Meng harei 5/10 tal harei 12/10 anak tal brei rah tabiak Harei Kate di urang bangsa Cam. Raya hu peih ngak di tinh Khanh Hoa saong Lam Dong. Dalam nan adat raok khan ao saong ngak adat di dom kalan, bimong Cam yau ye: bimong Po Klaong Girai, bimong Po Rome di Khanh Hoa saong bimong Po Sah Ine, kalan Po Nit di tinh Lam Dong. Bruk njauk caik hatai di Khanh Hoa lac Raya Lan Am Cam Hamu Craok mbang ka I di xa Ninh Phước . Daok di tinh Lam Dong, hu angan: “Harei Kate – Khik ramik saong pambak tabiak yaom kaom drap ar ilamo bangsa Cam”, di Inem mek bimong Po Sah Ine, phuong Phú Thủy (Phan Thiet, Binh Thuan klak), langiu dom adat bhap bini bangsa Cam daok hu rây kacah tamia, adaoh, phling ragam bangsa Cam…

UB Bhap bini Ban raya HCM caong khin HĐ Bhap bini Ban raya HCM maong iek tapa, mbaoh tangin brei ka bruk salih bruk di glai pacang caga praong jaik 4,7ha tapa bruk karei piah peih ngak Jalan pasei Bến Thành – Cần Giờ. Labik glai ciuk kan kandah rilo meng lac di xa An Thới Đông saong xa Cần Giờ. Langiu di nan, hu 0,09ha taneh glai daok dalam danak dak. Tui UB Bhap bini Ban raya HCM, Metro Ben Thanh – Can Gio lac daak dak jalan mbak daok dalam kapul danak dak samar chip piah patagok kinh te – xa hoi.

Ban raya HCM daok padang danak dak brei adat ka sarak daong jien mbang ka anek saih Sang bac pho thong Bangsa gam daok gam bac Ba Ria – Vung Tau meng thun bac 2026 - 2027. Tui nan, anek saih daok bac di Sang bac Pho thong Bangsa gam daok gam bac Ba Ria – Vung Tau hu daong 2.000.000 dong/anek saih/bilan. Bruk padang saong ba tabiak sarak daong jien mbang ngan haong anek saih gam daok gam bac lac caong khin njauk hu, piah khik kajap bruk patui veik bruk ngak di sarak, oh ngak klaih klaoh bruk daong hu ngak sarak ngan haong anek saih.

Hajan praong dui atah dalam dom harei tapa ngak glut jaleih taneh di rilo bhum palei di Lam Dong, ngak kan kandah tal sang daok, danak dak jalan mbak saong raidiuk di rahra. Khat lahik trak abih di palei Đắk Snao, xa Quảng Sơn, labik mbuan jaleih taneh praong labaih 4ha, ngak ka 79 baoh sang brei panduan nao tal labik salamat. UB Bhap bini tinh Lam Dong pathau khan bruk samar chip ka bala di labik ini, gam haong nan brei roh duah ramik labik brei labik daok bahrau, khik kajap salamat suai atah ka rahra.

Tui Balai kuhria langik tasik kraong ribaong Meraong Negar, kayua patui veik ciuk kan kandah di labik pataom nhiet doi hu trục tapa Meraong Negar saong Meraong Kreh Negar nan langik di Meraong Negar saong Lam Dong dalam 3 harei anak tal patui veik hu hajan gap mbiah, hajan praong saong angin ribuk di rilo labik, hu labik hajan biak praong labik 100mm dalam min 24h. Tuk hajan angin brei caga ka ribuk, jakala saong angin ndaoh khang. Kakei caga bruk mbuan hajan praong labaih 100mm dalam 3 tuk. Taphia nan, caga hajan praong ngak dauk ia di dom labik dhaong biar saong kan tathuak ia.

Bruk kan kandah trak ngak ka negar Cuba lahik ndien, ngak kan kandah tal labaih 9 trieu urang saong njauk brei ka urang jakar peih bruk pasiam. Hadei tuk rah tabiak kan kandah, dom kapul chuc nang Cuba samar chip peih bruk pasiam, brei pabak ndien ka sang iek ruak, balai njuk ia saong dom jitvu njauk hu. Majam co so ha tang ndien klak di Cuba daok ciuk kateik geik dak harei dak praong dalam tuk kurang xang menyek saong rilo kaya oh daok lagaih.

Kadung jien Nobel pathau khan patagok tanut jien mayaom brei ka dom urang po yai Nobel thun 2026 tagok 12 trieu kronor Thụy Điển (labaih 1,27 trieu USD) ka yaok tal pakat – lac tagok 1 trieu kronor dut saong thun 2025. Tui Kadung Nobel, bruk patagok jien meyaom piah khik tani tanat makna suai atah di Yai Nobel, gam haong nan khik kajap yaom kaom di jien meyaom tui tukvak. Dom urang po Yai Nobel thun 2026 brei danak hu pathau khan meng harei 5-12/10 anak tal. 

Sa kapul khao co Ai Cap bahrau duah mboh dom kubo hu ngak tapak di angaok patau haong dom thaik thaot kien truc karei gauk di tinh Qalyubia, gam haong nan patui veik cakac roh inem mek sa tadai La Ma daok di dalam dom tal taneh angaok kubo. Dom kaya cakac roh brei mboh dom kubo hu meng puac jaman Negar Bahrau saong patui veik hu pandar dalam jaman Hậu nguyên. Bruk ini brei mboh bruk pacup padhi hu khi tani tanat tapa rilo tukvak sajarah.