Baoh durian dalam nagar tagok labaih 1 trieu tan. Ni lac sa bruk siam lagaih, min jang lac sa kadha kan kandah mayah baoh durian oh hu siam bingi. Kan kandah oh lac takik nan njauk  pabak hu dom baoh durian hacih sa-at ngan haong dom tanut tui nagar langiu caong blei tame. Di tinh Tien Giang hu jaik 24.500ha durian, duh ka darak pasar jaik 500.000 tan sa thun. Min, urakni jang hu doanh nghiep ngak suan hukum di bruk pandar ma so, yau nan ye bo hu 55 ma so bhum pala saong 44 labik papaok durian di Tien Giang padeih pablei tabiak nagar langiu. Bruk ni ngak khat lahik ralo jien padai di gah pandap yaok rabau ty ndo ni.

Tỉnh Ca Mau patabiak sarak brei kham merat tal thun 2030 meda ngak hu salah 2.900 baoh sang daok brei ka urang jien mek tame biar takik. Dalam nan tal thun 2025, sang praong kuhria tui akaok menuac di tỉnh lac 25 m2 ka sa urang; tal thun 2030 hu 30 m2 ka sa urang. Sarak nan jeng hu ba tabiak meng thun 2030, pamong tal bruk patagok sang daok pabak hatai caong padang ngak sang daok birau saong pasiam veik sang daok di bhap bini, tui njauk ilamo ky thuat, bruk ba tabiak; Patagok sang daok hu yaom lagaih bayar jien tui rilo urang karei di gauk, abih di nyu lac urang hu jien mek tame kuhria rah tapa  biar aong dom urang dalam sarak  taaun sang daok xa hoi.

Bo chi huy Bol lin Bien phong tinh Tay Ninh barau peih ngak danak dak “Xuan Bien phong anit ranam mikva puk palei” thun 2025. Di danak dak, hu alin labaih 3.000 paok pandap ka baoh sang sarak karja, baoh sang kathaot daok di bhum tapen nagar; alin labaih 200 pok jien bac “Daong adei yam takai nao sang bac” ka anek saih gaok kan kandah di dom xa tapen nagar, dom anek saih Campuchia daok jaik taphia tapen nagar Viet Nam. Langiu di nan Bol lin Bien phong hu alin 240 paok pandap, 4 baoh sang Gul pataom, 4 paok jien bac ka dom baoh sang kan kandah, dom adei kathaot rambah min thau halan tian nao bac; peih ngak guan nyaom darak pasar, iek ruak, paphat jru oh mek jien ka mikva daok di bhum tapen nagar.

Piah khik brei salamat bruk nao mai angaok jalan mbak dalam tuk Tet Nguyen nda Ula Naih 2025, Mban Salamat jalan mbak tinh Ben Tre  caong khin Kong ty TNHH BOT tatua Rạch Miễu pambuak haong gah chuc nang, karja palei pambuak haong bruk khik salamat jalan mbak peih jalan, tatua kayua drei khik iek. Oh brei radaih oto tải meng 3 truc tagok nduac tapa tatua Rạch Miễu jalan raya 60 di dom tukvak ralo radaih tapa. Brei peih palao balai khik iek, labik padeih piah kak jien jalan piah peih palao radaih gal tavak di labik mek jien. Canh sat jalan mbak Kong an 2 tỉnh Tien Giang, Ben Tre hu jalan peih ngak, tacei ba jalan, oh luai gal jalan dui atah.

Di dom harei puac thun ni, ralo palei pala bingu di Bhum Taneran Kraong Cuu Long, urang ngak nong pala bingu ngak makre daok bui sambai, caong ralo urang blei bingu di Tet thun ni. Di palei bingu Sa Đéc, labik pala bingu praong abih gah Pai negar, yaok trieu kadung bingu ngan haong hadah bar piah pablei tabiak darak pasar Tet ni. Urakni, gah pala bingu, phun ngak makre di tinh Dong Thap hu patagok, pala ralo bingu hu gheih tui hatai caong di mikva, ba mai kein laba glaong ka urang pala bingu, phun ngak makre. Abih tih taneh pala bingu, phun ngak makre di Dong Thap taduan jaik 3.000ha, haong labaih 2.000 janih.

Tong thong birau hu palih ruah di negar My Donald Trump khan lac, anak tal meda taom Tong thong Nga Vladimir Putin biak jaik, hadei tuk ong tagok rai di adit anak tal. Ong Donald Trump mboh lac, Tong thong Nga jeng caong khin hu taom gaok mbang ini saong ong ngak brei samar jang. Tuk hu tangi sua piah brei padeih bruk mesruh di Ucraina, ong Donald Trump mboh lac, abih bruk daok pambak tame Tổng thống Nga Putin.

Sa bruk ba tabiak kaoh tui hukum di Thai Lan barau patagok taong bhat buh guk di sa urang canh sat nagar ni kayua taong matai sa drei asau hu iek praong thaot binguk athur piah kakuk di Ndai hoc Chiang Mai. Urang canh sat nan brei daok guk 16 bilan, gam bayar 100.000 baht sumu jaik 73 trieu ndong ka Ndai hoc Chiang Mai – Labik raong asau. Dahlau urang pametai, asaw nan diuk di mblang bein sang bac saong hu mbaok tame di dom bruk ngak di sang bac.

Gah y te Dunya (WHO) khan lac, jit ruak ndau mua khi di dom taneh ia chau Phi daok suh sah haduh hatai, ralo lac di CHDC Congo, Burundi saong Uganda. Dalam nan CHDC Congo lac taneh ia gaok kan kandah trak abih, dom urang ruak trak abih hu mboh di 12 tinh. WHO khan lac meyah jit ruak saw kadau di CHDC Congo hu rilo veik oh, min njauk huac kayua virus daok njom mbak ralo saong rah tabiak veik miat. Dalam 1 bilan tapa, labaih 14.700 mbamng urang njom ruak mpox hu duah mboh di 20 taneh ia chau Phi, dalam nan CHDC Congo hu 43 urang metai./.