Piah sangka ka urang ngak bruk, Tet Nguyen dan ini kong ndoan dom pakat di TPHCM brei peih ngak 5 mbang darak Tet haong yaom lap hu trun meng 5 tal 40%, ba mai sa bilan tet ginup, trei sir ka jaik 24.000 urang ngak kong, urang dalam kapul. Alin hadiah labaih 1.500 arak ve radaih apui, harak ve ahaok par ka dom baoh sang urang ngak kong hu 3 thun oh hu kein lagaih piah nao palei. Labaih 46.500 urang ngak kong daok ngak bruk di 17 labik ngak kong, labik ngak pandap panda Ban raya Ho Chi Minh oh nao sang mbang tet lac hu kapul peih bruk raok tet dalam Ban raya. Ini jeng lac sa labik pambak piah ka urang ngak kong sahnang hatai ngak bruk, tani tanat bruk ba tabiak pandap panda dalam dom harei jaik tapa thun bahrau.

Tapa pasang iek, dalam tinh Bac Lieu urak ini labaih 1.600 baoh sang kathaot, jaik kathaot njauk diukrai dalam sang tak tahak njauk brei padang ngak. Kayua jien padai di tinh takik, UB bhap bini tinh iew da-a dom jabat, urang ngak mbang pablei salaih, kapol nyaom, urang dalam saong langiu tinh daong veik ka tinh ngak sang daok ka dom baoh sang kathaot, jaik kathaot. Langiu di nan, Bac Lieu kham merat tal puac thun 2025, baoh sang kathaot kuhria rah tapa  trun daok ala 1%. Baoh sang kathaot di bhum urang bangsa takik  yaok thun trun 1%; oh daok baoh sang  kathaot lac urang hu ngak bruk daong taneh ia…

Dom harei ini, rilo urang ngak nong di bhum kaoh pulao Ca Mau dalam bilan tabung glaong ka bruk raong hadang ginraong hijao pablak dalam hamu padai. Thun ini, bruk “hadang kuan phun padai” njauk bilan, hu yaom glaong nan urang ngak nong biak chreih chrai, raok tet samar drah jang. Urak ini urang ikak kaiy blei hadang ginraong hijao janih 1 hu yaom kuhria rah tapa meng 120.000 - 140.000 dong/kg (patui praong atau sit, yaom glaong jang dut haong thun blaoh meng 10.000 - 20.000 dong/kg). Tui Mentri Ngak nong saong Patagok Palei pala, taneh pala padai pablak haong raong hadang di ĐBSCL labaih 200.000ha, hu rilo di tinh Kien Giang, bac Lieu saong Ca Mau. Tui kuhria, tal thun 2030, dalam bhum ĐBSCL hu 250.000 hadang padai.

UB bhap bini tỉnh Bình Phước saong Mentri Ilamo, The thao saong Yulit birau pambuak bruk peih ngak Yai Vo ndit pakat negar Pakacah ndik ceik “ Ndik ceik Bà Rá” mbang ka 30, thun 2025. Yai pachreih hu 71 kapol yaom ngan haong 1.700 urang. Ini lac sa bruk ngak chinh tri, ilamo, padhih the thao peih akaok bruk ngak hu makna praong di Bình Phước thun 2025. Ini lac bruk ngak ndung bak makna lagaih, ar khan  ka prein yawa di bhap bini, bruk hadah mbaok meta di bangsa, sahaneng oh alah di ceik glong saong jhul pakhang bruk pasram patia pahat rup pabhap prein yawa kajap karo di bhap bini bhum palei ini.

Tinh Dong Nai bahrau taduan hu sa bruk lac uranaih kamei umo 4 thun daok di huyen Trảng Bom metai kayua ruak patuk. Tapa pasang iek ka ruak, kapul chuc nang taduan hu panuac khan di baoh sang uranaih kamei nan, dahlau tuk tamuh ruak, kamuan daok pak sang haong amaik. Hadei tuk menek tabiak, kamuan hu klauk 2 mbang vaccine lao saong barah gan B di sang iek ruak, tal tuk ini kamuan oh ka hu klauk veik jru halei. Hadei tuk taduan hu asal kadha ini, Pasak y te huyen Trảng Bom hu pasang iek, brei mboh dom bruk daok jaik haong urang ruak, abih di nan lac dom urang dalam baoh sang. Gam haong nan patagok bruk pasang iek dalam bol bhap rahra.

 Harei kabroi, Quoc hoi My khan ka bruk palih ruah hu jayak veik di Tổng thống Donald Trump. Bruk nan hu peih ngak dalam siam mekre saong oh hu nghị sĩ halei ndem puac caga veik. Dahlau tuk Quoc hoi brei thau ka bruk palih ruah veik Tong thong Donald Trump mboh lac tukvak hadar biak ralo dalam sajarah dakrai negar Mỹ  gam brei thau jalan ngak njauk di taneh ia Mỹ hu makna biak praong hu mai veik. Harei 19/1, ong Donald Trump peih bruk mbang uan jayak saong tuyen the tagok ngak bruk di harei 20/1 anak tal.  

Triều Tiên brei thau ka bruk ngak iek dahlau hu jak jeng ka janih tên lửa đạn đạo gap mbiah bahrau hu srap gap akaok đạn siêu yava tanyi, gam haong nan brei mboh he thong ten lua ini daong gham kakei hu angan je ngan haong dom gah cagar dalam labik Thái Bình Dương. Ini lac mbang ngak iek dahlau ten lửa akaok meti di Triều Tiên dalam labaih dua bilan, rah tabiak tok 2 adit dahlau tuk ong Donald Trump tagok ngak Tong thong Mỹ dalam harei 20/1. (VOV) 

Lien Hop quoc khan lac, labaih 30 trieu urang di Sudan, meteh dalam dom urang nan lac uranaih daok caong hu daong, kayua bruk mesruh metak gilac veik di taneh ia ini meng bilan 4 thun 2023. Yaok pluh ribau urang metai saong labaih 8 trieu  urang njauk panduan ba nao labik karei meyah dalam negar rah tabiak bruk mesruh gauk. Iek lapa hu rah tabiak 5 bhum taneh di Sudan, ngan haong 8 trieu 1 rituh ribau urang saong kuhria mboh dahlau iek lapa daok tagok veik tuk bruk mesruh metak di Bol lin Sudan saong Bol lin daong samar meneing (iew lac RSF) daok rah tabiak.