Bhum Nam Trung Bo, Tay Nguyen, di bhum ĐBSCL daok tame bilan pandiak bhang, mbuan rah tabiak kurang ia, njom ia mbak tame dalam pabah kraong. Piah pacang caga kan kandah kayua pandiak bhang, kurang ia, njom ia mbak, Thủ tướng  Phạm Minh Chính hu sarak iew dom mentri, dom gah, karja palei taong yaom kuhria ia, dak padang jalan pandar ia ka lagaih duh ka bruk ngak mbang pala drak, pablei salih. Abih di nyu, brei caik hatai tal ia pandar ka bhap bini  dalam dom bilan  tabung glong pandiak, tua riya, njom ia mbak.

Di var ndem biai haong dom Mentri, gam Ban raya HCM, tỉnh Long An, Tiền Giang ka bruk roh duah peih praong jalan peih drah samar ban raya HCM - Trung Lương - Mỹ Thuận tui jalan  pambuak bruk karja saong langiu karja ( PPP) Phó Thủ tướng Trần Hồng Hà caong khin samar peih ngak danak dak peih drah samar ban raya HCM -  Trung Lương - Mỹ Thuận. Mentri Jalan mbak pajeng ba samar ba tabiak  jalan ngak, khin hu jien daong peih taneh  abih jalan peih drah samar nan tui bruk quy hoach, jao brei ka karja labik peih ngak saong tui khik iek  mbaok taneh  hu mek veik blaoh.

Ka danak dak ndien hat nhan Ninh Thuận, Thứ trưởng Mentri Kong Thương Nguyễn Sinh Nhật Tân khan lac, di Mbang nyaom 8, Quoc hoi brei tapa  Sarak hu jalan taduan peih ngak danak dak  điện hạt nhân Ninh Thuận. Yau nan bruk ngak tui hukum  piah padang ngak điện hạt nhân camereip hu ginup. Kuhria abih tih jien buh tame ngak danak dak, Thứ trưởng Nguyễn Sinh Nhật Tân brei thau, kuhria abih tih jien buh tame ngak pambak tame rilo gah, tui kuhria mboh dahlau lac yaok ty dola.

Tatua talei tuan Đại Ngãi 1 saong jalan peih tame dua akaok tatua birau hu peih ngak. Danak dak hu phun jien buh tame jaik 3.900 tỷ đồng kayua Mban Khik iek danak dak 85 di Mentri Jalan mbak pajeng ba ngak po khik iek. Tatua Đại Ngãi 1 di Jalan roya 60 pambuak Trà Vinh - Sóc Trăng atah 3,3 km, tapa jalan Định An tapa kraong Hậu. Ini lac tatua  talei tuan praong  ka dua di Viet Nam, hadei  tatua Cần Thơ kuhria ngak salah thun 2028. Tuk ngak salah, tatua Đại Ngãi pambuak jalan mbak hu lagaih  di dom tỉnh duyen hai  gah Meraong haong Ban raya HCM, takik abih tukvak nao mai, trun jien pajeng ba pandap, peih praong  bruk pablei salih  saong klak di tok hasa Jalan raya 1A.

Hadei tukvak peih ngak Danak dak Pakat negar patagok kinh te- xa hoi  di bhum urang bangsa takik saong bhum ceik ( iew lac Danak dak 1719), tỉnh Sóc Trăng jhul pakhang  bruk daong sang daok, ia pandar, abih di nyu lac salih bruk ngak ka bhap bini; daong salih bruk  ngak ka labaih 4.600 baoh sang, peih dom tal pato bac bruk ngak ka labaih 7.300 urang bac, langya bruk ngak ka jaik 44.000 urang ngak. Meng hu sarak daong tani tanat raidiuk bhap bini saong patrun kathaot khang kajap bo bruk raidiuk bhap bini kathaot  di bhum urang bangsa takik hu salih birau, bhap bini  hu bruk ngak saong  patagok jien mek tame, dom bruk manuac sia caong khin hu pabak sumu.

Jien Won Han Quoc patrun biar abih kuhria meng dahlau mai, daok di tanut 1.437 won/USD, trun 17,8 Won dut haong guan dahlau. Jien Won saong darak pasar chứng khoán Han Quoc trun yaom kayua hadei di bruk Tong thong Yoon Suk Yeol tabiak thiet quan luat blaoh ba tal ralo panuac ndem puac ka duas di Tong thong Yoon Suk Yeol min oh jieng. Dom jabat jien padai nagar ni hu sanya jak bak dom prein khang hu blaoh saong samar ngak dom jalan oh huac kanda meyah njauk piah cagar veik dom salih di darak pasar.

Tong thong Indonesia bahrau ni njauk hatai brei ngak veik danak dak daong brah ka manuac kathaot di thun 2025. Tui jalan ngak, yaok sa baoh sang dalam sarak nan hu daong 10 kilo brah sa bilan piah gheih siam rai diuk. Tapa nan, Rajaei Indonesia daong brei masre mek jien laba biar, daong brei pajaih pala, jang yau pato ilimo khoa hoc ky thuat piah ngak bruk, patrun takik kathaot rambah.

Sa roh duah pak Mexico mboh lac urang umo meng 18 tal 35 thun daok ciuk ralo trak damak di pandiak saong hauk ia glaong, mbuan matai lihik ralo jang urang umo labaih 50 thun. Dom urang ilimo langiu di bruk roh duah daok marat prein pasang iek ka bruk ni. Dom jalan duik rai, labik ngak bruk, atau rup pabhap hu prein randap haong labik daok nan biak praong, min daok caong dom duah dalam veik ka meng krein hu./.