Urak ini, dom daonh nghiep di TPHCM hu kuhria jien thuong Tet nguyen ndan ka urang ngak. Kuhria abih tih jien thuong  Tet  meng 1 tal 5 tỷ đồng sa doanh nghiep. Urang ngak saong urang jakar khik iek bruk ngak hu jien thuong  meng 8 tal 30 trieu dong sa urang. Tui  So LĐ, TB saong XH TPHCM, Tet Nguyen dan Ula Naih 2025, Ban raya hu peih ngak rilo bruk sangka Tet ka urang ngak kong, urang ngak, alin pandap ka dom baoh sang dalam sarak karja. Kuhria abih tih jien buh tabiak mbang ini lac labaih 975 tỷ đồng.

So Lao dong - Thuong binh saong Xa hoi ban Can Tho mayai lac, hu 824 doanh nghiep khan ka jien bilan, jien thuong Tet Ula Naih. Yaom lac bruk kinh te ngak mbang daok ralo kan kandah, min jien thuong Tet glaong abih di doanh nghiep pak Can Tho tapa 4 mbang dut haong Tet nasak Ine Garai. Kuhria tanut jien thuong glaong abih lac 300 trieu ndong di doanh nghiep tu nhan. Tanut jien biar abih lac 200.000 ndong (glaong dua mbang Tet Nguyen dan 2025) jang dalam doanh nghiep tu nhan.

Tỉnh Cà Mau kham merat tal puac bilan 8 thun 2025 meda padang ngak salah, pasiam veik 4.400 baoh sang ka urang kathaot. Piah peih ngak danak dak nan, tỉnh khin hu 235 tỷ đồng. Cà Mau mboh lac langiu phun jien di karja, njauk brei jak ba bhap bini rik jien tame, tui jalan ngak Karja daong, bhap bini daong, urang kathaot brei kuhria padang ngak sang. Langiu di nan, tỉnh daok daong bruk ngak mbang, duah bruk ngak, piah dom baoh sang kathaot kham merat yam tagok.

Tinh Tien Giang merat tal puac thun 2025, ngak pablaoh bruk brei oh daok baoh sang taik tahak ka urang hu prein ngak bruk daong taneh ia, sang kathaot, jaik kathaot. Jien daong piah padang ngak sang bahrau lac 60 trieu ndong sa baoh sang; ngak pasiam veik lac 30 trieu ndong baoh sang. Jien buh tabiak kuhria abih tih labaih 11 ty ndong. Dom thun tapa, dom pakat karja hu jhul catang bruk jak ba, rik daong gauk padang ngak baoh sang anit ranam, baoh sang jum pataom…daong ka dom urang kathaot hu sang piah daok pandauk hajan angin. Nyauk meyaom lac Tien Giang hu taong abih xa taduan hu angan je palei pala bahrau, palei pala bahrau glaong saong palei pala bahrau kieu mau hu yau nan baoh sang taik tahak trun dak harei dak daok takik.

Sở Ilamo - Padhih saong Yukit tỉnh An Giang birau peih bruk pasram duah thau ka drap ar ilamo oh mboh di meta di bhap bini bnagsa takik ka dom urang akaok puk, palei, urang jakar ilamo,  dom hakim, na-ep, toul toul sang megik Cam Islam di huyen An Phu…Dom urang hu mbaok pasram nan hu urang yaih khan ka dom drap ar  ilamo oh mboh di meta di dom bangsa takik…Tui nan, daok hu tacei pato cih vak harak ba-ar yaok kuhria drap ar ilamo oh mboh di meta di bhap bini bangsa Cam. Tal pasram piah rik tame paglong jalan sahaneng, bruk ngak di dom pakat khik iek, bhap bini bangsa takik dalam bruk khik ramik, patagok ilamo bangsa drei dalam jaman birau.

Ban ine Tokyo, Nhat Ban hu kuhria ka bruk oh mek jien di yitvu maong iek anek naih mau giao meng bilan 9 th2025. Bruk pambak praong ngak tui sarak oh mek jien di yitvu khik anek naih hu daong ka rai diuk ralo baoh sang hu patrun trak damak di jien padai. Thong doc Tokyo khan lac, Nhat Ban daok dang anak bruk srau dau kayua taka anek naih patrun kurang takik saong bruk ni daok katung suai atah, gam haong nan mayai veik panuac ghak di Thu tuong Nhat Ban saong dom urang jakar pakan lac bruk nagar ni si laik tame bruk srau dau kan kandah di nhan khau hoc.

Urang ngak praong di dom taneh ia di nyaom G7 hu khan lac ka bruk rah tabiak di Syri. Khan lac veik bruk hu sanya haong bhap bini Syri saong njauk hatai bruk salih chinh tri taong abih gah  kayua bhap bini  pan akaok saong ba tabiak bruk ngak tui Sarak 2254 di Hoi ndong bao an Lien hop quoc. Urang ngak praong dom taneh ia G7 iew taong abih gah brei khik iek taneh ia saong jum pataom di Syri jeng yau  iek praong bruk ndoc lap saong ngak po di Syri.

Jit ruak oh bhian mboh dreih yau jit kum (daok ieu lac ruak X) jaik ini bahrau mboh di Cong hoa Dan chu Congo pagam haong taka manuac matai lihik biak glaong, ralo abih nan anek naih umo ala 5 thun, daok ngak ralo susah hatai. Kapul Y te dunya (WHO) bahrau da-a urang ilimo nao tal nagar chau Phi ni piah duah thau cambaih laih di jit ruak ni daok mbuan si pambak praong tabiak lingiu. Urakni ralo nagar bahrau khik caga piah pasang iek di mblang ahaok apar saong mayai khan bhap bini luai nao jirah rivang tal dom labik daok hu jit ruak./.