Kuhria tal harei 7/2/2025, hu 58 bhum palei peih ngak Mban tacei pato pakat tinh di bruk brei oh daok baoh sang taik tahak. Tal ini, grauk labik dalam nagar daong brei oh daok baoh sang taik tahak hu labaih 100 rabau baoh sang. Tui jabat thuong truc di Mban Tacei pato Trung uong hu peih ngak bruk brei oh daok baoh sang taik tahak, dom bhum palei kham marat brei oh daok baoh sang taik tahak dahlau di panuac pandar.

Mban peih bruk Pahadar dom harei hu makna praong di Ban raya HCM padang ngak danak dak Melam ariya Viet Nam ngan haong kadha “Thaik binguk dang Viet Nam” di Pasak Ilamo - Padhih  Quan 5. Ini lac sa dalam bruk ngak di Harei roya Nguyen tieu thun 2025. Melam ariya Viet Nam thun ini di TPHCM pablak tame dom kadha yau ye: Puac saong bac ariya, tamia, kadha daoh birau, xiec…Danak dak ka 2 di Melam ariya  ngan haong kadha “Thaik bingu dang hadah hadai” brei mboh veik dom blah tapuk sajarah dakrai di bangsa. Nan oh tok lac dalikan di sa taneh ia mek hu bebat daok lac dalikan  di bruk hadah mbaok meta yam tagok  dalam jaman birau.

Di xa Đak Lua, huyen Tan Phu, tinh Dong Nai urakni patagok hu labaih 250 hecta pala yau saong hu jaik 300 baoh sang hu mbaok tame, raong anek tằm. Abih di nyu nan lac, dom baoh sang raong anek tam di bhum palei ini daok salih tapa jalan ngak barau raong anek tam di ala sang piah mek hu kein laba glaong. Xa Đak Lua daok ngak harak piah taduan mek angan bhum palei pala dau, raong anek tam ngan haong ralo sarak daong piah palei pala ini patagok ralo veik.

Kayua darak pasar kan pablei, hadei Tet, baoh kruac bung kalik hijao di tinh Tiền Giang, Bến Tre laik yaom biak lap. Urak ini, kruac bung kalik hajao janih ka sa tok labaih 10 ribau dong sa kilo, janih 2-3 yaom meng 5.000 dong tal 8.000 dong sa kilo, trun jiak 10.000 dong sa kilo dut haong tuk Tet. Yaom yau nan, urang pala truac bung  khat lahik kayua jien buh tame blei khak drak, jru pruh, njuk pruh ia glong rilo. Tiền Giang saong Bến Tre lac dua bhum palei hu taneh pala  kruac bung  kalik hijao  biak praong  dalam Bhum taneran kraong Cuu Long hu jaik 14.000 ha.

Kong an tinh Binh Duong barau alin hadiah ka dom ndon vi krah hadah di bruk taong tayah hu chuyen an pachot pagat blah mek jien tapa internet. Dahlau di nan, Kong an tinh Binh Duong chap mek 4 khol bleik pusak di chuyen an. Tapa pasang iek, khol bleik hu peih tabiak 25 kong ty ngan haong 100 tai khoan gilang pariak piah pachot pagat jien di 200 urang dalam nagar, ngan hoang jien blah mek hu labaih 100 ty ndong.

Gah pathau khan di Campuchia ba panuac di Thủ tướng Hun Manet brei mboh anak tal oh brei salih birau urang jakar di Rajaei Patao Campuchia mbang 7, yau  dom bruk ndem meyai danei di gauk angaok mang jaik ini. Meng tuk tabiak mbaok di puac bilan 8 thun 2023, Rajaei  Patao Campuchia mbang 7 hu 3 bruk salih karei di dom akaok mentri.

Puac adit barau blaoh, yaok ratuh urang di Dai Loan (Trung Quoc) hu mbaok tame di harei palao gom manyek, khan lac abih harei padeih padei Tet Nguyen dan lavik harei. Dom urang palao gom manyek mai pak ini piah lang kar likau ngak mbang hu ginup mada di thun nasak Ula Naih. Harei palao gom manyek tagok langik lac sa dalam adat pachreih tuai damuai ralo abih di Dai Loan, adat ini peih ngak akaok mati di thun 1999 saong peih ngak yaok thun di tukvak yaok akaok thun birau.

Labaih 30 urang metai saong rilo urang karei njauk rambuac kayua bala raha tabiak di sa radaih buyt di page harei 10/2 -tui tukvak pak Guatemala, di labik langiu ban Guatemala. Bala rah tabiak tuk radaih buyt blak tangin peih radaih laik trun tatua. Dom thaok binguk  nan hu ba tagok mang  xa hoi brei mboh sruh radaih  buyt  dauk dalam ia, vin taom dar  lac atau rup di urang gaok bala. Bala nan yau brei mboh  dom mbang bala angaok jalan mbak biak jhak trak di Guatemala dalam dom thun jaik ini./.