Harei duah bruk ngak ka urang jaoh jo kayua Pasak Daong Pato bruk ngak saong Duah bruk ngak Ban raya Ho Chi Minh bahrau hu peih ngak, dui pachreih jaik 600 urang hu mbaok tame. Hu 57 gah ngak mbang pablei salih tut angan pilih ruah haong labaih 3.000 bruk ngak, dalam nan hu 522 gah pilih ruah urang ngak bruk lac urang jaoh jo. Gah Peih ngak jeng ba tabiak kapul bhap bini “Pambuak harei hadei”, daong pambuak online di gah ngak mbang saong urang jaoh jo tapa QR code. Sa mã ka urang jaoh jo tut angan khau tin ta-eng drei saong caong khin bruk ngak, sa ma piah gah ngak mbang ba tagok khan ka hatai caong pilih ruah urang ngak bruk.

Kuhria tal harei 15/9, tinh An Giang hu 8 danak dak sang daok rahra  praong lac 6.831 baoh sang. Meng thun 2021-2024, tinh An Giang ngak salah 2.799 baoh sang daok rahrah dalam 9.800 baoh sang hu ba tabiak ngak. Dom danak dak  khu, kum cong nghiep di tinh hu ramik quy hoach labik sang daok ka urang ngak, yau nan min dalam tuk peih ngak gaok rilo kan kandah, njauk ndem tal bruk oh hu jien bayar taneh ka urang…Langiu di nan, yaom pablei sang daok ka rahra daok glong dut saong jien duah hu di mikva urang.

Tinh Tay Ninh brei pasiam jalan ngak piah patagok kein lagaih di “Tay Ninh bahrau” hadei pagam tinh, pataom tame gah ngak kong, pablei salih, jitvu, patagok ban medin saong ngak nong ilamo kong nghe glaong. Taphia di nan, kein lagaih gah rah rivang, ilamo, agama yang mebang brei hu pandar gam haong kadung jien ngak kong hu labaih 15.000 ha piah jhul khang bruk dui pachreih buh jien tame. Akaok UB Bhap bini tinh Tay Ninh ong Nguyễn Văn Út brei mboh karja tuk halei jeng daong gah ngak mbang pablei salih, oh tok dalam bruk dui pachreih buh jien tame bo daok luac jalan peih danak dak.

Uan raok harei Sen Don Ta thun 2025, tỉnh Vĩnh Long padang rilo kapol urang jakar nao rivang, alin ndap nda ka dom Baha Phat giao Nam Tông Khmer, baoh sang sarak karja saong urang jakar padeih huu lac urang bangsa Khmer. Di dom labik mai rivang, urang ngak praong di tỉnh jak ba urang su sai, acar, bol bhap Khmer kham merat ngak mbang pala drak, ba ilamo ky thuat tame ngak, padang raidiuk trei sir, haiem phol, patagok bruk jum pataom taong abih bangsa, daong ka gauk padang bhum palei kaya meda. Bhap bini Khmer di Vĩnh Long meblah labaih 8,4% bhap bini rahra.

Dalam dom harei bahrau blaoh, Mban pato tacei Bol lin Bien phong ban Can Tho hu padang kapul ngak bruk mai rivang alin pandap saong tadhau ayuh Harei Sen Dolta di urang bangsa Khmer di 23 labik sang baha agama Bhat Nam tong Khmer dalam bhum tapen negar angaok tasik di ban Can Tho. Di dom labik mai rivang, lambaok urang pan akaok bol lin bien phong ban Can Tho hu taduan dom bruk rik daong di dom urang hu angan je saong bhap bini tui agama Bhat dalam bruk khik ramik ilamo bangsa, ngak siam bruk pathau khan jak ba mikva tui agama bhat ngak njauk jalan di Ndang, sarak, hukum di Karja.

Malaysia birau peih ngak iek mac jamraih pasang iek urang  tame negra hu angan Mac jamraih Tame negar pagam Taneh ia (NIISe), brei adat ka bhap bini Malaysia saong tuai damuai mai meng 63 taneh ia, dalam nan hu Singapore, pandar ma QR salih ka harak ho chieu tuk tapa pambang negar. Ini lac bruk ngak hu makna praong dalam dom bruk kham ngak brei salih birau jalan ngak bruk khik iek labik taphia negar, klak gar tavak saong paglong bruk lagaih tuk tame tabiak negar.

Sa jalan labang pambuak Ao saong Italia hu brei peih nduac radaih, brei mboh sa bruk hu makna dalam bruk padang jalan pasei peih samar, pambuak jalan pasei di bhum gah barak saong gah meraong chau Au. Jalan ngak lac patrun njom nerak, jhul tagok bruk pablei salih tapa negar saong kateik geik tagok dom bhap bini bhum palei. Danak dak ini brei dui katut tukvak nao mai meng Italia mai tal Ao trun daok ala 25 minit, salih ka 80 minit yau urak ini. Kuhria, jalan labang jalan pasei ini brei ba tame dalam thun 2032, suai labaih 16 thun dut haong jalan ngak meng akaok meti.

Rajaei Taliban brei pakauk pandar Internet di taong abih labik gah barak Afghanistan piah pacang cakak dom bruk ngak lac “oh sahaneng ka jalan diukrai” yau bruk khieu dam atau me-in dara atau adam di angaok mang. Rajaei  Taliban khan lac pabak jalan salih ka dom bruk caong khin pandar. Bruk cakak jalan pambuak ngak ka dom jabat ngak bruk, pak sang jeng yau dom doanh nghiep lahik Internet./.