Uy mban Trung uong Mat tran Negar Viet Nam ba tabiak Jalan ngak pambuak haong dom mbang dom gah, karja palei rivang, alin kaya ka urang kathaoit, urang ngak bruk saong hu baoh sang kan kandah di bingun Tet Nguyen dan nethak Asaih Waw 2026. Dalam nan alin kaya di 34 tinh, ban, yaok tinh 300 paok kaya, hu yaom 1,3 trieu dong sa paok kaya, hu taong abih jien lac labaih 13,2 ty dong; alin kayaTet ka urang ngak kong, urang ngak bruk, alin kaya ka urang jaoh jo, urang taha oh hu labik pambak tame, uranaih metui mejua, rahra njauk kan kandah kayua bala, jit ruak, yaok paok kaya 1 trieu dong jien mbaok saong 1 kadung hu yaom 300.000 dong.

Tui So Noi vu TPHCM, jien alin Tet Nguyen dan Athaik Waw Binh Ngo 2026 glong abih di ban mek hu 1,841 tỉ đồng sa urang, di doanh nghiep hu phun jien negar langiu (FDI). Jien alin biar abih lac 5,84 trieu dong sa urang. Jien alin kuhria rah tapa labaih 12 trieu dong sa urang. Dom jien alin nan trun takik jang dut saong Tet 2025. Tui So Noi vu Ban raya HCM, jien alin glong ralo pataom tame dom doanh nghiep di dom gah dien tu- kong nghe thong tin, ngak tabiak kaya mbang, patagok phan mem, pablei salih taneh riya.

Hadei sa bilan peih Danak dak Quang Trung ngan haong hatai samar chip, catang, tinh Gia Lai anak meta hu salah blaoh bruk padang 456 dalam taong abih 674 sang daok, mek hu jaik 68% jalan ngak. Piah mek hu tukvak ngak “samar drah”, dalam luac sa bilan tapa, tinh Gia Lai hu jak ba taong abih dom kapul lin pan phao karaong saong majam politit di labik. Taphia haong nan padang sang daok, tinh Gia Lai jeng padang dom bruk daok pandaok anak meta salamat ka rahra di tadai bol lin atau ramik brei daok tablak, piah khik kajap tani tanat raidiuk dalam tukvak cang jao sang bahrau.

Dalam dom bruk pachreih tui Harei Ilamo Kraong ia Can Tho, harei ini So Ilamo, The Thao saong Yulit pambuak haong bruk Pakacah vah ghe di Ban Can Tho. Yai hu 8 kapol pakacah hu 16 nyaom urang pakacah mai meng dom tinh, ban pakacah 2.500m angaok kraong Hậu. Tapa pakacah vah ghe ban Can Tho rik tame pakacah, pambak praong dom ilamo siam gheih di kraong ia Can Tho mai haong tuai damuai dalam saong langiu negar; gam haong nan, duh ka bruk caong khin khik ramik ilamo, paglong jalan sahaneng di bhap bini.

Tinh Ca Mau kuhria peih harei Raya hadang Ca Mau mbang ka 2 di puac thun 2026 tui tanut pakat bhum. Bruk njauk caik hatai di harei Raya hadang lac sa dnaak dak peih, labik bo jabat pasang iek karja, gah ngak mbang pablei salih, urang ngak ilamo saong urang raong hadang gaok gauk, ndom meyai saong pambuak. Tinh Ca Mau hu taneh raong kaya dalam ia praong abih dalam negar, hu labaih 420.000 ha. Harei raya hadang Ca Mau hu caong takre daong ngak lagaih ka jalan ngak kim ngach pablei tabiak langiu negar ka hadang mek hu 2,8 ti USD dalam thun 2030. Ini daok lac asal kadha ka caong takre ba hadang Ca Mau tabiak atah jang dalam gah ikan, aring, hadang dalam dunya.

Ban ine Jakarta di Indonesia khan brei thau oh cuh phao bingu dalam tuk uan raok thun birau 2026 piah brei mboh bruk jum pataom haong bhap bini di dom rahra gaok bala. Panuac eiw da-a di karja hu rilo jabat saong doanh nghiep rik jien daong. Yaom lac oh hu dom mbang cuh phao biak gheih mekre, min Mentri Yulit Indonesia kuhria mboh dahlau hu abih tih 1 trieu 450 ribau tuai damuai negar langiu mai rivang dom labik sirah  dalam tuk padeih uan raok Giang sinh saong Thun birau 2026. Mentri Yulit Indonesia jeng kuhria caga dom tour saong rilo bruk piah pachreih urang mai rivang ma-in. 

Jaik 4/10 urang praong thun umo Han Quoc diuk rai di ala tanut kathaot. Ini lac bruk kuhria hu di Xu huong xa hoi Han Quoc 2025 bahrau ba tabiak. Cambaih laih lac, labaih 39% urang meng umo 66 thun ba tagok hu jien mek tame ala 50% tanut jien mek tame pakat negar. Njauk caik hatai lac, bruk eik lipa trak abih laik tame kapul meng umo 75 thun ba tagok dom urang daok gaok “srau kadau rilo” dalam nan hu kurang an ninh jien mek tame saong kurang prein yava./.

Sa roh duah birau di Nhat Ban brei mboh bruk ndih oh njauk tukvak di urang umo dam dara praong ngak khat lahik jien padai takik di nyu lac 1.000 ti Yen, sumu labaih 6 ti 300 trieu USD yaok thun, ralo lac kayua trun prein ngak bruk saong takik caik hatai ralo tal bruk ngak. Thau lac tuk drei ndih saong medeih tui tukvak karei di gauk di harei ngak bruk saong puac adit, ba tal tukvak rup pabhap drei ngak bruk sraw kadau. Tui Gru giao su Masashi Yanagisawa di Sang bac Dai hoc Tsukuba, oh lac ndih ginup tukvak saong bingi blaoh daok brei ndih njauk tukvak, gam kakei urang juai caik ndih pabak di harei puac adit bo ngak njauk tukvak di nyu./.