Tui kadha “Bal pataih pataom gauk – Kajap takai uak drei tagok”, mbang akaok meti, jalan bangu Ban raya Ho Chi Minh Tet nethak Asaih Waw 2026 hu peih ngak di 3 labik jalan nao tablak takai Nguyễn Huệ (phuong Sài Gòn), phuong Thủ Dầu Một (Binh Duong) saong phuong Vung Tau (Ba Ria – Vung Tau). Yaok labik parang ba mai dom sambo bar karei, daong ba Jalan bangu Nguyễn Huệ jeng sa bruk brei mboh ka hatai  gul pataom, pambuak pagam saong gam haong gauk “kajap takai uak drei tagok” dalam jaman bahrau. Harei peih pakak hu ngak meng mon 19 tuk harei 15/2 saong tamat blaoh meng mon 21 tuk harei 22/2.

Meng harei 1 bilan 2 tal harei 3/3/2026, Vietnam Airlines kuhria ba tame pandar labaih 1.300 mbang ahaok par melam, pabak jaik 300.000 gaiy piah pabak ka bruk nao mai ralo di tuk Tet thun birau Bính Ngọ 2026. Mbang akaok par melam dalam tuk Tet 2026 tagok 3% dut saong thun dahlau, brei mboh bruk kham merat bika ralo di Viet Nam Airlines dalam bruk pabak nao mai tagok glong di tuai damuai dalam tuk padeih padei praong abih dalam thun.

Bruk srap gap xang menyek, khí hóa lỏng duh dalam bingun Tet Nguyen dan nethak Asaih Waw 2026 daok hu tinh Vinh Long peih ngak piah khik kajap hu ginup, gam gam saong tani tanat. Vinh Long urak ini hu 6 gah pablei salih ba drei tame bruk pabak xang menyek. Taong abih xang menyek hu khik piah dalam bilan Tet labaih jaik 51 ribau tan saong labaih 1.400 tan gas, hu taong abih yaom kaom hu kuhria labaih 344 ty dong, pabak ginup hatai caong blei pandar, nao mai saong ngak mbang di rahra, gah ngak mbang pablei salih.

Tinh Dong Nai urak ini hu taneh pala durian paraong labaih 23 ribau hecta. Phun “jien tik” nan daok mbau pahe grauk dom bein pala durian. Bein durian mbau pahe bingi ralo ye phun hu rilo baoh, baoh praong sumu gauk, bilan durian brei paik rilo baoh. Tui So Ngak nong saong Patagok palei pala Dong Nai, kuhria taong abih taneh pala durian dalam tinh hu labaih 23 ribau hecta, sumu labaih 250 ribau tan baoh. Tui kuhria tal thun 2030, taneh pala durian di tinh hu labaih 30 ribau hecta, brei paik baoh 360 ribau tan.

Dom harei puac thun ini Hop tac xa pak phun njam hang Thuận Phát, xa Vĩnh Hòa Hưng, tinh An Giang daok jal val haong dom harak kakei blei. HTX hu labaih 200 urang lac adei sa-ai kamei taduan kaya mai ngak di sang, hu jien mek tame tui yaok sa-ai kamei lac labaih 3 trieu dong sa bilan. Langiu tukvak sangka ka baoh sang, ngak bruk hamu apuh, dom adei sa-ai kamei pak njam hang piah duah jien, pasiam raidiuk. Tui Kapul Urang kamei tinh An Giang, meng hu bruk ngak tani tanat HTX hu daong 4 baoh sang patruh kathaot, 5 baoh sang jaik kathaot tagok tal gap mbiah, hu 15 baoh sang meng gap mbiah tal hu mbang hu ngui.

Tong thong Indonesia taduan panuac da-a di Tong thong Mỹ Donald Trump, hu mbaok tame “Kapol nyaom Salamat” piah tui iek bruk padang veik Gaza. Bruk ba drei tame “Kapol nyaom Salamat” hu pathau khan tapa sarak tuyen bo chung di dom akaok mentri ngoai giao dom taneh ia  Hoi giao. Yaok taneh ia brei mbaoh harak ngak tui dom sarak hukum saong som bruk pambak tal.

Pathau khan di Danak dak Alam langik Lien hop quoc (UNEP) khan brei thau, buh jien tame alam langik brei tagok 2,5 mbang, tagok 571 ty USD yaok thun dalam thun 2030, piah pacang khik dom anek athur phun kayau anak dom bruk mbuan gaok kan kandah dak harei dak tagok glaong. Urak ini daok kandaong dom bruk oh samu gauk dalam bruk brei caik dahlau bruk pandar jien: yaok 1 USD buh jien tame pacang khik alam langik ye hu tal 30 USD daok buh jien tame dom danak dak ngak kanjah ka he sinh thai. Ini lac “bruk kakei dahlau”, ieu taong abih dalam dunya caik dahlau ka bruk pasiam alam langik.

Danak dak Padai brah pandap mbang Dunya di Lien hop quoc kakei dahlau labaih 1 trieu urang di bhum gah brak Nigeria meda cakak bruk daong kaya mbang saong dinh duong samar chip dalam dom adit anak tal, meyah oh samar hu jien daong. Taneh ia ini hu jaik 35 trieu urang kuhria mboh dahlau mbuan kurang pandap mbang. Bruk taong paoh kalin kan daok ngak tayak dom puk palei Nigeria biak rilo kan kandah, ba tal rilo baoh sang brei panduan ba nao labik karei./.