Ndom meyai pato tacei di Nyaom biai tapak saong online dalam negar ngak patruh Sarak Nghi quyet Trung uong 4 mbang ka XIV di page ini, Tong Bi thu, Po Negar To Lam caong khin: Dom pakat uy brei pasang duah dom sarak nghi quyet dalam taong abih danak dak ngak Sarak Nghi quyet Nyaom roya mbang ka XIV di Ndang, ngak cambaih asal kadha daong gauk, langyah bruk gal tavak, oh ka njauk gauk saong bruk ngak daok oh ka salah. Dom asal kadha pambuak gah, pambuak bhum brei hu maong iek dalam bruk pambuak di dom sarak, rabha bruk ngak piah pambuak langyah. Tong Bi thu, Po Negar jeng caong khin khik catang adat di nyu, pasang iek bruk ngak saong paglaong bruk di Rahra dalam bruk ngak sarak. Urang dang akaok tapak langyah gal tavak ngak kan kandah praong tal bruk ngak tabiak kaya kan, pablei salih, buh jien tame saong raidiuk Rahra.

Tỉnh Cà Mau birau peih ngak Harei roya taong abih bhap bini bac pandar taka so, ngan haong kadha “Salih pandar taka so Cà Mau: Meng nen tang, du lieu tal bruk ngak - duh ka bhap bini, doanh nghiep saong paglong kein lagaih dalam bruk khik iek”. Mbiah tal ini, nen tang taka so Ca Mau hu labaih 37.000 tai khoan tut angan, jaik 490.000 mbang bac da-a, tame saong iek kadha kot cih tavak angaok nan. Danak dak pataom tame dom ky nang yau jitvu karja online, tri tue nhan tao, pablei salih online, khik siam khaw tin saong ky nang so ka Tổ Công nghệ số bhap bini. 

Danak dak dam dara halan tian bilan pandiak thun 2026 di tinh Dak Lak dui pachreih labaih 130.000 mbang urang ndoan, dam dara hu mbaok, hu jaik 4.000 bruk sangka rahra. Dom kapul urang Bilan pandiak hijao hu ngak 144 danak dak, binah bruk hu taong abih jien jaik 2 ty dong. Taong abih hu 102 xa, phuong dalam tinh jeng peih ngak kapul Binh dan hoc vu taka so ka dam dara, rahra.

UBND TPHCM birau taduan brei sarak buh jien tame ngak, jao brei ka po buh hien tame ngak danak dak sang daok xa hoi di xã Bà Điểm (di huyện Hóc Môn klak). Danak dak praong jaik 192 hecta, phun jien buh tame ngak labaih 64.000 ti dong jao ka Kong ty Cổ phần Delta peih ngak. Tui bruk ba tabiak di danak dak hu 43 sang glong rilo 30 tal, bhap bini labaih 67.000 urang. Danak dak khu do thi da chuc nang, pabak ka sang daok, bruk ngak  saong ma-in ka bhap bini. 

Ong Chung Tấn Thịnh, Phaok akaok So Y te tinh An Giang brei thau, pandiak tabiak darah saong tangin takai pabah dalam tinh daok parilo. Meng akaok thun tal ini, tinh hu jaik 7.400 urang ruak pandiak tabiak darah saong labaih 6.000 urang ruak tangin takai pabah. Bruk dua ruak ini parilo tagok brei ka hu gah y te brei pataom tame glaong, srap gap peih ngak dom jalan pasang duah iek, oh luai ka jit tamuh saong pambak praong. Gah Y te An Giang paatagok bruk pasang iek di dom labik hu dom urang duak rilo yau ye Phú Quốc, Long Xuyên, Khánh Bình, Chợ Mới saong Nhơn Hội.

Tui pasang iek birau ini hu mboh ralo cư tri Mỹ oh njauk hatai  haong bruk ngak di Tong thong Donald Trump saong caong khin dom salih birau ralo anak mbang palih ruah kreh vaktu ngak bruk. Labaih 80% cử tri oh njauk hatai ka bruk ngak di Tong thong Trump langyah ka jien cai pandar dalam raidiuk saong 75% oh njauk hatai ka sarak kinh te. Tok hu sa dalam 3 binah taong yaom siam ka Tong thong Mỹ.

Mentri Ngoai giao Japon harei kabroi pathau khan negar ini saong My mek hu pambuak mbaoh tangin bruk ngak danak dak ngak tabiak janih bán dẫn. Dua negar hu njauk hatai ngak danak dak ngak tabiak bán dẫn di bang New York – Mỹ. Ini lac danak dak janih bán dẫn akaok meti daok dalam Hadah krah buh jien tame ngak ka jalan ngak kayua dua Rajaei ba tabiak, hu taong abih labaih 10 ty USD saong hu kein lagaih tagok labaih 21 ty USD dalam harei hadei, tapa bruk peih praong dom labik ngak tabiak.

Buh jien tame ngak ha tang tri tue nhan tao (AI) daok daong khik patagok di dunya labaih 3%, dalam nan kein laba praong abih di chau A. Ndem ka bruk jhak di AI ka bruk ngak, Tổng Giám đốc Kadung jien Dunya khan lac, labaih 40 % bruk ngak hu pabak lagaih veik, atau trun pakat atau atah klak  kayua hu AI, blaoh daok tagok veik tal 60% tui dom gah kinh te patagok./.