Var ngak iek dahlau bruk Pahadar, dieu binh, dieu hanh 80 thun Harei bangsa negar 2/9 meda peih ngak mon 20 tuk harei ini ( 27/8) di Mblang bein Ba Đình. Var ngak iek dahlau dreih yau ngak biak, hu mbaok di dom kapol dieu binh, dieu hanh saong dom gah duh ka bruk ini. Dom urang dieu binh, dieu hanh  hu: Kapol urang taduan truoi, phao raya, lin kapal haok par salam; Urang dieu binh, dieu hanh; 43 kapol lambaok gah bol pan phao karaong bhap bini; dom bol lin negar langiu; radaih, phao gah bol lin, radaih dac chung; bollin dieu binh di tathik; 12 nyaom kapol lambaok ka bhap bini; kapol Ilamo, The thao…

Page ini, Tinh uy Gia Lai peih Nyaom pataom pok meyaom 62 urang niah Ghieh jak ba bhap bini vaktu 2020-2025. Dalam tinh Gia Lai hu padang ngak jiak 6.000 bruk Gheih jak ba bhap bini dom gah kinh te-xa hoi yau: Raong limo menek, Pala hareik raong pabe hlai, pala phun caphe  meblak haong phun karei, Gom truac hadah jalan atau dom danak dak karei yau: Dam dara halan hatian salih pandar taka so, Pang bhap bini khan-khan ka bhap bini thau - ngak ka bhap bini jia…Tinh uy Gia Lai iek praong bruk pathau khan saong pambak praong dom bruk ngak hu kein lagaih, jalan ngak gheih.

Tinh Dak Lak peih rilo tal bac pandar tri tue nhan tao AI dalam bruk ngak gah ilamo, padhih the thao saong yulit. Ngan haong dom kadha: Pamong tal bruk patagok AI saong ngak bruk harak gar karja; Pandar ChatGPT dalam bruk ngak harak gar karja. Khik kajap khaw tin; Tacei pato bruk pandar phan mem ngak harak gar…Tapa nan, daong ka urang bac duah thau dom bruk siam lagaih abih di AI ka bruk kuhria iek du lieu, ramik pasiam asar kadha, daong ka urang ngak hu pahadah saong pathau khan hu siam jang.

Tinh Dong Thap hu 1.002 kaya OCOP mek hu 3 patuk tagok, dalam nan hu 4 pandap 5 patuk pakat negar. Kaya OCOP di Dong Thap hu biak ralo janih di rilo gah. Langiu dom pandap kaya nong yau baoh kayau, kaya ngak meng caraih, kaya ikan, sruh cim yen, bingu kieng…Jaik abih dom kaya OCOP hu yaom glong jang dom kaya dahlau di ini meng 10 tal 20%. Abih di nyu lac dom kaya pablei tabiak negar langiu tui bruk pambuak piah pakhang prein meriak gauk pablei salih.

Dalam page ini, di labik tatua Bình Triệu 2, TPHCM, gal radaih biak suai. Radaih gal dui tui gauk atah di jalan Raya 13. Tatua Binh Trieu 1 pakauk adaih oto peih tapa ini meng 17h biar harei kabroi 26/8 saong gah chuc nang  brei peih sa jalan radaih oto nao meng pasak tapa tatua Bình Triệu 2. Ini lac jalan praong, bhian hu rilo radaih gal jalan  di dah page yau nan ye ramik peih veik jalan mbak nao page harei kaok meti ba tal radaih gal jalan biak suai. Tal 8 tuk, jalan meng nao mai hu veik.

Dac phai vien My Steve Witkoff khan lac, harei ini, Tong thong Donald Trump peih var ginum biai ka Gaza di Nha Trang saong My caong khin bruk mesruh metak di Israel di dải Gaza hu langyah dahlau abih thun ini. Ngoai truong Mỹ Marco Rubio hu taom gaok Ngoai truong Israel Gideon Saar di Washington. Tong thong My bhian sanya brei samar padeih bruk mesruh metak di Gaza dalam tuk palih ruah di thun 2024 min tal ini oh ka ngak hu.

Nyaom biai pakat glong Nhat Ban – An Do mbang ka 15 meda rah tabiak di harei 29 bilan 8 anak tal pak Tokyo. Tui kuhria mboh dahlau, dom bruk ginum biai praong ka gah an ninh, kinh te, ndem biai haong bhap bini hu peih nga di dua gah. Tui dom khaw tin di Rajaei, Thu tuong Nhat Ban Ishiba Shigeru daok pambuak  haong Thu tuong Ấn Độ Narendra Modi piah ginum biai ka bruk urang ngak bruk di dua gah hu labaih 500.000 urang dalam 5 thun anak tal.

Harei ini, Bruk hadah krah ka Ky luc dunya Guiness pahadar 70 thun dak padang. Hadei 7 pluh thun, bruk hadah krah nan meyaom dom bruk naih joi di anek manuac di dunya. Bruk hadah krah ka Ky luc dunya Guiness camereip peih tabiak di negar Anh. Kuhria meng nan, Tapuk Ky luc dunya Guiness hu angan je, hu patabiak yaok thun meyaom dom bruk ngak hu di dunya birau, meng dom urang glong abih di dunya tal dom bruk ngak hu prein yawa karo kajap…