Page ini 15/10, le vieng, ndam padhi saong ba nao dar 120 atau talang liet si di Kubo liet si Ban Can Tho. Dom atau talang liet si hu duah mboh, pataom di xã Đông Phước saong xã Thới Lai. Hu mbaok di dom urang ngak praong dalam negar, Mentri Quoc phong, Quan khu 9, Ban Can Thơ. Labaih 800 urang jakar, urang lin, urang doan, dam dara hu mbaok tame. Bruk duah pataom atau talang liet si tui hatai caong di gauk gar, baoh sang liet si saong brei mboh bruk ngak di dom pakat karja, dom gah dalam bruk bayar dhar phol.

Harei kabroi 14/10, Mentri Ngak nong saong Alam moi truong pambuak haong UBND tinh Dak Lak saong Kadung jien Uranaih LHQ (UNICEF) alin brei kuang padang ia  pandar ka bhap bini di dom xa pak Dak Lak, piah kuhria caga ka bruk kurang ia pandar kayua kangik El Nino. Dalam mbang ini, UNICEF daong 450 kuang ia yaok baoh padang hu 1.000 lit ka bhap bini di 3 xã Ea Phê, Cư Pui saong Krông Pắk, tỉnh Đắk Lắk. Urang hu daong lac dom baoh sang kurang ia hacih  piah pandar, njauk ndem tal ia taneh mbang, ia menyum. Danak dak brei daong ka baoh sang urang kathaot, jaik kathaot, baoh kayua kumei ngak po saong uranaih, njauk ndem tal uranaih joh jo.

UBND Ban Dong Nai pabak 16 sruh radaih buyt pambuak mblang kapal ahaok Long Thanh haong dom bhum palei dalam saong langiu ban raya. Hu 5 sruh peih dalam tinh saong 11 sruh peih nao dom tinh karei, rik daong peih praong bruk nao tame mblang kapal ahaok meng radaih buyt tuk mblang kapal haok ba tame ngak bruk. 5 sruh radaih buyt dalam tinh pambuak mblang kapal ahaok Long Thành mai meng: phường Bình Phước, Labik rivang sarah ceik Chứa Chan, phường Tân Phú, Mblang radaih Biên Hòa saong kapal gilai tapen kraong Cát Lái, phường Nhơn Trạch. (VOV)

So Y te TPHCM khan brei thau,  danak dak dut iek prein yawa ka bhap bini hu labaih 6 trieu mbang iek ruak, kuhria mboh jiak 5,4 trieu urang hu harak ho so suc khoe dien tu. Dữ liệu camereip hu daong  gah y te duah thau ka dom prein yawa tui nyaom umo saong  thau ka ruak dahlau dalam rup. Tukvak anak tal, gah y te TPHCM brei ba tame du lieu saong patagok cong cu langyah  piah daong balai y te  tui iek prein yawa bhap bini khik iek ruak oh brei nyom mbak, tacei ba kuhria caga saong pambuak sang iek ruak tuk khin hu.

TPHCM cakak jalan dalam tukvak katut panak  di labik padang ngak tatua nao tabak tapa kraong  Bai Gon  dalam dom harei 19, 21 saong 22/10 piah pagam, ngak tabung me-om. Meng ini tal harei 7/12/2026, labik padang ngak hu parabha jalan nao gam hu gom kakei dahlau ka jalan angaok kraong. So Padang ngak TPHCM caong khin peih kapal gilai nao labik ini njauk brei ngak tui tacei ba, piah hu salamad siam mekre.

Mentri Jien padai Mỹ iew Gilang pariak Bank of America (BoA), kak jien phat  1,2 ti dola kayua dom bruk ngak suan pambuak  tal rao jien saong bruk taong phat. Ini lac jien taong phat praong ka 3 dalam sajarah dakrai di jabat ini. Dalam taong abih jien nan, BoA bayar 750 trieu USD ka Jabat Pasang iek Jien padai, jien taong phat praong abih bo jabat  ini bhian ngak tui. Akok Mentri Jien padai Mỹ Scott Bessent bruk nan yau payua tui dom kadha  cambaic laic lac sarak jien padai praong abih jeng oh tapa langiu hukum.

Rajaei Indonesia ba tabiak bruk pakauk pablei baoh hadang hùm tabiak negar langiu, gam padang Bol bala ngak bruk piah pacang cakak pablei dauk piah patagok bruk raong hadang hùm dalam negar, duah jien tame saong paglong jien laba ka urang raong. Indonesia hu lagaih ralo baoh hadang hùm labaih 466 trieu drei yaok thun. Yau nan ye, rajaei Indonesia caong khin ngak siam bruk raong dalam ia, salih ka bruk pablei baoh ngak laba ka urang negar langiu.

Jit Ebola di Congo daok rah tabiak sraw kadau tuk urang ruak tapa 9.000, dalam tuk gah y te gaok ralo kan kandah dalam bruk  pasang iek bruk bruk njom mbak di dom labik jit ruak. Mbang tamuh jit ruak meng bilan 5 thun ini, urak ini oh ka hu jru vaccine atau  jalan taong ruak ini hu siam  abih. Mbang ini lac jit ruak Ebola praong abih saong ba tal metai ralo abih meng lavik mai di Congo./.