Page ini 15/10 di Jabat Rajaei, Thủ tướng Lê Minh Hưng dang akaok Nyaom biai online peih ngak Danak dak pakat negar patagok ilimo -xa hoi, palei pala, bangsa saong bhum ceik vaktu 2026 -2035. Bruk patagok Danak dak pakat negar  patagok ilimo, xa hoi palei pala, bangsa saong bhum ceik vaktu 2026 -2035 lac bruk pagam 4 danak dak pakat negar dahlau diah tame hasa, nan lac: Padang palei pala birau, patrun kathaot khang kajap, patagok  kinh te - xa hoi bhum urang bangsa takik saong bhum ceik; Patagok ilimo; Salih birau, paglong asar pato megru- pasram saong iek glang prein yawa, bhap bini saong ngak mbang cakrok patagok.

Tỉnh Tay Ninh page ini peih pakak Ngak danak dak jalan Vanh dai 4 TPHCM, dalam nan hu dom danak dak binah 2-4 sang 2-5, jalan meng ribaong Thầy Cai tal pabah kraong Hiệp Phước  tui jalan karja saong urang ngak ( PPP). Jalan tapa tỉnh Tây Ninh atah jaik 78km. Dalam vaktu ka 1, hu peih ngak 4 jalan radaih, peih drah 100km/ h, tui jalan peih drah samar 100, kuhria buh jien tame ngak labaih 43.000 ti dong.

Kong ty TNHH MTV Jalan pasei medil dothi ka 1 brei ngak tui jalan blei harak ve radaih ndien Metro ka 1 Ben Thanh - Suối Tiên angaok ung dung VneID meng harei ini harei 15/10. Urang brei palih ruah dom janih harak ve labaih tui hatai caong khin, nan lac: harak ve tui ga, vé 1 harei, vé 3 harei sang harak vé bilan. Hadei palih ruah harak ve, tuai damuai  bayar jien pasang ma QR. Harak ve ndien tu gam tui ma QR hu khik veik di labik “ Vé của tôi” piah pasang harak ve tuk tame tabiak sang ga. Yaok mã ve brei pandar  ka sa urang tuai damuai.

Page ini, Liên đoàn Lao động, Kapol nyaom Urang kumei saong Thành Đoàn TP.HCM pambuak bruk peih ngak danak dak “Lakhah tui kapol nyaom” ka 52 dam dara ngak kong, urang ngak hu raidiuk kan kandah. Dahlau tuk ngak lakhah, 52 dam dara pok bingu  tagok Rup patau Chu tich Ho Chi Minh. Tapa 16 mbang peih ngak, danak dak nao gam, daong 1.200 dam dara urang ngak kong, urang ngak ranaih umo radiuk kan kandah  hu ngak lakhah patak pataom, siam gheih.

Trung uong Kapol Urang kumei Viet Nam palih ruah ngak iek Danak dak daong “Urang kumei  metian sang kathaot” di xã Gào, tỉnh Gia Lai. Di labik ini, 200 urang kumei metian  hu daong abih tih 2,2 ti dong, dalam nan Kapol Xang menyek Viet Nam (Petrolimex) hu daong 2 ti dong. Dom urang metian nan sang kathaot, jaik kathaot, lac urang kumei oh hu pasang, urang jaoh jo soang bol  bhap bangsa takik. Yaok urang metian hu daong 10 trieu  dong, dalam nan hu jien 5 trieu, 2 trieu jien blei ia tasau ka urang metian saong 3 ba-a duk iek metian kuhria tui jien 3 trieu dong. 

Australia daok dang anak bruk kurang urang ngak ralo kayua  cakak urang langiu negar tame. Bruk nan ba tal ngak kan kandah tal bruk ngak nong, jitvu kuan mbang labik ndih daok saong  iek glang urang taha umo. Kapol po Nha hang saong kuan café  di Australia, labik hu pandar 112.000 urang ngak daok tam gaok kan kandah tuk Australia cakak urang negar langiu tame.

Dalam tuk bruk sraw kadau daok rah tabiak, bruk pablei menyek tamo di bhum Trung Đông  daok trun biar. Hu tuk, menyek tamo di bhum taneh ini trun biar, daok oh ka bak 1/3 dut saong dahlau diah. Anak bruk sraw kadau tamuh tabiak, bruk pablei menek tamo di Trung Dong kuhria labaih 23,3 trieu thung yaok harei. Tui nan, yaom menyek  tamo di dunya  tagok gam gam, urak ini tagok jaik 107 USD/ thung ngan haong menyek  Brent tathik Barak.

Iowa, Kansas saong 6 tieu bang karei di Mỹ khan ka bruk yak OpenAI, ndem lac ChatGPT ngak jhak tal uranaih, dalam nan tacei ba dom uranaih ngak jhak drei eng saong ngak jhak tal urang karei. Dom bang ba tabiak tòa ndok OpenAI atah klak  kien laba  mek di uranaih sit, takik brei ka urang umo 18 thun pandar ChatGPT tal tuk halei ngak hu siam abih bruk daok kurang./.