Hadei 1,5 harei ngak bruk sami samar, njauk lagaih, dan chu saong mbang nyaom ka 5 HĐND TPHCM brei khan tapa 38 sarak, dalam nan hu 24 sarak brei ba tame bruk ngak, brei ngak tui Hukum Patagok do thi di Ban raya. Brei panuac di Nyaom biai Akok HĐND TPHCM Võ Văn Minh kakei dom sarak birau khan tapa lac camereip; makna di nyu lac peih ngak dom jalan, sarak aval samar tame dalam raidiuk, ngak brei salih birau mboh di meta, lagaih ba mai kein laba ka ban raya.

Hoi dong bhap bini tinh An Giang mbang 11, vaktu 2026 -2031 khan tapa sarak hukum ka bruk padang 22 phuong dalam tinh. Bruk padang 22 phuong hu makna biak praong ngak salah blaoh ha tang, jhul pakhang bruk do thi di tinh An Giang. Hadei pagam tinh An Giang  hu 102 don vi hanh chinh. An Giang daok di labik biak lagaih hu bhum taneran, kraong, ceik saong tathik kaoh pulao, pataom ginup piah ngak brei patagok kinh te xa hoi.

Urang ngak praong di ban Dong Nai hu alin kaya Trung thu ka uranaih di 8 xã bhum taphia negar  saong 4 xã bhum urang bangsa takik, bhum ceik. Dalam nan, yaok sa xã bhum taphia negar hu alin 1.000 paok kaya kan, yaok xa bhum urang bangsa takik saong bhum ceik hu alih 500 paoh kaya. Dom paok kaya lain nan yaom lac sit min karja Ban raya caong khin taong abih dom adei hu taduan bruk sangka, kuhria saong hu lagaih bac da-a, ma-in sambai, patagok. Dalam ban raya labaih 420.000 urang bangsa takik, di 37 bangsa.

Tinh Ca Mau daok yam tame tukvak samar  bruk ngak hacih saong siam cơ sở dữ liệu tui “ njauk – ginup – hacih – hadiuk”. Kuhria tal ini, dalam tinh hu ngak blaoh labaih 1 trieu taneh tam he thong cơ sở dữ liệu  taka so, dalam hu labaih 71 % laoh hamu  mek hu tanut chuan ba tabiak. Njauk dem tal, taong abih xã, phuong ngak salah blaoh bruk dut kuhria saong padang ban do hanh chinh. Ca Mau kham merat tal bilan 10 anak tal brei  ngak ba tame du lieu taneh riya.

Kong ty thuy dien Trị An khan brei thau brei tathuak ia tapa taluy binek ia mon 10 tuk harei 23.9 ia khang 146 m3 / giay. Hadei nan, tal mon 15 tuk dalam harei nan, peih khang tagok 276 m3 /giay. Binek ia thuy ndien Trị An meda brei peih drah samar tui langik, ia tame binek, ia padang di binek thuy ndien Trị  An, ia gah ala di balai Bien Hoa. Tui Kong ty thuy dien Trị An, bruk peih ia tapa taluy piah khik siam ka danak dak saong gah ala.

Jabat daong Indonesia khan brei thau daok duah labaih 100 urang lahik hadei mbang kram kapal gilai  pajeng tuai di tathik Java adit dahlau. Hadei mbang duah birau abih, daok 125 tuai daok lahik saong 10 urang metai. Bruk duah gaok rilo kan kandah kayua ia nduac catang. Jabat daong duah urang gaok bala brei pandar mac njuk ia pandar meng atah tame dalam kapal gilai piah daong ba jalan ka dom urang njuk ia ngak bruk.

Harak pathau khan Chi so pambuak urang naih joi di ban raya angaok dunya thun 2026 hu dak angan Bac Kinh dang dhi 5, ngan haong bruk ngak salih birau; ini lac thun ka tijuk taphia gauk di ban ine Trung Quoc hu mbaok dalam nyaom 10 ban raya dang kaok dunya. Bac Kinh dang dhi 5 ngan haong bruk salih birau hadah krah, dalam tuk nan, Thuong Hai dang dhi 9. Harak pathau khan ka dom ban raya di Trung Quoc saong Chau Au hu lagaih karei di nyu dalam bruk palih ruak urang naih joi.

Jabat LHQ khan lac, oh huac bruk mesruh metak daok rah tabiak, labaih 5 trieu  urang ti nan di Sudan, hu gilac veik mai bhum palei camereip. Urak inim labaih 8 trieu 580 ribau urang karei oh ka mai veik palei. Bruk  mesruh metak rah tabiak meng harei 15/4/2023 ngak metai labaih 200.000 urang, ralo lac bhap bini, tui nan ngak sraw kadau  bruk bhap bini salih labik daok saong kurang mbang iek lipa biak trak di dunya./.