Tui nan, meda taong yaom taong abih gah ka bruk peih ngak dom sarak di Ủy ban TVQH ka bruk pasang iek asal kadha saong sua tangi meng akaok tukvak Quốc hội mbang 15 tal abih thun 2023 pambuak tal 9 gah lac ngak ngak nong saong cak rok patagok puk palei; Công thương; Ilamo, thể thao saong du lịch; Tư pháp; Nội vụ; An ninh, trật tự, salamat dalam rahra; Thanh tra; Tòa án; Kiểm sát.

Nyaom roya Mat tran negar Việt Nam tỉnh Gia Lai mbang XI, vaktu 2024-2029 hu peih tabiak dalam 2 harei lac harei 22 saong 23-8. Piah ngak jeng bruk pakacah gauk chreih chrai salam uan Nyaom roya, MT negar  dom pakat di tỉnh Gia Lai hu jak ba padang ngak 350 baoh sang brei ka urang kan kathaot, urang kan kandah. Rilo bruk ngak mbang duah jien daong ka urang kan kathaot, jaik si kan kathaot, sang bangsa takik saong yaok ratuh bruk ngak pamaong tal bhap bini yau ye: ngak jalan nao mai dalam palei, dui jalan điện truac hadah, bruk “Jalan hala dok Taneh ia”... hu daong padang palei pala bahrau, labik daok siam mekre.

Thun bac bahrau jaik tal, min bruk anek saih di bhum kan kandah, bhum hu rilo mikva bangsa tabiak nao bac ka oh samu gauk, tuk halei jeng lac bruk haduh hatai di tỉnh Đắk Lắk. Dom harei ini, urang jakar, gru pato di dom sang bac langiu di bruk caga dahlau dom kadha pato daok hu nao tal yaok baoh sang, jak ba amaik ame, anek saih ngan haong hatai caong dom adei nao tal sang bac hu ginup abih. Sở Pato magru tỉnh Đắk Lắk hu ba tabiak harak gar pato tacei dom sang bac kham marat pambuak haong pakat ủy, kanja bhum palei gam hu mbaok tame piah pathau khan ka amaik ame anek saih caik hatai sangka, ba kein lagaih ka anek saih nao tal sang bac; jak ba yaok prein khang daong ka anek saih, oh caik adei halei kayua gaok kan kandah  bo oh hu nao bac.

Tal bilan 8 ni, dom tal bac patagok sap Việt ka anek saih urang bangsa takik tame tal bac 1 hu tamat bloh saong Sang bac Tiểu học Tà Nung, ban Đà Lạt, tỉnh Lâm Đồng daok jar var kuhria caga ka thun bac bahrau. Tui gru Đậu Xuân Đức, Hiệu trưởng Sang bac Tiểu học Tà Nung, bilan hè blaoh, sang bac hu pabak brei 40 triệu đồng piah peih tal pasram sap Việt ka anek saih urang bangsa takik. Dom tal bac patagok sap Việt dalam tuk padeih hè lac tuk piah ka dom adei ngak randap haong akhar haroh, pasram pan but kalam, ngak randap haong ayut sahabat, haong tal bac, sang bac piah tame thun bac bahrau hu mbuan lagaih jang.

Meng akaok thun tal urak ini, tỉnh Bà Rịa - Vũng Tàu hu 34danak dak buh jien tame di negar langiu (FDI) hu pabak bahrau saong rami ramik patagok phun jien, ngan haong abih tih phun jien tut angan tame tagok veik jaik 1 tỷ 757 triệu USD, mek hu 88% bruk ba tabiak dalam thun, tagok tal 3,4 mbang dut saong tukvak ini thun blaoh. Dalam dom paok jien mek tame di kadung jien kanja, praong abih jeng lac pataom mek meng gah doanh nghiep hu phun jien buh tame di negar langiu, patui veik lac pataom mek meng gah kong thuong nghiep saong dich vu langiu di quốc doanh. Hadei di tuk quy hoạch tỉnh Bà Rịa - Vũng Tàu hu Thủ tướng Rajaei brei tapa, bhum palei hu pataom prein tame dui pachreih pamaong tame 4 pasak gah kinh te, 3 gah prein khang saong dom bruk patagok.

Mintri Ngoại giao Mỹ brei thau, Đại sứ quán Mỹ di Cuba hu peih ngak veik bruk ngak dom visa oh daok veik ka urang Cuba, brei padeih ngak meng nhiệm kỳ di Tổng thống dahlau daih Donald Trump. Tui nan, meng harei 19/8 meng blaoh, Đại sứ quán Mỹ di Cuba brei peih praong bruk ngak visa ngak bruk hu tukvak saong danak dak klah rabha ilamu di dua taneh ia. Min bruk ngak veik visa du lịch (B1) saong visa pablei salih (B2) jeng daok brei padeih ngak. Bruk ngak ini di Mỹ taduan hu bruk njauk hatai, pok meyaom di bhap bini Cuba. 

Mintri Ngoại giao Ba Lan bahrau ini hu ba tabiak dom adat biak catang jang ngan haong bruk visa du học piah pacang caga urang negar langiu pandar suan jalan di janih harak gar ini. Bruk ngak nan rahtabiak hadei di dom pathau khan ka bruk hu rilo sinh vien negar langiu hu taduan tame dom sang bac đại học Ba Lan bo oh njauk duah thau cambaih laih bruk bac taa. Danak dak kateik greik bruk pandar suan visa du học piah langyah ka bruk tham nhung dalam gah ngak visa. Meng dom adat biak catang ini, Rajaei Ba Lan caong khin khik caga siam mekre ka gah pato magru saong pacang caga bruk pambak tame bruk visa.  

Rilo bhum pala nho di Bỉ, meng jaik pluh thun mai ini daok dang anak bruk langik pandiak tagok. Min taphia bruk pasiam jang bruk ngak alak rượu vang, biến đổi khí hậu jeng ba mai dom kan kandah ngak ka urang nong pak ini brei duah jalan ngak lagaih piah oh patrun sản lượng. Thun blaoh, taneh ia ini hu ngak tabiak 3 triệu 400 rabau lít rượu vang, rilo jang 13% duk haong thun dahlau di nan meng tagok khang dom bein nho. Min tuk langik pandiak tagok, phun nho nyu tabiak caduk aval jang saong mbuan khut kayua ia kakua la-an di bilan bingu./.