Tapa pataom veik panuac di labaih 960.000 cử tri di 10 quận dalam Ban raya HCM ka bruk ramik veik, hu jaik 878.000 cử tri njauk hatai haong bruk nan (meblah 91%). Dom cử tri oh njauk hatai haong bruk ramik veik  meblah jaik 2% saong hu 0,05 % panuac karei. Tui bruk ba tabiak, hadei di ramik veik, meng 80 phường meda padang veik 38 phường birau. Dalam nan ralo meng pataom dua phường jeng sa phường birau, hu 7 phường pataom meng 3 phường atau sa binah phường klak ngak jeng phường birau. Hu 9 phường brei ramik veik taneh phường.

UBND huyện Ngọc Hiển, tỉnh Cà Mau hu nao rivang saong daong jaik 30 triệu đồng ka 9 baoh sang rahra njauk kan kandah kayua glut jaleih taneh; UBND ban sit Rạch Gốc jeng hu daong labaih 11 trieu dong ka dom sang gaok khat lahik. Dahlau di nan, di maong 11 meteh melam 8/7, labik kraong tapa puk 8, ban sit Rạch Gốc glut jaleih ngak ka 9 baoh sang khut, dalam nan 4 baoh sang jaleih abih trun kraong. Bruk glut jaleih tui kuhria ngak khat lahik  jaik 1 tỷ đồng. Tui taong yaom di kanja palei, vil val labik glut jaleih daok rilo labik mbaih mbaoh, mbuan  glut jaleih veik..

Daok di huyen Thạnh Hóa, tỉnh Long An, birau tapa labaih 1 bilan hajan min jeng hu rilo mbang glut jaleih taneh takai kraong, ribaong … Di jalan ribaong 30/4 di palei Ông Quới hu tal 3 labik glut jaleih tal 170met, mbang dalam tame mbaok ar meng 5 tal 8m. Dalam nan, labaih 20m jalan glut jaleih jaik 2/3 mbaok jalan  saong hu rilo labik ra-ai talah praong meng 10 -15 cm. Jaik 550 ha taneh pala drak  mbuan khat lahik. Di jalan radaih rah tui ribaong Cả Cỏ glut jaleih atah  tal 50m, mbang dalam tame labaih 7m. Meng akok thun tal ini, di huyen Thạnh Hóa hu 8 labik glut jaleih taneh tapen kraong, ribong, kuhria abih tih atah tagok tal labaih 360 m.

Sở pato magru tỉnh Đồng Nai brei tamat Trung học phổ thông (THPT) ngan haong adei N.H.B.T (umo 18 thun) bahrau tabiak sang iek ruak dalam mbang njauk jru mek xyanua di huyện Nhơn Trạch. Adei T njauk tame sang iek ruak taong ruak di TP.HCM meng harei 22/6 nan ye njauk klak  mbang pakacah tamat THPT. Tal harei 8/7, prein yava di adei T hu tani tanat saong hu brei tabiak sang iek ruak. Dahlau di nan, Công an tỉnh Đồng Nai hu cap khik Nguyễn Thị Hồng Bích (daok di xã Vĩnh Thanh, huyện Nhơn Trạch) piah pasang iek ka bruk pametai manuac.

Di tỉnh Tiền Giang, meng kaok thun tal ini hu 16 sruh jit ruak di 8 huyen, ban ngak jaik 1.000 drei pabui njom ruak njauk ba nao am cuh klak, abih tih teik trak jaik 35 tấn; urak ini taong abih sruh jit ruak jeng tapa 21 harei. Jabat khik iek gah thu ý  saong urang raong glang di Tiền Giang hu pandar labaih 30.000 mbang vaccine jit tả pabui Châu Phi saong tapa nan mboh hu siam mekre. Gah thu y kakei, dahlau saong dalam vaktu  klauk vaccine ka taphon pabui brei pabak asar jru pacang ruak meng dom janih jru phun kayau, gia vị. Bruk nan meda pacang caga hu ruak, khik ka pabui hu kajap, trun takik khat lahik dalam tuk klauk jru vaccine jit aih caraoh pabui Chau phi.

Dom bhum gah maraong negar Hàn Quốc bahrau hu dom mbang hajan biak khang ka oh bhian mboh, tagok tal 132 milimet tok dalam sa maong, ngak ka takik di nyu 5 urang metai, labaih 3.500 urang njauk panduan ba nao daok di labik salamat, jaik 4.000 urang lahik sang danaok, rilo radaih ô tô, jalan mbak nao mai, ar pacang saong dom danak dak ka rahra jeng njauk ia dauk, gam tui di nan jeng ngak klaih klaoh dom dich vu jalan pasei saong gah kapar haok, ini lac mbang hajan khang abih dalam 200 thun tapa pak Hàn Quốc. Hajan khang ngak ka 27 mbang par di mblang kapar haok dunya Gimhae di dalam ban pabah lamnge gah đông nam Busan brei padeih saong 36 mbang par karei jeng brei padeih par.

Urang hải quan Trung Quốc hu pacang cakak sa urang tuai likei tuk saai ini duah jalan tame ban taphia negar Thâm Quyến meng Hong Kong.Tuk pasang iek, dom urang hải quan mboh urang tuai likei buh 6 kadung khan bai hu kak sir  tauk mbang keo tame capha di drei. Yaok kadung jeng hu praong sit saong sambo mau karei di gauk. Gah chức  năng chap mek abih tih 104 rei ula, rilo drei lac oh hu di bhum taneh ini. Trung Quốc lac sa dalam dom pasak pablei salih athur praong abih di dunya./.

Lễ hội San Fermin lac bruk oh labik halei hu di dunya tuk urang hu mbaok tame nduac pakacah haong limo bò tót daok hu rahtabiak di Pamplona, Tây Ban Nha. Dalam luac tukvak rahtabiak bruk lac meng 9 tal 10 harei, yaok harei di maong 8 dah page, yaok ratuh urang hu mbaok tame nduac pakacah ngan haong khan aw ngui cuk sambo mbong, ma-om siuk saong tuan băng đô bhong, nduac vil val 6 drei limo bò tót mano, yaok drei trak labaih 500 kg, takaiy haluak. Meng di thun 1911, hu 16 urang metai, yaok thun hu yaok piluh urang njauk rambuac meng bruk ngak ini.