Danak dak jalan peih samar ban medin Hồ Tràm - Mblang kapal ahaok Long Thành hu atah labaih 42km, taong abih phun jien 51.000 ti dong kuhria peih ngak di harei 30.4 anak tal. Mblang kapal ahaok par Long Thành kuhria hu ba tame peih par di puac thun 2026, rahra di dom tinh bhum Pur Pei gah Meraong negar; dom labik jirah rivang Long Hải, Phước Hải, hồ Tràm… nao tal mblang kapal ahaok par ye brei nao tapa labik hu rilo rahra. Kayua nan, jalan peih samar bahrau pambuak meng Long Thành nao tal Hồ Tràm lac njauk hu, daong patagok khang gah jirah rivang jitvu.

Tinh Lam Dong daok peih bruk pasang iek piah ramik pasiam jalan patagok cum kong nghiep vaktu meng thun 2026 -2030 saong pamaong tal hadei thun 2030 pataom tame labik tapen tathik. Amuk Cao Thị Thanh, Pho Yam ndoc Sở Công thương tỉnh Lâm Đồng khan brei thau, brei ramik quy hoach meng bhum taneh kan pachreih urang buh jien tame ngak mbang tapa labik hu lagaih piah pachreih urang mai ngak mbang. Yau nan ye, tacei pato jalan ngak brei patagok dom kum kong nghiep di tinh Lam Dong pataom tame ralo di labik jaik tathik, di tinh Binh Thuan klak.

Kadung jien Langik Hacih hijao hu mbaoh tangin likau daong jien di Jabat Pambuak pakat Dunya Japon pambuak gam haong Rajaei Viet Nam ka danak dak bayar jien patui kuhria hu ka bruk patakik tathuak nerak meng bruk lahik glai saong kurang glai. Tui nan, viet Nam hu taduan jaik 72 USD tapa adat bayar jien patui bruk kuhria hu, njauk samu haong bruk tathuak nerak sang kreih camin hu brei mboh doc lap. Tapa dom bruk di danak dak, Viet Nam brei dak harei dak patakik bruk kaoh cuh phun glai, jhul tagok bruk pasang iek glai karo kajap, pasiam bruk ngak mbang daok dang di dom bhap bini bhum palei pambak tame glai.

Sở Y te tinh Ca Mau saong So Y te TPHCM mbaoh harak daong bruk patagok gah y te meng thun 2026 -2030. Tui nan, TPHCM brei pataom tame  bruk pajeng ba jao brei dom ilamo ky thuat meng dom sang iek ruak di TPHCM ka 8 don vi y te praong di tinh Ca Mau. Tui nan jhul pakhang bruk pato pasram ilamo bruk ngak, salih jalan khik iek saong peih ngak tui jalan cara ta-eng po di labik y te karja tui hatai halan hatian, cambaic laic.

 Urak ini, yaok harei tinh An Giang hu labaih 2 ribau 200 tan janih tathuak nerak dalam bruk daok dang, ngak kateik geik praong dalam bruk pa-abih mbau bluk saong njar ia nerak di dom labik pataom. Langiu di nan dalam tinh jeng daok hu 24 labik tuh hareik di langiu langik hu padeih bruk di nyu min jeng oh ka langyah patruh. Rilo mbuan harei nerak daok tablak dalam labik di rahra atau jaik dom halau ia, ngak tabiak bruk njom nerak, ngak kan kandah tapak tal prein yava saong raidiuk di rahra.

Anh ngak salah bruk ginum biai pablei salih jru cavao haong Mỹ, ba tabiak asar kadha jru ngak tabiak di negar Anh hu pablei di negar Mỹ bo oh kak jien je, salih veik Anh brei bayar jien glong jang ka dom janih jru birau. Rajaei Anh khan brei thau, bruk ginum biai nan ngak Anh jeng taneh ia hasa hu tame negar My bo oh kak jien je ka jru cavao. 

My brei ba katak nhựa klik saong dược phẩm tame Harak angan dom janih ngak njom nerak ka nam, bruk ini lac khol drei brei hu pasang iek saong tui iek Hukum ia menyum salamat. Vi nhựa lac dom asar katak biak sit hu duah mboh di grauk labik, meng dalam rup pabhap menuac tal ia menyum, di ala tasik Bac Cuc. Dom roh duah hu pambuak bruk nan haong ung thu atau ngak kan kandah tal bruk metian menek.

Dom jabat chuc nang saong gah jien padai di negar Australia daok khan ka brei pacang caga  parilo bruk pachot pagat mek angan gilang pariak, dalam tuk kol duis  mang dak harei dak jhak kan thau dahlau saong ngak tui kapol nyaom. Dom bruk kol nyu karei birau oh lac pandar tame kong nghe bo daok duah mek khaw tin di urang, ba tal urang blei kan thau halei ja – halei biak. Dom bruk pachot pagat  ralo payua jien “ tai khoan salamat”, ngak ja gilang pariak piah klaik mã PIN, atau jua urang pagam phan mem pasang iek jamraih meng atah.