaak bac daok hu biak rilo. Dalam tỉnh hu 170 labik sang bac sit, pandap panda oh ka ginup, kurang bilik bac, kurang jaman, ging mbang, gilang tapuk…jeng daok kurang ... Anak bruk ini, Ninh Thuận hu pok panuac tagok Mintri Kế hoạch saong Đầu tư daong kadung jien karja piah tỉnh peih ngak hu siam bruk rami ramik veik labik pato pakai.

Mban Bangsa Ban Cần Thơ birau peih Nyaom biai pathau khan sarak hukum karja ka labaih 250 Urang hu angan je. Dalam 3 harei, Urang hu angan je hu pang dom  asar kadha hu makna praong dalam ka hukum hu brei tapa di Mbang nyaom  ka 5 QH mbang XV. Nyaom biai nan lac piah Urang hu ngan je hu thau, brei pabak dom jalan tacei ba, sarak di Đảng, hukum di Karja  ka gah bruk bangsa; bruk patagok KT, Ilamu -XH di ban saong bruk an ninh chính trị, salamat XH dalam Ban.

Meng akaok thun tal ini, tỉnh Bạc Liêu hu labaih 500 uranaih njauk ruak tangin takai cambuai, takik jang duk haong tukvak ini thun blaoh. Min meng bilan 5 tal ini, dom urang ruak daok tagok, hu urang metai. Anak bruk kan kandah di ruak, Pasak pasang iek ruak kik tỉnh Bạc Liêu hu panuac kakei, tuk mboh uranaih kan daok, preo hia, pandiak glaong saong bhian tatuak drei, nan lac dom kadha brei thau dahlau ka ruak tangin takai cambuai.

Kayua ribuk ka 1, dom harei tapa dalam ban Phú Quốc gam gam hu hajan praong dui atah ngak brei dauk ia di ralo labik. Rilo baoh sang bhap bini njauk pacang cakak kayua hajan ia sua, bhum taneh praong  duah dalam ia. Di labik  mbon ceik hu bruk ia sua ba theik athur raong, manuk ada saong drap ar di bhap bini. Anak bruk nan, jaik 100 urang jakar, urang lin saong karja palei hu nao daong, panduan ba mikva urang taha saong uranaih nao tal labik salamat.

Australia bahrau tabiak mbaok bảng điều khiển dom tanut an sinh negar piah dut iek bruk cakrok patagok di dom gah yau y tế, pato megru saong môi trường. Bảng điều khiển meda tui iek dom chỉ số tui 5 janih taong yaom lac: siam mekre, salamat, khang kajap, pambuak gauk saong ginup meda – meda hu maong iek angaok bảng điều khiển tapak saong meda hu cập nhật yaok thun. Công cụ bahrau meda daong langyah dom suh sah di rahra tuk dom bruk xã hội saong kinh tế di rajaei meda hu bruk meriak gauk.

Thủ tuong Israel birau brei thau, dalam mbang buh phieu peih ngak di harei Some anak tal, dom urang ngak hukum meda brei tapa binah akaok meti di bruk ramik pasiam praong hukum, piah pacang cakak tòa án atah klak dom bruk ba tabiak  atau brei ba urang tame ngak bruk rajaei bo gah tòa án mboh lac oh njauk. Hadei di tuk thau hu bruk nan, yaok pluh ribau urang tabiak jalan ban Tel Aviv saong rilo labik karei di dalam taneh ia  piah cagar veik bruk nan.

Karja Indonesia bahrau cap khik 12 urang, lac cảnh sát saong menuac ngak di gah xuất nhập cảnh, kayua gam tal bruk ba 122 urang tal Campuchia piah pablei thận. Dom urang ini gaok tal duas pilih ruah menuac dalam Indonesia tapa mạng xã hội saong ba tal Campuchia piah blac raih mek thận. Dom urang nan hu sanya bayar 135 triệu rupiah (lac 9.009 USD.